ʻO KA ʻEPISETOLE HOʻOLAHA MUA A IOANE 1:5 - Ka Baibala Hemolele

⁵ ¶ Eia mai nō ka ʻōlelo a mākou i lohe ai iā ia, a ke haʻi aku nei nō hoʻi mākou iā ʻoukou; he mālamalama ke Akua, ʻaʻohe pouli iki i loko ona.

ʻO KA ʻEPISETOLE HOʻOLAHA MUA A IOANE 1:5 Iomraidhean Croise

KA BUKE O NĀ HALELŪ 139:12

ʻAʻole hoʻi e hoʻonalo ka pouli i kekahi mea iā ʻoe, Hoʻomālamalama mai ka pō me he ao lā; Ua like nō ka pouli, ua like hoʻi ka mālamalama.

KA BUKE O NĀ HALELŪ 27:1

¶ ʻO Iēhova kuʻu mālamalama a me kuʻu ola; ʻO wai lā kaʻu mea e makaʻu aku ai? ʻO Iēhova ka ikaika o kuʻu ola nei; Iā wai lā au e weliweli aku ai?

KA BUKE O NĀ HALELŪ 36:9

No ka mea, aia nō iā ʻoe ke kumu wai o ke ola; A i loko o kou mālamalama e ʻike ai mākou i mālamalama.

KA BUKE O NĀ HALELŪ 84:11

No ka mea, ʻo Iēhova, ke Akua, he lā nō ia, a he pale kaua; E hāʻawi mai nō ʻo Iēhova i ka lokomaikaʻi, a me ka hanohano; ʻAʻole ia e ʻauʻa i kekahi mea maikaʻi i ka poʻe hele ma ka pololei.

KA WĀNANA A ʻISAIA 2:5

¶ E ko ka hale o Iakoba, e hele mai, E hele kākou ma ka mālamalama o Iēhova.

KA WĀNANA A ʻISAIA 60:19

“ʻO ka lā, ʻaʻole ia ʻo kou mālamalama hou aku ma ke ao, ʻAʻole hoʻi e hoʻomālamalama mai ka mahina iā ʻoe, no ka ʻālohilohi; Akā, ʻo Iēhova auaneʻi kou mālamalama mau loa, A ʻo kou Akua hoʻi kou hanohano.

KA BUKE NO DANIʻELA 2:22

“Ua hoʻākāka mai ʻo ia i nā mea hohonu a me nā mea i ʻike ʻole ʻia. Ua ʻike ʻo ia i nā mea ma ka pouli, A me ia pū nō ka mālamalama.

KA ʻEUANELIO I KĀKAU ʻIA AI E IOANE 1:19

¶ Eia kā Ioane i hōʻike mai ai, i ka wā i hoʻouna aku ai nā Iudaio i nā kāhuna, a me nā Levi no Ierusalema aku, e nīnau aku iā ia, “ʻO wai ʻoe?”

KA ʻEUANELIO I KĀKAU ʻIA AI E IOANE 1:4

I loko ona ke ola, a ʻo ua ola lā ka mālamalama no nā kānaka.

KA ʻEUANELIO I KĀKAU ʻIA AI E IOANE 1:9

¶ ʻO ka mālamalama ʻiʻo ia, ka mea nāna e hoʻomālamalama nā kānaka a pau e hele mai ana i ke ao nei.

KA ʻEUANELIO I KĀKAU ʻIA AI E IOANE 8:12

¶ ʻŌlelo hou maila ʻo Iesū iā lākou, ʻī maila, “ʻO wau nō ka mālamalama o ke ao nei; ʻo ka mea e hahai mai iaʻu, ʻaʻole ia e hele i ka pouli; akā, e loaʻa iā ia ka mālamalama e ola ai.”

KA ʻEUANELIO I KĀKAU ʻIA AI E IOANE 9:5

“Iaʻu e noho ai i ke ao nei, ʻo wau nō ka mālamalama o kēia ao.”

ʻO KA ʻEPISETOLE MUA A PAULO KA LUNAʻŌLELO I KO KORINETO 11:23

No ka mea, ua loaʻa iaʻu na ka Haku mai, ka mea aʻu i hāʻawi aku ai na ʻoukou. ʻO ka Haku ʻo Iesū, i ka pō āna i kumakaia ʻia ai, lālau akula ia i ka berena;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:16

nona wale nō ka make ʻole, e noho mau ana i loko o ka mālamalama kahi e hiki ʻole aku ai ke kanaka; ʻaʻole ʻike ʻia e ke kanaka, ʻaʻole hoʻi e hiki iā ia ke nānā aku; iā ia mau loa hoʻi ka mahalo a me ka mana! ʻĀmene.

ʻO KA ʻEPISETOLE HOʻOLAHA A IAKOBO 1:17

ʻO nā haʻawina maikaʻi a pau a me nā makana hemolele a pau, no luna mai ia i iho mai ai no ka Makua mai o ka mālamalama, ʻaʻole ona ʻano hou, ʻaʻole loa ia e luli iki.

ʻO KA ʻEPISETOLE HOʻOLAHA MUA A IOANE 3:11

No ka mea, eia nō ka ʻōlelo a ʻoukou i lohe ai mai kinohi mai, e aloha aku kākou i kekahi i kekahi.

KA HŌʻIKE ʻANA A IOANE KA HAIPULE 21:23

ʻAʻole pono ka lā ma ia kūlanakauhale, ʻaʻole hoʻi ka mahina, i mea e mālamalama ai ma loko; no ka mea, ua hoʻomālamalama mai ka nani o ke Akua ia wahi, a ʻo ke Keiki Hipa, ʻo ia kona mālamalama.

KA HŌʻIKE ʻANA A IOANE KA HAIPULE 22:5

ʻAʻole pō ma laila, ʻaʻole hoʻi ma ke kukui, a me ka mālamalama o ka lā; no ka mea, na ka Haku na ke Akua nō e hoʻomālamalama iā lākou: a e lilo lākou i mau aliʻi a i ke ao pau ʻole.