KA BUKE MUA O KA ʻOIHANA ALIʻI 4:10 - Ka Baibala Hemolele

¹⁰ A kāhea akula ʻo Iabeza i ke Akua o kā ʻIseraʻela, me ka ʻī ʻana, “Inā ʻoe e hoʻopōmaikaʻi mai iaʻu, a e hoʻoneʻe aku i kuʻu palena ʻāina, a me aʻu pū hoʻi kou lima, a e mālama mai ʻoe iaʻu i ka hewa, i hōʻeha ʻole mai ia iaʻu!” A hāʻawi maila ke Akua i kāna mea i noi aku ai.

KA BUKE MUA O KA ʻOIHANA ALIʻI 4:10 Iomraidhean Croise

KA BUKE MUA A MOSE, I KAPA ʻIA KINOHI 12:2

“A e hoʻolilo au iā ʻoe i lāhui kanaka nui, E hoʻomaikaʻi aku hoʻi au iā ʻoe, E hoʻokaulana hoʻi au i kou inoa, A e lilo ʻoe i mea e pōmaikaʻi ai.

KA BUKE MUA A MOSE, I KAPA ʻIA KINOHI 12:8

Hele akula ia mai ia wahi aku a ka puʻu ma ka hikina o Betela, a kūkulu ihola i kona halelewa, ʻo Betela ma ke komohana, a ʻo ʻAi ma ka hikina; ma laila ʻo ia i hana ai i kuahu no Iēhova, a hea akula ia i ka inoa ʻo Iēhova.

KA BUKE MUA A MOSE, I KAPA ʻIA KINOHI 28:20

Hoʻohiki akula ʻo Iakoba i ka hoʻohiki ʻana, ʻī akula, “Inā e noho pū ke Akua me aʻu, a e mālama mai iaʻu ma kēia ala aʻu e hele nei, a e hāʻawi mai i ʻai naʻu e ʻai ai, a i kapa hoʻi e ʻaʻahu ai,

KA BUKE MUA A MOSE, I KAPA ʻIA KINOHI 28:21

a hoʻi hou mai au i ka hale o koʻu makua kāne me ka maluhia; a laila ʻo Iēhova nō koʻu Akua.

KA BUKE MUA A MOSE, I KAPA ʻIA KINOHI 32:26

ʻĪ maila kēlā, “E kuʻu aʻe ʻoe iaʻu; no ka mea, ke wehe maila ke alaula.” ʻĪ akula ʻo ia, “ʻAʻole au e kuʻu aku iā ʻoe, a hoʻomaikaʻi mai ʻoe iaʻu!”

KA BUKE MUA A MOSE, I KAPA ʻIA KINOHI 32:27

Nīnau maila kēlā iā ia, “ʻO wai kou inoa?” ʻĪ akula ʻo ia, “ʻO Iakoba.”

KA BUKE MUA A MOSE, I KAPA ʻIA KINOHI 32:28

ʻĪ maila kēlā, “ʻAʻole e hea hou ʻia kou inoa, ʻo Iakoba; akā, ʻo ʻIseraʻela; no ka mea, he ikaika kou i mua o ke Akua; a e lanakila hoʻi ʻoe ma luna o nā kānaka.”

KA BUKE MUA A MOSE, I KAPA ʻIA KINOHI 33:20

Ma laila ʻo ia i hana ai i kuahu, a kapa ihola i kona inoa, ʻo ʻEle ʻElohe ʻIseraʻela.

KA BUKE MUA A MOSE, I KAPA ʻIA KINOHI 48:16

“Na ka ʻānela i hoʻopakele mai iaʻu mai loko mai o ka hewa a pau, E hoʻomaikaʻi ia mau keiki, A e hea ʻia koʻu inoa ma luna o lāua, a me ka inoa o koʻu makua ʻo ʻAberahama, a me ʻIsaʻaka, A e laha loa lāua i poʻe nui i waena o ka honua.”

