KA BUKE MUA O KA ʻOIHANA ALIʻI 10:4 - Ka Baibala Hemolele

⁴ A laila, ʻī akula ʻo Saula i ke kanaka hali i kāna mea kaua, “E unuhi ʻoe i kāu pahi kaua, a e hou mai iaʻu me ia, o hele mai kēia poʻe ʻoki poepoe ʻole, a e hoʻomāʻewaʻewa mai iaʻu.” Akā, ʻaʻole i makemake ka mea hali i kāna mea kaua; no ka mea, ua makaʻu loa ia. No laila, lālau akula ʻo Saula i ka pahi kaua, a hāʻule ihola i luna.

KA BUKE MUA O KA ʻOIHANA ALIʻI 10:4 Iomraidhean Croise

KA BUKE ʻALUA A SAMUʻELA 1:20

“Mai haʻi aku ia mea ma Gata, Mai kala aku hoʻi ia ma nā alanui o ʻAsekelona; O hauʻoli nā kaikamāhine a ka poʻe Pilisetia, O haʻanui hoʻi nā kaikamāhine a ka poʻe ʻoki poepoe ʻole ʻia.

KA BUKE ʻALUA A SAMUʻELA 1:6

ʻĪ maila ua kanaka ʻōpiopio lā nāna i haʻi mai iā ia, “A i koʻu hiki wale ʻana aku ma luna o ka puʻu ʻo Gileboa, aia hoʻi, e kālele ana ʻo Saula ma luna iho o kona ihe; a hahai ikaika maila nā hale kaʻa a me nā hoʻoholo lio ma hope ona.

KA BUKE ʻALUA A SAMUʻELA 17:23

A ʻike akula ʻo ʻAhitopela, ʻaʻole i hana ʻia e like me kāna ʻōlelo aʻo, hoʻēʻe akula ia i ka noho ma luna o kona hoki, kū aʻela ia, hoʻi hou akula ia i kona wahi, i kona hale iho, i kona kūlanakauhale, a kauoha akula no ko ka hale ona, a kāʻawe ihola iā ia iho, a make; a ua kanu ʻia ʻo ia ma ka hale kupapaʻu o kona makua kāne.

KA BUKE MUA NO NĀ ALIʻI 16:18

Eia hoʻi kekahi, i ka ʻike ʻana o Zimeri ua hoʻopio ʻia ke kūlanakauhale, komo aʻela ʻo ia i ke keʻena aliʻi o ko ke aliʻi hale, a puhi ihola i ka hale o ke aliʻi ma luna o kona poʻo iho, a make ihola,

KA BUKE MUA O KA ʻOIHANA ALIʻI 10:3

A ikaika maila ke kaua ʻana iā Saula, a loaʻa ʻo ia i nā kānaka pana pua, a ua kū ʻo ia i ka poʻe pana pua.

KA BUKE MUA O KA ʻOIHANA ALIʻI 10:5

A ʻike ihola ka mea hali i kāna mea kaua, ua make ʻo Saula, hāʻule ihola hoʻi ʻo ia ma luna o ka pahi kaua, a make ihola.

NĀ ʻOIHANA A KA POʻE LUNAʻŌLELO 1:18

A kūʻai ihola ia i ʻāina me ka uku no ka hewa; a hāʻule ihola ia i lalo kona poʻo, nahae ihola i waenakonu ona, a pahū akula kona naʻau a pau i waho.

NĀ ʻOIHANA A KA POʻE LUNAʻŌLELO 16:27

A ʻo ka luna o ka hale paʻahao, ala ihola ia, mai ka hiamoe ʻana, ʻike aʻela ua hāmama nā puka o ka hale paʻahao, unuhi akula ia i ka pahi kaua, e pepehi iā ia iho; no ka mea, manaʻo ihola ia, ua holo nā paʻahao.

KA BUKE NO NĀ LUNA KĀNĀWAI 15:18

Make wai loa ihola ia, a hea akula iā Iēhova, ʻī akula, “Ua hāʻawi mai ʻoe i kēia ola nui ma ka lima o kāu kauā nei; a e make anei au i ka make wai, a hāʻule i loko o ka lima o ka poʻe i ʻoki poepoe ʻole ʻia?”

KA BUKE NO NĀ LUNA KĀNĀWAI 16:21

Hoʻopaʻa ihola ko Pilisetia iā ia, pōʻalo akula i kona mau maka, a lawe aʻela iā ia i Gaza, a hoʻopaʻa ihola iā ia i nā kūpeʻe keleawe; a wili aʻela ia i loko o ka hale paʻahao.

KA BUKE NO NĀ LUNA KĀNĀWAI 9:54

A laila, hea koke aʻela ia i ke kanaka uʻi i lawe i kona kāhiko kaua, ʻī akula iā ia, “E unuhi ʻoe i kou pahi a e pepehi mai iaʻu, i ʻōlelo ʻole mai ai nā kānaka noʻu, ‘Na ka wahine ia i pepehi.’” Hou akula kona kanaka iā ia, a make ia.

KA BUKE MUA A SAMUʻELA 14:6

¶ ʻŌlelo akula ʻo Ionatana i ke kanaka uʻi, nāna i hali kāna mea kaua, “ʻEā, e hele kāua i kahi paʻa o ua poʻe lā i ʻoki poepoe ʻole ʻia; e hana mai paha ʻo Iēhova no kāua; no ka mea, ʻaʻohe mea keʻakeʻa iā Iēhova, ke hoʻōla ma ka poʻe nui, a ma ka poʻe ʻuʻuku.”

KA BUKE MUA A SAMUʻELA 17:26

¶ ʻŌlelo akula ʻo Dāvida i nā kānaka e kū pū ana me ia, ʻī akula, “He aha ka mea e hana ʻia mai ai i ke kanaka, nāna e pepehi kēia kanaka Pilisetia, a e lawe aku i ka hōʻino mai kā ʻIseraʻela aku? ʻO wai lā kēia Pilisetia i ʻoki poepoe ʻole ʻia, i ʻaʻa mai ai ia i ka poʻe kaua o ke Akua ola?”

KA BUKE MUA A SAMUʻELA 17:36

“A ʻo ka liona a me ka bea, ua make lāua a ʻelua i kāu kauā; a ʻo kēia Pilisetia ʻoki poepoe ʻole ʻia, e like auaneʻi ia me kekahi o lāua, no kona ʻaʻa ʻana i ka poʻe kaua o ke Akua ola.”

KA BUKE MUA A SAMUʻELA 31:4

ʻĪ akula ʻo Saula i ka mea nāna i hali kāna mea kaua, “E unuhi ʻoe i kāu pahi kaua, a e nou mai iaʻu me ia, o hiki mai auaneʻi kēia poʻe i ʻoki poepoe ʻole ʻia, a hou mai iaʻu, a hoʻomāʻewaʻewa mai iaʻu.” Akā, ʻaʻole makemake ka mea nāna i hali kāna mea kaua; no ka mea, ua makaʻu loa ia; no ia mea, lālau ʻo Saula i ka pahi kaua, a hoʻohāʻule ihola i luna.