ʻO KA ʻEPISETOLE MUA A PAULO KA LUNAʻŌLELO I KO KORINETO 10:3 - Ka Baibala Hemolele

³ A ʻai nō hoʻi lākou i kēlā ʻai lani.

ʻO KA ʻEPISETOLE MUA A PAULO KA LUNAʻŌLELO I KO KORINETO 10:3 Iomraidhean Croise

KA BUKE A NEHEMIA 9:15

“Hāʻawi maila ʻoe iā lākou i ka berena mai ka lani mai no ko lākou pōloli, A hoʻokahe maila hoʻi i ka wai no lākou mai loko mai o ka pōhaku no ko lākou make wai ʻana, A ʻōlelo aku ʻoe iā lākou e komo a e lilo iā lākou ka ʻāina Āu i hoʻohiki ai e hāʻawi iā lākou.

KA BUKE A NEHEMIA 9:20

“Hāʻawi maila nō hoʻi ʻoe i kou ʻUhane maikaʻi e aʻo mai iā lākou, ʻAʻole hoʻi ʻoe i kāʻili i kāu mane mai ko lākou waha mai, A hāʻawi aku ʻoe iā lākou i ka wai no ko lākou make wai ʻana.

KA BUKE O NĀ HALELŪ 105:40

Nonoi akula lākou, a lawe maila ia i nā silo, A hoʻomāʻona maila ʻo ia iā lākou i ka berena o ka lani.

KA BUKE ʻALUA A MOSE, I KAPA ʻIA PUKA ʻANA 16:15

A ʻike akula nā mamo a ʻIseraʻela, ʻōlelo aʻela kekahi o nā kānaka i kona hoa, “He aha kēia?” No ka mea, ʻaʻole lākou i ʻike ia mea. ʻŌlelo maila ʻo Mose iā lākou, “Eia ka ʻai a Iēhova i hāʻawi mai ai, i mea na ʻoukou e ʻai ai.

KA BUKE ʻALUA A MOSE, I KAPA ʻIA PUKA ʻANA 16:35

ʻAi ihola nā mamo o ʻIseraʻela i ka mane hoʻokahi kanahā makahiki, a hiki lākou i ka ʻāina kanaka; ʻai nō lākou i ka mane, a hiki lākou i ke kihi o ka ʻāina i Kanaʻana.

KA BUKE ʻALUA A MOSE, I KAPA ʻIA PUKA ʻANA 16:4

¶ ʻĪ maila ʻo Iēhova iā Mose, “Aia hoʻi, e hoʻoua aku au i ka ʻai, mai ka lani aku; a e hele aku nā kānaka ma waho, e hoʻoʻuluʻulu i ko ka lā ma ia lā, i hoʻāʻo aku ai au iā lākou, e hele paha lākou ma koʻu kānāwai, ʻaʻole paha.

KA BUKE ʻALIMA A MOSE, I KAPA ʻIA KĀNĀWAI LUA 8:3

“Ua hoʻohaʻahaʻa ia iā ʻoe, ua hāʻawi mai ʻo ia iā ʻoe i ka pōloli, a ua hānai mai iā ʻoe i ka mane āu i ʻike ʻole ai, ʻaʻole hoʻi i ʻike kou mau kūpuna; i hōʻike mai ia iā ʻoe, ʻaʻole e ola ke kanaka ma ka berena wale nō; akā, ke ola nei ke kanaka i nā hua ʻōlelo a pau mai loko mai o ka waha o Iēhova.