KA BUKE MUA O KA ʻOIHANA ALIʻI 11:5 - Ka Baibala Hemolele

⁵ ʻŌlelo maila nā kānaka o Iebusa iā Dāvida, “ʻAʻole ʻoe e hele mai i ʻaneʻi!” Akā, lawe lilo ʻo Dāvida i ka pā kaua o Ziona, ʻo ia ke kūlanakauhale o Dāvida.

KA BUKE MUA O KA ʻOIHANA ALIʻI 11:5 Iomraidhean Croise

KA BUKE ʻALUA A SAMUʻELA 5:9

Noho ihola ʻo Dāvida i loko o ka pā kaua, a kapa ihola ia wahi, ʻo ke kūlanakauhale o Dāvida; a kūkulu ihola ʻo Dāvida i nā hale ma Milo ma waho a ma loko.

KA BUKE ʻALUA A SAMUʻELA 6:10

No laila, ʻaʻole i lawe ʻo Dāvida i ka pahu o Iēhova i ona lā i ke kūlanakauhale o Dāvida; akā, lawe aʻela ʻo Dāvida ia mea i loko o ka hale o ʻObeda-ʻEdoma no Gata.

KA BUKE ʻALUA A SAMUʻELA 6:12

¶ Haʻi akula lākou iā Dāvida i ke aliʻi, ʻī maila, “Ē, ua hoʻopōmaikaʻi ʻo Iēhova i ko ka hale o ʻObeda-ʻEdoma, a me nā mea a pau iā ia, no ka pahu o ke Akua.” A hele akula ʻo Dāvida, a lawe maila i ka pahu o ke Akua, mai ka hale o ʻObeda-ʻEdoma mai, a i loko o ke kūlanakauhale o Dāvida me ka ʻoliʻoli.

KA BUKE MUA NO NĀ ALIʻI 8:1

¶ A laila hoʻākoakoa maila ʻo Solomona i nā lunakahiko o kā ʻIseraʻela, a me nā poʻo a pau o nā ʻohana, nā haku i waena o nā mākua o nā mamo a ʻIseraʻela, i o Solomona lā ma Ierusalema, e lawe mai lākou i ka pahu berita o Iēhova mai loko mai o ke kūlanakauhale o Dāvida, ʻo ia ʻo Ziona.

KA BUKE MUA O KA ʻOIHANA ALIʻI 11:4

¶ Hele akula ʻo Dāvida me kā ʻIseraʻela a pau i Ierusalema, ʻo ia ʻo Iebusa, kahi i noho ai kā Iebusa, nā kānaka o ia ʻāina.

KA BUKE MUA O KA ʻOIHANA ALIʻI 11:6

ʻĪ maila ʻo Dāvida, “ʻO ka mea pepehi mua i ka Iebusa, e lilo ia i poʻokela a i luna koa.” A ʻo Ioaba, ʻo ke keiki a Zeruia i piʻi mua akula, a lilo aʻela ia i poʻokela.

KA BUKE MUA O KA ʻOIHANA ALIʻI 11:7

A noho ihola ʻo Dāvida ma ka pā kaua; no laila, kapa akula lākou ia wahi, ʻo ke kūlanakauhale o Dāvida.

KA BUKE ʻALUA O KA ʻOIHANA ALIʻI 5:2

¶ A laila, hoʻākoakoa ʻo Solomona i nā lunakahiko o kā ʻIseraʻela, a me ka poʻe koʻikoʻi o nā ʻohana, i nā kaukaualiʻi, a me nā mākualiʻi no nā mamo a ʻIseraʻela, i Ierusalema, e lawe i ka pahu o ka berita o Iēhova mai ke kūlanakauhale o Dāvida, mai Ziona mai.

KA BUKE O NĀ HALELŪ 122:5

No ka mea, ua hoʻonoho ʻia ma laila nā noho aliʻi no ka hoʻopono, Nā noho aliʻi no ka ʻohana a Dāvida.

