1 Мусэ 26:3 - ХъыбарыфӀыр. ЩӀэдзапӀэр. Уэрэд ЛъапӀэхэр

³ А хэкум щыпсэу; Сэри сыуигъусэнущ, си нэфӀи пщыхуэнущ; уэри уэ къыптехъукӀынухэми фэстынущ мы щӀыналъэ псори, къэзгъэщыпкъжынущ псалъэ быдэу Сэ уи адэ Ибрэхьим жесӀар.

1 Мусэ 26:3 Iomraidhean Croise

1 Мусэ 12:7

Абдеж Зиусхьэныр Ибрам къыхуэзэри, къыжриӀащ: – Уэ къыптехъукӀыну цӀыхухэм естынущ Сэ мы щӀыналъэр. КъыхуэкӀуа Зиусхьэным щыхуиухуащ Ибрам къурмэнщӀыпӀэ итӀанэ.

1 Мусэ 13:15

ЩӀыгуу уи нэм къиубыдыр зэрыщыту Сэ уэстынущ уэри уэ къыптехъукӀыну цӀыхухэми игъащӀэкӀэ фиӀэну.

1 Мусэ 13:17

– Тэдж, къызэхэкӀухь мы щӀыналъэр и кӀыхьагъкӀи и бгъуагъкӀи: сыт щхьэкӀэ жыпӀэмэ Сэ уэ уэстынущ ар.

1 Мусэ 15:18

А махуэм Зиусхьэным Ибрам ирищӀылӀащ зэгурыӀуэныгъэ, мыр жиӀэри: – Уэ къыптехъукӀынухэм изот Сэ мы щӀыналъэр, Мысыр псым къыщыщӀэдзауэ псы ин дыдэм, Евфрат псым, нэсу:

1 Мусэ 17:19

Ауэ Тхьэм жиӀащ: – Сарэ, уи фызым, къыпхуилъхунущ къуэ, икӀи фӀэпщынущ абы цӀэуэ Исхьэкъ; мыкӀуэдыжын зэгурыӀуэныгъэ абыи абы иужькӀэ къытехъукӀынухэми ди зэхуакум дэслъхьэнущ Сэ.

1 Мусэ 17:8

Фэстынущ уэри уэ лъэпкъ къыптехъукӀынухэми щӀыналъэу уэ хамэу узыщыпсэур, Ханаан щӀыналъэ псори зэрыщыту, игъащӀэкӀэ фэ фи унейуэ щытыну; икӀи сахуэхъунущ абыхэм Тхьэ.

1 Мусэ 20:1

Ибрэхьим абдеж зыщиӀэтщ, Нэгэв лъэныкъуэкӀэ кӀуэри Кадешрэ Шуррэ я зэхуакум деж щытӀысащ; абы и ужькӀэ Гъэрар дэтӀысхьащ.

1 Мусэ 25:11

Ибрэхьим лӀа нэужь, Тхьэм и нэфӀ къыщыхуащ абы и къуэ Исхьэкъ. Исхьэкъ щыпсэурт Бэр-Лахъай-Рой деж.

1 Мусэ 26:12

Исхьэкъ а щӀыналъэм итӀысхьащ, гъавэ щисэри къытрихащ а гъэм хьэуэ хуэдищэкӀэ нэхъыбэ: апхуэдэу и нэфӀ къыщыхуащ абы Зиусхьэным.

1 Мусэ 26:14

Абы иӀэт Ӏэщ цӀыкӀу хъушэхэри, Ӏэщышхуэ хъушэхэри, унэӀут куэди лэжьакӀуэ куэди, филишт цӀыхухэм щӀадзащ абы къефыгъуэу.

1 Мусэ 26:24

А жэщ дыдэм абы Зиусхьэныр къыхуэлъагъуэри, къыжриӀащ: – Сэращ уи адэ Ибрэхьим и Тхьэр; умышынэ, Сэ сыуигъусэщ; сэ си нэфӀ пщыхуэнурэ згъэбэгъуэнущ уэ къыптехъукӀыну бынхэр, Си ӀурыщӀэ Ибрэхьим и хьэтыркӀэ.

1 Мусэ 28:13

ИкӀи Зиусхьэныр абы ищхьэкӀэ тетщи, жеӀэ: – Зиусхьэныр, уи адэ Ибрэхьими Исхьэкъи я Тхьэр, Сэращ. Уэ узытелъ щӀыналъэр Сэ фэстынущ уэри къыптехъукӀыну бынхэми.

