ʻO KA ʻEPISETOLE HOʻOLAHA MUA A IOANE 1:10 - Ka Baibala Hemolele

¹⁰ Inā e ʻōlelo kākou, “ʻAʻole kākou i hana hewa,” ua hoʻolilo kākou iā ia i mea wahaheʻe, ʻaʻole hoʻi kāna ʻōlelo i loko o kākou.

ʻO KA ʻEPISETOLE HOʻOLAHA MUA A IOANE 1:10 Iomraidhean Croise

KA BUKE NO IOBA 15:14

“He aha ke kanaka, i maʻemaʻe ai ʻo ia? A ʻo ka mea i hānau ʻia e ka wahine, i pono ai ʻo ia?

KA BUKE NO IOBA 24:25

“Inā i ʻole pēlā ʻānō, ʻO wai lā ka mea e hōʻike mai, he hoʻopunipuni kaʻu, A e hoʻolilo i kaʻu ʻōlelo i mea ʻole?”

KA BUKE O NĀ HALELŪ 130:3

Inā ma ka hala ʻoe e haka pono mai ai, e Iēhova, E ka Haku, ʻo wai lā ka mea e kū?

KA WĀNANA A IEREMIA 2:35

“Akā, ke ʻōlelo nei ʻoe, ‘ʻAʻole oʻu hewa; No laila, e huli aku ai kona huhū, mai oʻu aku nei.’ Aia hoʻi, e paio aku nō au iā ʻoe; No ka mea, ua ʻōlelo ʻoe, ‘ʻAʻole au i hewa.’

KA ʻEUANELIO I KĀKAU ʻIA AI E IOANE 3:33

“ʻO ka mea e mālama i kāna mea i hōʻike mai ai, ʻo ia ke ʻae mai, he ʻoiaʻiʻo kā ke Akua.

ʻO KA ʻEPISETOLE A PAULO KA LUNAʻŌLELO I KO KOLOSA 3:16

A e noho lako mai ka ʻōlelo a Kristo i loko o ʻoukou, me ka naʻauao loa; e aʻo ana a e hoʻonaʻauao ana hoʻi kekahi i kekahi i nā halelū, a me nā hīmeni, a me nā mele ma ka ʻUhane, e ʻoli ana i ka Haku me ka maikaʻi i loko o ko ʻoukou naʻau.

ʻO KA ʻEPISETOLE HOʻOLAHA MUA A IOANE 1:8

Inā e ʻōlelo kākou, “ʻAʻole o kākou hewa,” ua kuhi hewa kākou, ʻaʻole he ʻoiaʻiʻo i loko o kākou.

ʻO KA ʻEPISETOLE HOʻOLAHA MUA A IOANE 2:14

Ua palapala aku au iā ʻoukou, e nā mākua kāne; no ka mea, ua ʻike ʻoukou iā ia mai kinohi mai. E nā kānaka uʻi, ua palapala aku au iā ʻoukou; no ka mea, ua ikaika nō ʻoukou, ke noho lā nō ka ʻōlelo a ke Akua i loko o ʻoukou, a ua lanakila nō hoʻi ʻoukou ma luna o ka hewa.

ʻO KA ʻEPISETOLE HOʻOLAHA MUA A IOANE 2:4

ʻO ka mea e ʻōlelo ana, “Ua ʻike nō au iā ia,” a mālama ʻole ʻo ia i kāna mau kauoha, he mea wahaheʻe ia, ʻaʻole he ʻoiaʻiʻo i loko ona.

ʻO KA ʻEPISETOLE HOʻOLAHA MUA A IOANE 4:4

No ke Akua ʻoukou, e nā pōkiʻi, a ua lanakila ʻoukou ma luna o lākou; no ka mea, ua ʻoi aku ka Mea i loko o ʻoukou i ka mea i loko o ke ao nei.

ʻO KA ʻEPISETOLE HOʻOLAHA MUA A IOANE 5:10

ʻO ka mea e manaʻoʻiʻo ana i ke Keiki a ke Akua, aia nō i loko ona ka hōʻike; ʻo ka mea e manaʻoʻiʻo ʻole i ke Akua, ʻo ia ke hoʻolilo iā ia i mea wahaheʻe; no ka mea, ʻaʻole i manaʻoʻiʻo ʻo ia i ka ʻōlelo a ke Akua āna i ʻōlelo mai ai no kāna Keiki.

ʻO KA ʻEPISETOLE LUA A IOANE 1:2

no ka ʻoiaʻiʻo e noho ana i loko o kākou, a e mau loa aku nō hoʻi i loko o kākou: