KA BUKE MUA O KA ʻOIHANA ALIʻI 20:5 - Ka Baibala Hemolele

⁵ A he kaua hou nō hoʻi me nā Pilisetia; a pepehi ihola ʻo ʻElehanana ke keiki a Iaira iā Lahemi ke kaikaina o Golia no Gata, ʻo ke ʻau o kāna ihe, ua like ia me ka lāʻau o ka mea ulana lole.

KA BUKE MUA O KA ʻOIHANA ALIʻI 20:5 Iomraidhean Croise

KA BUKE ʻALUA A SAMUʻELA 21:19

He kaua hou nō hoʻi ma Goba me ko Pilisetia, i laila i pepehi iho ai ʻo ʻElehanana ke keiki a Iaʻare-ʻOregima no Betelehema i ke kaikaina o Golia no Gata, ʻo ke ʻau o kona ihe, ua like ia me ka lāʻau o ka mea ulana lole.

KA BUKE MUA O KA ʻOIHANA ALIʻI 11:23

Pepehi ihola hoʻi ʻo ia i kekahi kanaka ʻAigupita, he kanaka nunui, he ʻelima haʻilima ke kiʻekiʻe; a he ihe nō ma ka lima o ka ʻAigupita, e like me ka lāʻau o ka mea ulana lole; a iho akula kēlā i ona lā me ke koʻokoʻo, a kāʻili aʻela i ka ihe mai loko aʻe o ka lima o ka ʻAigupita, a pepehi ihola iā ia me kāna ihe.

KA BUKE MUA O KA ʻOIHANA ALIʻI 20:6

A he kaua hou ma Gata, i laila he kanaka nunui, he iwakāluakumamāhā nā manamana lima a me nā manamana wāwae ona, he pāono a he pāono, a he keiki nō hoʻi ia na ke kanaka nunui.

KA BUKE MUA A SAMUʻELA 17:4

A puka maila kekahi kanaka koa no ka poʻe o ko Pilisetia, ʻo Golia kona inoa no Gata, ʻo kona kiʻekiʻe hoʻokahi ia anana a me nā kapuaʻi ʻehā.

KA BUKE MUA A SAMUʻELA 17:7

A ʻo ke ʻau o kāna ihe, ua like ia me ka lāʻau o ka mea hana lole, a ʻo ka pahi o kāna ihe, he ʻaono haneri sekela hao, ma ke kaupaona; a hele kekahi kanaka i mua ona e hali ana i ka pale kaua.

KA BUKE MUA A SAMUʻELA 21:9

ʻĪ maila ke kahuna, “ʻO ka pahi kaua a Golia ke kanaka Pilisetia āu i pepehi ai ma ke awāwa ʻo ʻEla, aia hoʻi ia i wahī ʻia i ka lole ʻaʻahu ma hope o ka ʻēpoda; a i lawe ʻoe ia mea, e lawe; no ka mea, ʻaʻohe pahi ʻē aʻe, ʻo ia wale nō.” ʻĪ akula ʻo Dāvida, “ʻAʻohe mea e like ana me ia, e hāʻawi mai ia iaʻu.”

KA BUKE MUA A SAMUʻELA 22:10

“A ua nīnau aku ʻo ia iā Iēhova nona, a hāʻawi aku i ka ʻai nāna, a hāʻawi aku hoʻi iā ia i ka pahi kaua a Golia ke kanaka no ko Pilisetia.”