KA BUKE MUA O KA ʻOIHANA ALIʻI 18:2 - Ka Baibala Hemolele

² Pepehi aku hoʻi ʻo ia i kā Moaba; a lilo maila nā Moaba i poʻe kauā na Dāvida, a lawe maila hoʻi lākou i ka waiwai hoʻokupu.

KA BUKE MUA O KA ʻOIHANA ALIʻI 18:2 Iomraidhean Croise

KA BUKE ʻALUA A SAMUʻELA 8:2

Pepehi akula hoʻi ia i ko Moaba, ana ihola iā lākou i ke kaula ana, e hoʻohina ana iā lākou ma ka honua; ana ihola ʻo ia iā lākou i ʻelua kaula ana e make ai, a me kekahi kaula ana ʻokoʻa e ola ai. Pēlā i lilo ai ko Moaba i ʻāina kauā na Dāvida, a lawe maila hoʻi lākou i ka waiwai hoʻokupu.

KA BUKE MUA NO NĀ ALIʻI 10:2

Hele maila hoʻi ʻo ia i Ierusalema me ka huakaʻi nui loa, a me nā kāmelo e halihali ana i nā mea ʻala, a me ke gula he nui loa, a me nā pōhaku makamae; a hiki mai ia i o Solomona lā, kamaʻilio maila ʻo ia me ia i nā mea a pau i loko o kona naʻau.

KA BUKE MUA NO NĀ ALIʻI 10:25

Halihali maila lākou kēlā kanaka kēia kanaka i kona makana, nā ipu kālā, nā ipu gula, nā kapa komo, nā mea kaua, nā mea ʻala, nā lio, nā hoki, pēlā i kēlā makahiki kēia makahiki.

KA BUKE MUA O KA ʻOIHANA ALIʻI 18:1

¶ Ma hope mai o kēia mea, pepehi akula ʻo Dāvida i nā Pilisetia, a hoʻopau ʻia lākou; a lawe aʻela ʻo ia iā Gata, a me nā kūlanahale ona mai loko aʻe o ka lima o nā Pilisetia.

KA BUKE MUA O KA ʻOIHANA ALIʻI 18:3

Pepehi akula hoʻi ʻo Dāvida iā Hadarezera ke aliʻi o Zoba, a hiki i Hamata, iā ia i hele aku ai e hoʻopaʻa i kona aupuni ma ka muliwai ʻo ʻEuperate.

KA BUKE O NĀ HALELŪ 60:8

“ʻO Moaba koʻu ipu holoi; Ma luna o ʻEdoma e hoʻohemo aku ai au i kuʻu kāmaʻa; E hauʻoli ʻoe, e Pilisetia ma luna oʻu!”

KA WĀNANA A ʻISAIA 11:14

E lele lākou ma nā palena o ko Pilisetia ma ke komohana, Na lākou pū nō e hao i nā keiki o ka Hikina; E kau nō lākou i ko lākou lima ma luna o ʻEdoma, a me Moaba, A e hoʻokauā kā ʻAmona na lākou.

KA WĀNANA A ʻISAIA 16:1

¶ E hoʻokupu ʻoukou i keiki hipa na ke aliʻi o ka ʻāina, Mai Sela o ka wao nahele mai, A i ka mauna o ke kaikamahine a Ziona.

KA BUKE ʻAHĀ A MOSE, I KAPA ʻIA NĀ HELU 24:17

“E ʻike auaneʻi au iā ia, ʻaʻole hoʻi ʻānō; E nānā auaneʻi au iā ia, ʻaʻole hoʻi e kokoke; E puka mai auaneʻi he Hōkū mai o Iakoba mai; E kū mai ana nō hoʻi he Koʻokoʻo mai o ʻIseraʻela mai, A e luku aku nō ia i nā kihi o Moaba, A e pepehi iho ia i nā keiki hoʻohaunaele a pau.

KA BUKE MUA A SAMUʻELA 10:27

Akā, ʻōlelo maila ka poʻe hewa, “Pehea lā e hoʻōla mai ai kēia kanaka iā kākou?” A hoʻowahāwahā lākou iā ia, ʻaʻole i lawe mai lākou i nā haʻawina iā ia; akā, noho mālie nō ia.