ʻO KA ʻEPISETOLE MUA A PAULO KA LUNAʻŌLELO I KO KORINETO 3:1 - Ka Baibala Hemolele

¹ ¶ E nā hoahānau, ʻaʻole e hiki iaʻu ke ʻōlelo aku iā ʻoukou, me he poʻe ma ka ʻuhane lā; akā, me he poʻe ma ke kino, me he poʻe kamaliʻi lā i loko o Kristo.

ʻO KA ʻEPISETOLE MUA A PAULO KA LUNAʻŌLELO I KO KORINETO 3:1 Iomraidhean Croise

KA ʻEUANELIO I KĀKAU ʻIA AI E MATAIO 16:23

Hāliu aʻela kēlā, ʻī maila iā Petero, “E hele ʻoe pēlā ma hope oʻu, e Sātana. He mea hihia ʻoe noʻu; no ka mea, ʻaʻole ʻoe e manaʻo nei e like me kā ke Akua, ʻo kā ke kanaka kāu e manaʻo nei.”

ʻO KA ʻEPISETOLE A PAULO KA LUNAʻŌLELO I KO ROMA 7:14

No ka mea, ua ʻike nō au ma ko ka ʻuhane ke Kānāwai; akā, ma ko ke kino wau, ua kūʻai ʻia na ka hewa.

ʻO KA ʻEPISETOLE MUA A PAULO KA LUNAʻŌLELO I KO KORINETO 14:20

¶ E nā hoahānau ē, mai lilo ʻoukou i kamaliʻi ma ka naʻauao; ma ka hewa nō e kamaliʻi ai; akā, ma ka naʻauao e lilo ʻoukou i kānaka makua.

ʻO KA ʻEPISETOLE MUA A PAULO KA LUNAʻŌLELO I KO KORINETO 14:37

¶ Inā i manaʻo kekahi o ʻoukou, he kāula paha ia, he mea ʻike i ka mea o ka ʻuhane paha, e pono iā ia ke ʻae mai i ka ʻoiaʻiʻo o ka ʻōlelo aʻu e palapala aku nei, ʻo ke kauoha kēia a ka Haku.

ʻO KA ʻEPISETOLE MUA A PAULO KA LUNAʻŌLELO I KO KORINETO 2:6

¶ He akamai nō hoʻi kā mākou e ʻōlelo nei i ka poʻe i oʻo; ʻaʻole naʻe ʻo ia ke akamai o ko kēia ao, ʻaʻole hoʻi o nā aliʻi o kēia ao, ʻo nā mea e pau wale ana;

ʻO KA ʻEPISETOLE A PAULO KA LUNAʻŌLELO I KO GALATIA 6:1

¶ E nā hoahānau, a i loʻohia wale ke kanaka e kekahi hewa, na ʻoukou ka poʻe ma ka ʻuhane, e hoʻihoʻi mai iā ia me ka naʻau akahai; a me ka mālama iā ʻoe iho, o lilo hoʻi ʻoe i ka hoʻowalewale ʻia.

ʻO KA ʻEPISETOLE A PAULO KA LUNAʻŌLELO I KO HEBERA 5:13

No ka mea, ʻo nā mea i ʻai waiū, ʻaʻole ia i akamai i ka ʻōlelo o ka pono; he keiki hou nō ia.

ʻO KA ʻEPISETOLE HOʻOLAHA MUA A IOANE 2:12

¶ E nā pōkiʻi, ke palapala aku nei au iā ʻoukou; no ka mea, ua pau ko ʻoukou hewa i ke kala ʻia no kona inoa.