ʻO KA ʻEPISETOLE HOʻOLAHA MUA A IOANE 1:6 - Ka Baibala Hemolele

⁶ Inā e ʻōlelo kākou, ua aloha pū kākou me ia, a hele hoʻi ma ka pouli, ua wahaheʻe kākou, ʻaʻole kākou i hana ma ka ʻoiaʻiʻo.

ʻO KA ʻEPISETOLE HOʻOLAHA MUA A IOANE 1:6 Iomraidhean Croise

KA BUKE O NĀ HALELŪ 82:5

¶ ʻAʻole e ʻike lākou, ʻaʻole hoʻi e hoʻoponopono iho; Holoholo lākou ma ka pouli; Nāueue hoʻi nā kumu a pau o ka honua.

KA BUKE O NĀ HALELŪ 94:20

E kūkākūkā pū anei ka noho aliʻi o ka hewa me ʻoe? Ka mea hoʻi i hana i ke kolohe ma ke kānāwai?

NĀ ʻŌLELO AKAMAI A SOLOMONA 2:13

Haʻalele lākou i ka ʻaoʻao pololei, I hele ai hoʻi ma nā ala o ka pouli.

KA ʻEUANELIO I KĀKAU ʻIA AI E MATAIO 7:22

“He nui ka poʻe e ʻōlelo mai ana iaʻu ia lā, ‘E ka Haku, E ka Haku, ʻaʻole anei mākou i aʻo aku ma kou inoa? I mahiki aku hoʻi i nā ʻuhane ʻino ma kou inoa? A i hana aku i nā hana mana he nui ma kou inoa?’

KA ʻEUANELIO I KĀKAU ʻIA AI E IOANE 11:10

“Akā, inā e hele kekahi i ka pō, e ʻōkupe nō ia; no ka mea, ʻaʻohe ona mālamalama.”

KA ʻEUANELIO I KĀKAU ʻIA AI E IOANE 12:35

ʻĪ maila ʻo Iesū iā lākou, “Me ʻoukou ka mālamalama i ka manawa pōkole loa. E hele ʻoukou ʻoiai ka mālamalama iā ʻoukou, o hiki mai ka pouli i o ʻoukou nei; a ʻo ka mea e hele ana i ka pouli, ʻaʻole ia e ʻike i kona wahi e hele ai.

KA ʻEUANELIO I KĀKAU ʻIA AI E IOANE 12:46

“I hele mai nei au i ke ao nei i mālamalama, i ʻole ai e noho i ka pouli nā mea e manaʻoʻiʻo mai iaʻu.

KA ʻEUANELIO I KĀKAU ʻIA AI E IOANE 8:12

¶ ʻŌlelo hou maila ʻo Iesū iā lākou, ʻī maila, “ʻO wau nō ka mālamalama o ke ao nei; ʻo ka mea e hahai mai iaʻu, ʻaʻole ia e hele i ka pouli; akā, e loaʻa iā ia ka mālamalama e ola ai.”

KA ʻEUANELIO I KĀKAU ʻIA AI E IOANE 8:55

“ʻAʻole naʻe ʻoukou i ʻike iā ia, ʻo wau kai ʻike iā ia; inā e ʻōlelo aku au, ʻaʻole au i ʻike iā ia, inā ua like au me ʻoukou, he wahaheʻe; akā, ua ʻike au iā ia, ke mālama nō hoʻi au i kāna ʻōlelo.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 4:2

e wahaheʻe ana me ka hoʻokamani; a e hoʻaʻā ʻia ko lākou naʻau me ka hao wela;

ʻO KA ʻEPISETOLE HOʻOLAHA A IAKOBO 2:14

¶ E nā hoahānau oʻu, he aha ka waiwai, ke ʻōlelo kekahi, he manaʻoʻiʻo kona, ʻaʻole hoʻi āna hana? E hiki anei i ka manaʻoʻiʻo ke hoʻōla iā ia?

ʻO KA ʻEPISETOLE HOʻOLAHA A IAKOBO 2:16

a i ʻī aku kekahi o ʻoukou iā lāua, “Ō hele ʻolua me ka pōmaikaʻi, a e hoʻopumahana ʻia,” a e māʻona nō hoʻi; ʻaʻole naʻe ʻoukou e hāʻawi ʻiʻo aku iā lāua i ka mea e pono ai ke kino; he aha lā ka waiwai?

ʻO KA ʻEPISETOLE HOʻOLAHA A IAKOBO 2:18

A e ʻī mai kekahi, “ʻO ka manaʻoʻiʻo kou, a naʻu hoʻi ka hana ʻana; e hōʻike mai ʻoe iaʻu i kou manaʻoʻiʻo me kāu hana ʻole, a ma kaʻu hana ʻana e hōʻike aku ai au iā ʻoe i kuʻu manaʻoʻiʻo.”

ʻO KA ʻEPISETOLE HOʻOLAHA MUA A IOANE 1:10

Inā e ʻōlelo kākou, “ʻAʻole kākou i hana hewa,” ua hoʻolilo kākou iā ia i mea wahaheʻe, ʻaʻole hoʻi kāna ʻōlelo i loko o kākou.

ʻO KA ʻEPISETOLE HOʻOLAHA MUA A IOANE 1:3

ʻo ua mea lā a mākou i ʻike ʻiʻo ai a i lohe ʻiʻo ai nō hoʻi, ʻo ia kā mākou e haʻi aku nei iā ʻoukou, i lilo ʻoukou i poʻe hoaaloha me mākou; a ʻo ko mākou aloha pū ʻana, aia nō ia me ka Makua, a me kāna Keiki ʻo Iesū Kristo.

ʻO KA ʻEPISETOLE HOʻOLAHA MUA A IOANE 1:8

Inā e ʻōlelo kākou, “ʻAʻole o kākou hewa,” ua kuhi hewa kākou, ʻaʻole he ʻoiaʻiʻo i loko o kākou.

ʻO KA ʻEPISETOLE HOʻOLAHA MUA A IOANE 2:4

ʻO ka mea e ʻōlelo ana, “Ua ʻike nō au iā ia,” a mālama ʻole ʻo ia i kāna mau kauoha, he mea wahaheʻe ia, ʻaʻole he ʻoiaʻiʻo i loko ona.

ʻO KA ʻEPISETOLE HOʻOLAHA MUA A IOANE 4:20

Inā e ʻōlelo aku kekahi, “Ke aloha aku nei au i ke Akua,” a e hoʻomaʻau aku naʻe ia i kona hoahānau, he mea wahaheʻe ia; no ka mea, ʻo ka mea aloha ʻole i kona hoahānau āna i ʻike maka ai, pehea lā e hiki ai iā ia ke aloha aku i ke Akua āna i ʻike maka ʻole ai?