KA BUKE MUA O KA ʻOIHANA ALIʻI 16:8

E mililani aku iā Iēhova, e kāhea aku i kona inoa. E hōʻike aku i kāna mau hana i waena o kānaka!

KA BUKE MUA O KA ʻOIHANA ALIʻI 4:11

¶ Na Keluba ka hoahānau o Sua nāna ʻo Mehira, ʻo ia ka makua kāne o ʻEsetona.

KA BUKE MUA O KA ʻOIHANA ALIʻI 4:9

Ua ʻoi aku ka maikaʻi o Iabeza i mua o ko nā hoahānau ona; a kapa ihola kona makuahine iā ia ʻo Iabeza, me ka ʻī ʻana, “No ka mea, hoʻohānau ihola au iā ia me ka ʻeha.”

KA BUKE NO IOBA 12:4

“Ua lilo au i mea henehene ʻia e kona hoalauna, E kāhea ana i ke Akua, a hoʻolohe mai ʻo ia iā ia; ʻO ka mea pono a me ka hala ʻole, ua ʻakaʻaka ʻia ʻo ia.

KA BUKE O NĀ HALELŪ 119:173

E hāʻawi mai ʻoe i kou lima, i mea kōkua noʻu; No ka mea, ua wae au ma kāu mau ʻōlelo aʻo.

KA BUKE O NĀ HALELŪ 121:7

E mālama mai nō ʻo Iēhova iā ʻoe i ka ʻino a pau; Nāna nō e mālama i kou ʻuhane.

KA BUKE O NĀ HALELŪ 145:19

E hana mai nō ʻo Iēhova i ka makemake o ka poʻe i makaʻu aku iā ia, E hoʻolohe mai nō hoʻi ʻo ia i kā lākou pule a e hoʻōla iā lākou.

KA BUKE O NĀ HALELŪ 21:4

Ua noi aku ʻo ia iā ʻoe i ola, nāu nō ia i hāʻawi mai nona; ʻO ke ola loa i ka manawa pau ʻole.

KA BUKE O NĀ HALELŪ 51:12

E hoʻihoʻi mai iaʻu i ka hauʻoli no kou ola; A e kōkua mai iaʻu me kou ʻuhane lokomaikaʻi.

KA BUKE O NĀ HALELŪ 51:8

E hāʻawi mai e lohe au i ka hauʻoli a me ka ʻoliʻoli; I hauʻoli hoʻi nā iwi āu i uhaki mai ai.

KA BUKE O NĀ HALELŪ 55:16

¶ Akā, ʻo wau nei lā, e kāhea aku au i ke Akua; A e hoʻōla mai nō ʻo Iēhova iaʻu.

KA BUKE O NĀ HALELŪ 65:2

E ka Mea lohe i ka pule, I ou lā e hele aku ai ka ʻiʻo a pau.

KA BUKE O NĀ HALELŪ 72:17

E mau ana nō hoʻi kona inoa; E ulu nō kona inoa, a e ʻole loa ka lā; A e pōmaikaʻi nā kānaka iā ia; E pau hoʻi nā lāhui kanaka i ke kapa aku iā ia he pōmaikaʻi.

KA BUKE O NĀ HALELŪ 99:6

¶ ʻO Mose, a me ʻAʻarona, i waena o nā kāhuna pule, A ʻo Samuʻela hoʻi i waena o ka poʻe i hea aku i kona inoa; Kāhea aku lākou iā Iēhova, a ʻae mai ʻo ia i kā lākou.

NĀ ʻŌLELO AKAMAI A SOLOMONA 10:22

ʻO ka hoʻomaikaʻi o Iēhova, ʻo ia ka mea e waiwai ai, ʻAʻole hoʻi mea e ʻeha ai ka manaʻo ma laila.

