ʻO KA ʻEPISETOLE MUA A PAULO KA LUNAʻŌLELO I KO KORINETO 11:3 - Ka Baibala Hemolele

³ Ke makemake nei au e ʻike ʻoukou, ʻo Kristo nō ke poʻo o nā kānaka a pau; a ʻo ke kāne, ʻo ia ke poʻo o ka wahine; a ʻo ke Akua hoʻi, ʻo ia ko Kristo poʻo.

ʻO KA ʻEPISETOLE MUA A PAULO KA LUNAʻŌLELO I KO KORINETO 11:3 Iomraidhean Croise

KA BUKE MUA A MOSE, I KAPA ʻIA KINOHI 3:16

ʻĪ maila hoʻi ʻo ia i ka wahine, “E hoʻonui loa aku au I ka ʻeha o kou hāpai ʻana; Me ka ʻeha hoʻi ʻoe e hānau mai ai i nā keiki; A ʻo kou makemake aku aia nō ia i kāu kāne, a ʻo ia hoʻi kou haku.”

KA WĀNANA A ʻISAIA 52:13

¶ Aia hoʻi, e pōmaikaʻi ana kaʻu Kauā, E hāpai ʻia nō hoʻi ia, a e hoʻokiʻekiʻe ʻia, A e kiʻekiʻe loa auaneʻi ʻo ia.

KA WĀNANA A ʻISAIA 55:4

“Aia hoʻi, ua hāʻawi aku au iā ia i mea hōʻike no nā kānaka, I alakaʻi hoʻi, a i luna no nā lāhui kanaka.

KA ʻEUANELIO I KĀKAU ʻIA AI E MATAIO 28:18

Hele maila ʻo Iesū, ʻōlelo maila iā lākou, ʻī maila, “Ua hāʻawi ʻia mai iaʻu ka mana a pau ma ka lani a ma ka honua nei.

KA ʻEUANELIO I KĀKAU ʻIA AI E IOANE 14:28

“Ua lohe nō ʻoukou i kaʻu i ʻōlelo aku ai iā ʻoukou, ‘E hele aku au, a e hoʻi hou mai i o ʻoukou nei.’ Inā i aloha ʻoukou iaʻu, inā ua ʻoliʻoli ʻoukou i kaʻu ʻōlelo ʻana, e hele ana au i ka Makua; no ka mea, ua ʻoi aku koʻu Makua ma mua oʻu.

ʻO KA ʻEPISETOLE MUA A PAULO KA LUNAʻŌLELO I KO KORINETO 3:23

a na Kristo ʻoukou, a na ke Akua ʻo Kristo.

ʻO KA ʻEPISETOLE A PAULO KA LUNAʻŌLELO I KO ʻEPESO 4:15

akā, e ʻōlelo ʻoiaʻiʻo aku ana me ke aloha, i nui aʻe kākou i nā mea a pau i loko ona, ʻo ia ʻo Kristo ʻo ke poʻo.

ʻO KA ʻEPISETOLE A PAULO KA LUNAʻŌLELO I KO KOLOSA 1:18

ʻO ia hoʻi ke poʻo o ke kino, ʻo ka ʻekalesia; ʻo ia ka maka mua, ʻo ka hānau mua hoʻi mai ka make mai; i lilo ia i poʻokela i waena o nā mea a pau.

ʻO KA ʻEPISETOLE A PAULO KA LUNAʻŌLELO I KO KOLOSA 2:10

Ua hemolele ʻoukou ma loko ona, ʻo ia ke poʻo o nā aliʻi a pau a me ka mana.

ʻO KA ʻEPISETOLE A PAULO KA LUNAʻŌLELO I KO KOLOSA 2:19

me ka mālama ʻole i ke poʻo, i ka Mea i hānai ʻia mai ai ke kino a pau, i paʻa i nā ʻami a me nā olonā, ua māhuahua aku ia i ko ke Akua hoʻomāhuahua ʻana mai.

ʻO KA ʻEPISETOLE A PAULO KA LUNAʻŌLELO I KO KOLOSA 3:18

E nā wāhine, e hoʻolohe ʻoukou i kā ʻoukou mau kāne ponoʻī, ʻo ka pono nō ia i loko o ka Haku.

ʻO KA ʻEPISETOLE HOʻOLAHA MUA A PETERO 3:1

¶ ʻO ʻoukou hoʻi, e nā wāhine, e noho pono ʻoukou ma lalo o kā ʻoukou mau kāne iho; a laila, inā mālama ʻole kekahi o lākou i ka ʻōlelo, e hoʻohuli ʻia mai lākou, me ka ʻōlelo ʻole aku, no ka noho maikaʻi ʻana o nā wāhine;