1 Мусэ 28:15

Зыщумыгъэгъупщэ, Сэ сыуигъусэщ; икӀи ущысхъумэнущ дэнэ дежи, дэнэ укӀуэми, икӀи къозгъэгъэзэжынущ уэ мы щӀыналъэм; уи закъуэу укъэзгъэнэнукъым, бжэсӀар Сэ згъэзэщӀэху.

1 Мусэ 31:3

КъыжриӀащ Зиусхьэным Екъуб: – Гъэзэж уи адэхэм я щӀыналъэу узыщалъхуа хэкум; Сэри сыуигъусэнущ.

1 Мусэ 35:12

Сэ Ибрэхьимрэ Исхьэкърэ еста щӀыналъэр естынущ уэ къыптехъукӀыну цӀыхухэми.

1 Мусэ 39:2

Исуф Зиусхьэным щӀыгъути, абы и Ӏуэхухэр къехъулӀэрт. Щыпсэурт ар и зиусхьэным, мысыр цӀыхум, и унэм.

1 Мусэ 39:21

Зиусхьэныр и гъусэти, и фӀыгъэ Исуф къригъэкӀащ, нэфӀкӀэ иригъэплъащ абы хьэпсым и тетыр.

1 Мусэ 48:21

АдэкӀэ жриӀащ Израил Исуф: – Сэ солӀэ. Тхьэр фи гъусэнущ фэ, икӀи фигъэгъэзэжынущ фи адэхэм я щӀыналъэм.

1 Мусэ 50:24

ИтӀанэ яжриӀащ Исуф и къуэшхэм: – Сэ солӀэ; ауэ Тхьэр къыфхуэкӀуэнущ фэ, мы щӀыналъэм фришынурэ, фишэнущ Ибрэхьими, Исхьэкъи, Екъуби яритыну псалъэ быдэкӀэ къызэригъэгугъа щӀыналъэм.

Уэрэд 105:8

Ауэ Езым и цӀэм и хьэтыркӀэ ахэр Абы къригъэлащ, И лъэкӀыныгъэшхуэ къаригъэлъагъун папщӀэ.

Уэрэд 105:9

Хы Къамылым пхъашэу щепсалъэм, ар игъущӀыкӀащ; щӀыгу гъущэм тет хуэдэу, кууупӀэм ахэр зэпришащ,

Уэрэд 32:8

Щрешынэ зэрыщӀыгуу Зиусхьэным; дунеишхуэм тет псори Абы и пащхьэм щрекӀэзыз.

Уэрэд 39:12

Уи гущӀэгъум сыхыумын, Зиусхьэн; уи лъагъуныгъэ мыкӀуэдыжымрэ щыпкъагъэу къысхууиӀэмрэ сыт щыгъуи сакъегъэхъумэ.

ФӀэщхъуныгъэ яӀэу Филиппи къалэм дэсхэм апостол Паул яхуитха тхылъ 4:9

Ӏуэхуу сэ фэзгъэщӀахэри, къыфхуэзгъэнахэри, сэ къыжысӀэу зэхэфхахэри, сэ сщӀэуэ флъэгъуахэри вгъэзащӀэ. Гузэгъэгъуэ къыдэзыт Тхьэр сыт щыгъуи фи гъусэнущ итӀанэ.

Еврейхэм яхуэгъэза тхылъ 11:9

ФӀэщхъуныгъэ зэриӀам щхьэкӀэ, Тхьэм къритыну къызэригъэгугъа къэралым хамэм хуэдэу щыпсэууэ щытащ ар. А къэралым Ибрэхьим шэтырхэм щӀэсу щыпсэууэ щытащ. Исхьэкъри Екъубри шэтырхэм щӀэсащ. Ибрэхьим Тхьэм къызэригъэгугъа ӀыхьэфӀыр абы и гъусэу абыхэми къалъысыну щытащ.

Еврейхэм яхуэгъэза тхылъ 6:17

Тхьэм къызэригъэгугъа Ӏуэхур ӀыхьэфӀу къызылъысыну цӀыхухэм и мурадыр зэрызэблимыхъунур яригъэлъагъуну хуеяти, къызэригъэгугъа Ӏуэхухэр зэригъэзэщӀэнур псалъэ быдэкӀэ къахуигъэпэжащ.