ФӀэщхъуныгъэ яӀэу Филиппи къалэм дэсхэм апостол Паул яхуитха тхылъ 4:12 - ХъыбарыфӀыр. ЩӀэдзапӀэр. Уэрэд ЛъапӀэхэр

¹² ТхьэмыщкӀагъэм сыхэтынри, беягъэм сыхэтынри зыхуэдэр сощӀэ. ЗызгъэнщӀами, сымэжалӀэми, сыбейми, сытхьэмыщкӀэми, сыт къысщыщӀми, дапщэщи сыарэзыуэ зезгъэсащ.

ФӀэщхъуныгъэ яӀэу Филиппи къалэм дэсхэм апостол Паул яхуитха тхылъ 4:12 Iomraidhean Croise

Маттэ 11:29

Си бжьыр зытефлъхьэ, жысӀэр зэвгъащӀэ, сэ сигур щабэщ икӀи пагагъэ схэлъкъыми. ПсэмкӀэ гузэгъэгъуэ вгъуэтынущ итӀанэ;

Маттэ 13:52

– Абы къыхэкӀкӀэ, Тхьэуэ уафэм щыӀэм и Тепщэныгъэшхуэм щӀыхьэ дэтхэнэ торэт егъэджакӀуэ пашэри унэр зей гуэрым хуэдэщ. Абы и мылъку гъэтӀылъыпӀэм мылъкущӀи мылъкужьи кърех.

2 Кор. 10:1

ЗэрыжыфӀэмкӀэ сэ, Паул, фи пащхьэм сит щыхъукӀэ, сошынэ, ауэ сыфпэжыжьэ щыхъукӀэ, согушхуэ – сэ Мэссихь и гущабагъэрэ и ӀэсагъэкӀэ сыныволъэӀу.

2 Кор. 10:10

Сыт щхьэкӀэ жыпӀэмэ зыгуэрым мыпхуэдэу къыжеӀэ: «И тхылъхэмкӀэ пхъашэщ икӀи лъэщщ, ауэ езыр лъэкӀыныгъэ зимыӀэщ, къыжиӀэхэми пщӀэ хуащӀыркъым».

2 Кор. 11:27

Куэду сызэрылэжьам сригъэшащ, сымыжейуэ жэщ куэд згъэкӀуащ; сымэжэлӀащ, псыи сыхуэлӀащ, шхын щызмыгъуэт куэдрэ къысхуихуащ; дунейр щыщӀыӀэми, ирикъуну зыщыстӀэгъэн симыӀэу сыщытащ.

2 Кор. 11:7

И пщӀэр къыфӀызмыхыу, Тхьэм деж къикӀ хъыбарыфӀыр фхуэсӀуатэурэ, фызгъэинын щхьэкӀэ, зызэрызгъэлъахъшэмкӀэ емыкӀу сщӀа?

2 Кор. 11:9

Македонием къикӀыу къэкӀуа къуэшхэм сызыхуэныкъуэр къысхуащӀащ. Хьэлъэ сызэрыфтемыхъуэным сыт и лъэныкъуэкӀи сыхэтащ икӀи сыхэтынущ.