NĀ ʻŌLELO AKAMAI A SOLOMONA 30:8

ʻO ka lapuwale, a ʻo ka wahaheʻe, E hoʻokaʻawale aʻe mai oʻu aku nei; Mai hāʻawi mai iaʻu i ka ʻilihune, ʻaʻole hoʻi i ka waiwai; E hānai mai iaʻu i ka ʻai kūpono noʻu;

KA WĀNANA A ʻISAIA 41:10

‘Mai makaʻu ʻoe; no ka mea, ʻo wau pū nō me ʻoe; Mai weliweli hoʻi; no ka mea, ʻo wau nō kou Akua. Naʻu nō i hoʻoikaika aku iā ʻoe, A naʻu hoʻi ʻoe i kōkua aku; Ua hoʻokūpaʻa aku au iā ʻoe i ka lima ʻākau o koʻu pono.’

KA WĀNANA A ʻISAIA 41:17

¶ “ʻImi ka poʻe hune, a me ka poʻe nele, i ka wai, a loaʻa ʻole, Ua paʻapaʻa ko lākou alelo i ka make wai, A laila, e hoʻolohe au, ʻo Iēhova, i kā lākou, ʻO wau, ke Akua o kā ʻIseraʻela, ʻaʻole au e haʻalele iā lākou.

KA WĀNANA A IEREMIA 33:3

‘E hea mai ʻoe iaʻu, a e ō aku nō wau iā ʻoe, a e hōʻike aku iā ʻoe i nā mea nui a paʻakikī, aʻu i ʻike ʻole ai.’

KA ʻEUANELIO I KĀKAU ʻIA AI E MATAIO 26:75

A hoʻomanaʻo ihola ʻo Petero i ka mea a Iesū i ʻōlelo mai ai iā ia, “Ma mua mai o ke ʻoʻoʻō ʻana o ka moa, e pākolu nō kāu hōʻole ʻana mai iaʻu.” Hele akula ia i waho, a uē walania ihola ia.

KA ʻEUANELIO I KĀKAU ʻIA AI E MATAIO 6:13

‘Mai hoʻokuʻu ʻoe iā mākou i ka hoʻowalewale ʻia mai; e hoʻopakele nō naʻe iā mākou i ka ʻino. No ka mea, nou ke aupuni, a me ka mana, a me ka hoʻonani ʻia, a mau loa aku. ʻĀmene.’

KA ʻEUANELIO I KĀKAU ʻIA AI E LUKA 19:42

ʻī ihola, “Inā ʻoe i hoʻomanaʻo, ʻo ʻoe, i kēia lā ou, i kāu mau mea e malu ai! Akā ʻānō hūnā ʻia nō ia i kou mau maka.

KA ʻEUANELIO I KĀKAU ʻIA AI E IOANE 10:28

a e hāʻawi aku au iā lākou i ke ola mau loa; ʻaʻole loa lākou e make, ʻaʻole hoʻi he mea nāna lākou e kāʻili aʻe mai loko aku o koʻu lima.

KA ʻEUANELIO I KĀKAU ʻIA AI E IOANE 21:17

Nīnau hou maila ʻo Iesū iā ia, ʻo ke kolu ia, “E Simona na Iona, ke aloha mai nei anei ʻoe iaʻu?” Kaumaha ihola ʻo Petero, no ke kolu o kona nīnau ʻana iā ia, “Ke aloha mai nei anei ʻoe iaʻu?” A ʻī akula kēlā iā ia, “E ka Haku, ua ʻike ʻoe i nā mea a pau; ua ʻike hoʻi ʻoe, ua aloha au iā ʻoe.” ʻĪ maila ʻo Iesū iā ia, “E hānai ʻoe i kaʻu poʻe hipa.”

NĀ ʻOIHANA A KA POʻE LUNAʻŌLELO 3:26

“Ua hoʻāla mai ke Akua i kāna Keiki iā Iesū, a ua hoʻouna mai iā ia i o ʻoukou nei mua, e hoʻopōmaikaʻi iā ʻoukou i ka hoʻohuli ʻana iā ʻoukou a pau, mai ko ʻoukou hewa mai.”

