KA BUKE MUA O KA ʻOIHANA ALIʻI 9:1 - Ka Baibala Hemolele

¹ ¶ Pēlā ʻo kā ʻIseraʻela a pau i helu ʻia ai ma nā hanauna; aia hoʻi, ua kākau ʻia lākou i loko o ka buke a nā aliʻi o kā ʻIseraʻela a ʻo kā Iuda, ka poʻe i lawe ʻia aku i Babulona no nā lawehala o lākou.

KA BUKE MUA O KA ʻOIHANA ALIʻI 9:1 Iomraidhean Croise

KA BUKE MUA NO NĀ ALIʻI 14:19

¶ A ʻo nā hana ʻē aʻe a Ieroboama, ʻo kona kaua ʻana, a ʻo kona aliʻi ʻana, ua kākau ʻia ma ka buke o ka ʻoihana a nā aliʻi o kā ʻIseraʻela.

KA BUKE ʻALUA NO NĀ ALIʻI 24:14

A lawe pio akula ia i ko Ierusalema a pau, a me nā aliʻi, a me ka poʻe koa ikaika a pau, he ʻumi tausani ka poʻe pio, a me ka poʻe paʻahana a pau, a me nā ʻāmara; ʻaʻohe mea i koe, ʻo nā kānaka ʻilihune o ka ʻāina wale nō.

KA BUKE ʻALUA NO NĀ ALIʻI 24:15

A lawe pio akula ʻo ia iā Iehoiakina i Babulona, a me ka makuahine o ke aliʻi a me nā wāhine a ke aliʻi, a me nā luna hale, a me ka poʻe aliʻi o ka ʻāina, ʻo lākou kāna i lawe pio aʻe ai mai Ierusalema aku i Babulona.

KA BUKE ʻALUA NO NĀ ALIʻI 24:16

A ʻo nā kānaka koa a pau, ʻehiku tausani, a ʻo ka poʻe paʻahana a me ka poʻe ʻāmara, hoʻokahi tausani, ʻo ka poʻe a pau ikaika i ke kaua a pau, ʻo lākou kā ke aliʻi o Babulona i lawe pio aku ai i Babulona.

KA BUKE MUA O KA ʻOIHANA ALIʻI 8:40

He poʻe kānaka koa ikaika nā keiki a ʻUlama, he poʻe pana i ke kakaka, a na lākou nā keiki kāne he nui loa, a me nā moʻopuna, hoʻokahi haneri a me ke kanalima. ʻO lākou nei a pau nā mamo a Beniamina.

KA BUKE ʻALUA O KA ʻOIHANA ALIʻI 33:11

A laila, alakaʻi kūʻē maila ʻo Iēhova i nā luna o ka poʻe koa no ke aliʻi o ʻAsuria, a hoʻopaʻa lākou iā Manase i nā lou, a hana paʻa iā ia i nā kūpeʻe keleawe, a lawe aku iā ia i Babulona.

KA BUKE A ʻEZERA 2:1

¶ Eia ka poʻe o ka mokuna i piʻi aʻe mai ka lawe pio ʻana mai, ka poʻe a Nebukaneza ke aliʻi o Babulona i lawe pio aku ai i Babulona, a hoʻi hou maila i Ierusalema a i Iuda, ʻo kēlā kanaka kēia kanaka i kona kūlanakauhale iho.

KA BUKE A ʻEZERA 2:59

¶ A eia nā mea i piʻi aʻe mai loko aku o Tele Mela, ʻo Tele Haresa, ʻo Keruba, ʻo ʻAdana, ʻo ʻImera; ʻaʻole e hiki iā lākou ke hōʻike aku i ka ʻohana makua, ʻaʻole hoʻi i ko lākou hanauna, i ʻikea no kā ʻIseraʻela paha lākou:

KA BUKE A NEHEMIA 11:1

¶ Noho ihola nā luna o ka poʻe kānaka i loko o Ierusalema; a ʻo ke koena o ka poʻe kānaka, hailona ihola lākou e lawe i hoʻokahi no loko mai o ka ʻumi e noho i loko o Ierusalema ke kūlanakauhale laʻa, a ʻo nā mea ʻeiwa i loko o nā kūlanakauhale ʻē aʻe.

KA BUKE A NEHEMIA 7:5

¶ A ua waiho maila koʻu Akua i loko o koʻu naʻau e hoʻoʻuluʻulu aʻe i nā kaukaualiʻi, a me nā luna, a me ka poʻe kānaka i kākau ʻia ko lākou kūʻauhau. A ua loaʻa iaʻu ka palapala kūʻauhau no ka poʻe i piʻi mua mai, a loaʻa hoʻi iaʻu ma ia mea kēia kākau ʻana:

KA BUKE A NEHEMIA 7:64

ʻImi akula kēia poʻe i kā lākou kūʻauhau i waena o ka poʻe i kākau ʻia, ʻaʻole i loaʻa ia, a ua hoʻokaʻawale ʻia lākou mai ka ʻoihana kahuna aku me he haumia lā.

KA WĀNANA A ʻISAIA 3:2

I ka mea ikaika, a me ke kanaka koa, I ka luna kānāwai, a me ke kāula, I ka mea kilokilo, a me ka mea kahiko;

KA WĀNANA A IEREMIA 13:19

E pani ʻia nō nā kūlanakauhale o ke Kūkulu Hema, ʻAʻohe mea nāna e wehe; E lawe pio ʻia ʻo kā Iuda a pau, E lawe pio ʻia a lilo loa nō.

KA WĀNANA A IEREMIA 39:9

Lawe pio akula nō hoʻi ʻo Nebuzaradana, ka luna kaua, i ke koena o nā kānaka e noho ana ma ke kūlanakauhale, a me ka poʻe hele, nā mea i hele i ona lā, a me ka poʻe i koe a pau e koe ana, a i Babulona.

KA BUKE NO DANIʻELA 1:2

A hāʻawi akula ke Akua i loko o kona lima iā Iehoiakima ke aliʻi o Iuda, a me kekahi mau ipu o ka hale o ke Akua, a lawe akula ʻo ia ia mau mea i ka ʻāina i Sinara i ka hale o kona akua; a hoʻokomo ʻo ia i nā ipu i loko o ka hale waihona waiwai o kona akua iho.