KA BUKE O NĀ HALELŪ 132:13

¶ No ka mea, ua wae mai ʻo Iēhova iā Ziona, A ua makemake ʻo ia ia, i wahi noho ai nona.

KA BUKE O NĀ HALELŪ 2:6

“Ua poni aʻe nei au i kaʻu Aliʻi ma luna o Ziona, Ma luna iho o koʻu mauna hoʻāno.”

KA BUKE O NĀ HALELŪ 48:2

He nani nō ke kiʻekiʻe ʻana, he mea ʻoliʻoli no ka honua a pau, ʻO Mauna Ziona ma nā ʻaoʻao kūkulu ʻākau, ke kūlanakauhale o ke Aliʻi Nui.

KA BUKE O NĀ HALELŪ 78:68

Akā, wae nō ia i ka ʻohana o Iuda, I ka mauna hoʻi ʻo Ziona āna i aloha ai.

KA BUKE O NĀ HALELŪ 87:2

Ua ʻoi aku ka makemake o Iēhova i nā puka pā o Ziona, Ma mua o nā wahi noho ai a pau o kā Iakoba.

KA BUKE O NĀ HALELŪ 87:5

E ʻōlelo ʻia mai nō hoʻi no Ziona, “Ua hānau ʻia kēlā kanaka kēia kanaka ma loko ona”; A na ka Mea Kiʻekiʻe e hoʻokumupaʻa ia wahi.

KA BUKE O NĀ HALELŪ 9:11

¶ E hoʻoleʻa aku iā Iēhova i ka Mea e noho ana ma Ziona! E haʻi aku i waena o nā kānaka i kāna mau hana.

ʻO KA ʻEPISETOLE A PAULO KA LUNAʻŌLELO I KO ROMA 9:33

e like me ka mea i palapala ʻia, “«Eia hoʻi, ke waiho nei au ma Ziona i ka pōhaku e kū ʻia ai, A i ka pōhaku e hina ai; a ʻo ka mea i manaʻoʻiʻo iā ia, ʻaʻole ia e hoka».”

ʻO KA ʻEPISETOLE A PAULO KA LUNAʻŌLELO I KO HEBERA 12:22

Akā, ua hele mai nō ʻoukou i ka Mauna Ziona, a i ke kūlanakauhale o ke Akua ola, i ko ka lani Ierusalema, a i ke anaina hiki ʻole ke helu ʻia o nā ʻānela;

KA HŌʻIKE ʻANA A IOANE KA HAIPULE 14:1

¶ Nānā akula au, aia hoʻi, kū maila ke Keiki Hipa ma ka mauna ʻo Ziona, a me ia pū hoʻokahi haneri me kanahākumamāhā tausani, me ka inoa o kona Makua i kākau ʻia ma ko lākou lae.

KA BUKE NO NĀ LUNA KĀNĀWAI 19:10

¶ ʻAʻole i ʻae mai ua kanaka lā e moe ia pō; akā, kū aʻela ia e hele akula, a hiki ma ke ala o Iebusa, ʻo ia hoʻi ʻo Ierusalema; aia nō me ia pū nā hoki ʻelua, i paʻa i nā noho lio, a ʻo kāna wahine kekahi me ia.

KA BUKE MUA A SAMUʻELA 17:26

¶ ʻŌlelo akula ʻo Dāvida i nā kānaka e kū pū ana me ia, ʻī akula, “He aha ka mea e hana ʻia mai ai i ke kanaka, nāna e pepehi kēia kanaka Pilisetia, a e lawe aku i ka hōʻino mai kā ʻIseraʻela aku? ʻO wai lā kēia Pilisetia i ʻoki poepoe ʻole ʻia, i ʻaʻa mai ai ia i ka poʻe kaua o ke Akua ola?”

KA BUKE MUA A SAMUʻELA 17:36

“A ʻo ka liona a me ka bea, ua make lāua a ʻelua i kāu kauā; a ʻo kēia Pilisetia ʻoki poepoe ʻole ʻia, e like auaneʻi ia me kekahi o lāua, no kona ʻaʻa ʻana i ka poʻe kaua o ke Akua ola.”