ʻO KA ʻEPISETOLE A PAULO KA LUNAʻŌLELO I KO ROMA 12:9

¶ ʻO ke aloha, mai hoʻokamani ia. E hoʻowahāwahā i ka ʻino; e hoʻopili aku i ka maikaʻi.

ʻO KA ʻEPISETOLE A PAULO KA LUNAʻŌLELO I KO ROMA 16:19

Ua ʻike ʻia ko ʻoukou hoʻolohe ʻana e nā mea a pau; no ia mea, ke hauʻoli nei au no ʻoukou; a ke makemake nei au e akamai ʻoukou i ka maikaʻi, a e hemahema hoʻi i ka ʻino.

ʻO KA ʻEPISETOLE MUA A PAULO KA LUNAʻŌLELO I KO KORINETO 1:2

na ka ʻekalesia o ke Akua ma Korineto, na ka poʻe i hoʻomaʻemaʻe ʻia i loko o Kristo Iesū, a i hoʻolilo ʻia i poʻe haipule, a na ka poʻe a pau ma nā wahi a pau loa i hea aku i ka inoa ʻo Iesū Kristo, i ko lākou Haku a me ko kākou.

ʻO KA ʻEPISETOLE A PAULO KA LUNAʻŌLELO I KO ʻEPESO 1:3

¶ E hoʻomaikaʻi ʻia aku ke Akua, ka Makua o ko kākou Haku ʻo Iesū Kristo, nāna kākou i hoʻomaikaʻi mai ma nā mea maikaʻi a pau o ka ʻuhane i nā wahi lani ma o Kristo lā.

ʻO KA ʻEPISETOLE A PAULO KA LUNAʻŌLELO I KO ʻEPESO 3:20

¶ A ʻo ka mea nona ka mana e hana mai ai i nā mea a pau a kākou e noi aku ai, a e manaʻo iho ai, a nui loa aku hoʻi, ma ka mana e hoʻoikaika ana i loko o kākou,

ʻO KA ʻEPISETOLE A PAULO KA LUNAʻŌLELO I KO ʻEPESO 4:30

Mai hoʻoʻeha hoʻi i ka ʻUhane Hemolele o ke Akua, nāna ʻoukou i hōʻailona mai no ka lā e hoʻōla ʻia mai ai.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 4:18

A e hoʻopakele mai ana nō ka Haku iaʻu i nā hana hewa a pau, a e mālama mai hoʻi a hiki i kona aupuni i ka lani; nona hoʻi ka hoʻonani mau loa ʻia aku. ʻĀmene.

KA HŌʻIKE ʻANA A IOANE KA HAIPULE 3:19

‘ʻO nā mea aʻu i aloha ai, ʻo ia kaʻu i aʻo aku ai, a i paipai ai hoʻi. No ia mea, e hoʻoikaika, a e mihi hoʻi.

KA BUKE MUA A SAMUʻELA 1:17

ʻŌlelo akula ʻo ʻEli, ʻī akula, “Ō hele ʻoe me ke aloha; a na ke Akua o kā ʻIseraʻela e hoʻokō mai kāu mea āu i noi aku ai iā ia.”

KA BUKE MUA A SAMUʻELA 1:20

A hiki mai ka manawa ma hope o kā Hana hāpai ʻana, hānau maila ia, he keiki kāne, a kapa akula ia i kona inoa ʻo Samuʻela; “No ka mea, ua noi aku au iā ia iā Iēhova.”

KA BUKE MUA A SAMUʻELA 1:26

ʻŌlelo akula ia, “E kuʻu haku, ma kou ola ʻana, e kuʻu haku, ʻo wau nō ka wahine i kū pū me ʻoe ma ʻaneʻi e pule ana iā Iēhova.

KA BUKE MUA A SAMUʻELA 1:27

“ʻO kēia keiki kaʻu i pule aku ai; a ua hāʻawi mai ʻo Iēhova iaʻu i kaʻu noi aʻu i noi aku ai iā ia.