Apocalipse 16:2 - Kadiwéu New Testament

² Odaa niɡ̶ijo odoejegi aanjo ja yadotice niɡ̶ijo nibaxiawaanigi nadotinigi digoina iiɡ̶o. Odaa ja nodi liwexegadi nelecoli anoilee niɡ̶idi oko anadi nibikotaxete niɡ̶ijo eijeeɡ̶agi ane doide, codaa modoɡ̶eteta niɡ̶ijo niwigo anepaa liwilanigi niɡ̶idi oko.

Apocalipse 16:2 Iomraidhean Croise

Atos 12:23

Aɡ̶ica daɡ̶a leegi niaanjo Ǥoniotagodi jeɡ̶eote anigota Herodes, odaa icoa nigojokodi joɡ̶oyeliotigi le, odaa Herodes ja yeleo, leeɡ̶odi me daɡ̶a iweniɡ̶ideteda Aneotedoɡ̶oji. Pida yemaatibige niɡ̶ijo noiigi miniaaɡ̶ini odoɡ̶eteta.

Apocalipse 13:12

Niɡ̶ijo eijeeɡ̶agi ja ikee meliodi loniciwaɡ̶a lodoe niɡ̶ijo odoejegi eijeeɡ̶agi ane doide, codaa liciagi me yoniciwadi niɡ̶ini odoejegi. Odaa ja iiɡ̶e inatawece oko digoina iiɡ̶o modoɡ̶eteta niɡ̶ini odoejegi eijeeɡ̶agi ane ijo elaciledi ane domaɡ̶a yeloadi, pida ja icí.

Apocalipse 14:16

Odaa niɡ̶ijo ane nicoteloco lolaadi ja dakacitakata nodaajo digoina iiɡ̶o, odaa ja nioda okotigi niɡ̶ina iiɡ̶o, micataɡ̶a niɡ̶ina monopilaɡ̶aditedio nawodigijedi.

Apocalipse 14:9

Ijo eledi aanjo jaɡ̶aɡ̶a dioteci niɡ̶ijo eledi, odaa mee me dinigetaɡ̶atee, “Niɡ̶ijo oko ane doɡ̶eteta niɡ̶ini eijeeɡ̶agi ane doide codaa me liwigo niwilanigi, codaa ane dinibikotatece nibikotaxete libaaɡ̶adi, domige latocolo, baɡ̶a wacipeta niviinyo Aneotedoɡ̶oji. Niɡ̶ica niviinyo Aneotedoɡ̶oji one niɡ̶ica lélaɡ̶a. Micataɡ̶a oko me yadotinigi goopa viinyo odaa aɡ̶ica ane yalegeteetege, joaniɡ̶idaaɡ̶ee Aneotedoɡ̶oji yelatetema niɡ̶ina oko, odaa ayawanaɡ̶aditetege lélaɡ̶a liwikodenatakaneɡ̶egi. Iticoitedicogi migotibeci nawikodeeɡ̶a minitaɡ̶a noledi, inaa ɡ̶ocilaɡ̶adi ane lanicaɡ̶awa aligopenaɡ̶aneɡ̶e loɡ̶ocilaɡ̶adi lanigi. Niɡ̶idi oko nawikodeeɡ̶a lodoe aanjotedi anodibatema Aneotedoɡ̶oji, codaa me lodoe Waxacoco me iticoitedicoace.

Apocalipse 16:1

Niɡ̶idiaaɡ̶idi ja jajipata ica ane dapaawe me dotaɡ̶a icoɡ̶otiwece layaageɡ̶egi catiwedi Aneotedoɡ̶oji liɡ̶eladi digoida ditibigimedi, meetiogi niɡ̶ijoa seete aanjotedi, “Emiitiwaji adootinigi iiɡ̶o niɡ̶idoa laxedi niɡ̶idoa seete baxiatedawaanaɡ̶a, ane ikee Aneotedoɡ̶oji me yelatetema libeyaceɡ̶eco niɡ̶ina oko.”

Apocalipse 16:11

Niɡ̶idi oko beyagi modotaɡ̶atibigimece Aneotedoɡ̶oji ane ideite ditibigimedi leeɡ̶odi niɡ̶inoa anoilee, inaaɡ̶inoa liwexegadi. Pida idokee aɡ̶odinilaatece loenataka ane beyagi.

Apocalipse 8:7

Igaanaɡ̶a datenaɡ̶a niɡ̶ijo odoejegi aanjo, odaa ja jinadi noledi, inaa ɡ̶alatili-eloodoli awatege ɡ̶odawodi, onokoletedinicogi digoina iiɡ̶o. Odaa ja yabidi oniniteci niɡ̶idiwa iniwatadiɡ̶ini liwailidi niɡ̶ina iiɡ̶o, yabidi nialeli, codaa me inatawece nipodigi ane dione.