Apocalipse 14:7 - Kadiwéu New Testament

⁷ Mee me dinigetaɡ̶atee, “Eemiteetibige Aneotedoɡ̶oji, codaa oɡ̶eetetalo leeɡ̶odi jiɡ̶iniaaɡ̶iniwa ane daɡ̶axa me ɡ̶oneɡ̶egi! Leeɡ̶odi jiɡ̶icota lakata Aneotedoɡ̶oji me iwi anigotediogi oko codaa me iloikatidi. Oɡ̶eetetalotiwaji Niɡ̶iniwa ane yoe ditibigimedi, iiɡ̶o, akiidi-eliodi, codaa me niɡ̶inoa ninyokotiidi-libecoli.”

Apocalipse 14:7 Iomraidhean Croise

Mateus 25:13

Odaa meetediogi Jesus, “Enice adinowetitiwaji! Igaataɡ̶a aɡ̶owooɡ̶otitiwaji niɡ̶ica noko oteɡ̶exaaɡ̶aɡ̶a naɡ̶aca lakata nige idopitijo Ee, Ǥoneleegiwa ane jicoɡ̶otibigimece ditibigimedi.”

Lucas 17:18

Agodiɡ̶ica eledi ane dopitijo me doɡ̶etetibigimece Aneotedoɡ̶oji, pida tibiginiokini niɡ̶ini ane daɡ̶a ɡ̶odoiigi?”

Atos 14:15

“Akaami iniotagodepodi, igaamee ina me ɡ̶adeeditiwaji me ɡ̶odiweniɡ̶ideneɡ̶egi? Niɡ̶ida moko oko ɡ̶oneleegiwadi digo makaamitaɡ̶atiwaji, codaa ja jatematiiɡ̶ataɡ̶awatiwaji me leeditibige mikani manakatoni niɡ̶inoa eletidi ane eni me ɡ̶anoenoɡ̶ododi, odaaɡ̶anakatoniteda Aneotedoɡ̶oji ane yewiɡ̶a, Niɡ̶ijoa aneote ditibigimedi, iiɡ̶o, codaa me akiidi-eliodi, codaa me inoatawece aninoa.

1 Pedro 4:7

Pida niɡ̶ica noko Aneotedoɡ̶oji nige yaaɡ̶adi niɡ̶ina iiɡ̶o ja nipegi. Enice leeditibige majacaɡ̶atitiwaji ɡ̶adowooko codaa me niɡ̶inoa ɡ̶alidaɡ̶ataka, amaleeɡ̶aɡ̶a akati motaɡ̶aneɡ̶eni Aneotedoɡ̶oji.

Apocalipse 11:13

Odaa aɡ̶ica daɡ̶a leegi ja datalale iiɡ̶o. Odaa onijoteci liwai niɡ̶idiwa deez liwailidi nigotaɡ̶a ja daa. Odaa ja nigo seete miili oko. Odaa niɡ̶ijo eledi oko ane daɡ̶a nigo eliodi me doitibigiwaji, odaa joɡ̶odoɡ̶etetibigimece Aneotedoɡ̶oji ane ideite ditibigimedi, modi me loniciweɡ̶enigi.

Apocalipse 11:18

Niɡ̶inoa ane noiika eliodi moyelataɡ̶adomi, pida jiɡ̶icota noko maloikatiti, codaa mawini anodaaɡ̶emiitiogi émaɡ̶aɡ̶a. Jiɡ̶icota ɡ̶alakatagi mawii noɡ̶eedi niɡ̶ijoa ɡ̶aotaka anoyeloɡ̶oditedibece ɡ̶adowooko, codaa minatawece noiigi ane ɡ̶anepilidi, niɡ̶ijo anodeemitetibigaɡ̶aji. Inatawece ane ɡ̶adoiigi odibatege noɡ̶eedi, niɡ̶ina oko ane ɡ̶oneɡ̶aɡ̶a, inaaɡ̶inoa iwikodadi ane daɡ̶a ɡ̶oneɡ̶aɡ̶a. Jiɡ̶icota noko me aaɡ̶ati niɡ̶inoa anoyaaɡ̶adi iiɡ̶o.”

Apocalipse 15:4

Ǥoniotagodi Aneotedoɡ̶oji, aɡ̶ica ini ane daɡ̶a deemitetibigaɡ̶aji. Codaa aɡ̶ica ini ane daɡ̶a doɡ̶etetaɡ̶awa, leeɡ̶odi akamokakaamita me diɡ̶icata ɡ̶abatiigi codaa makaami ane yapidi. Inoatawece ane noiika enagitibeci makaamitaɡ̶a, odoɡ̶etetaɡ̶awa digoina ɡ̶adodoe. Igaataɡ̶a inatawece joɡ̶onadi niɡ̶inoa ɡ̶adoenataka me iɡ̶enaɡ̶a.”

Apocalipse 16:9

Odaa niɡ̶ica nelegi lapicaɡ̶aɡ̶a ja nalegitiniwace niɡ̶ina oko, odaa ja beyagi modotaɡ̶atibigimece Aneotedoɡ̶oji anida nimaweneɡ̶egitetece niɡ̶inoa nawikodico. Pida idokee doɡ̶odinilaatece libeyaceɡ̶eco, codaa aɡ̶odoɡ̶etetalo Aneotedoɡ̶oji aneliodi loniciwaɡ̶a.

Apocalipse 18:10

Aɡ̶odipegita, leegita moyototice leeɡ̶odi odoita daɡ̶awatege niɡ̶ida analee lawikodigi, odaa modi, ‘Nagoodo Babilônia, nagoodo! Akaami nigotaɡ̶a eloodo ane yoniciwadi. Pida catiwedi onaniteci lakata jaɡ̶akaami ma.’

Apocalipse 18:17

Catiwedi onaniteci lakata aniaditema idiwatawece niliicaɡ̶ajetecidi.’ Ijoatawece niɡ̶ijoa anoiiɡ̶e etogoli, ane wiajeeɡ̶atinigi ninyoɡ̶odi, codaa minoatawece niɡ̶inoa anodibatema etogoli, inaaɡ̶inoa ane eyaagitinibige akiidi-eliodi menaanaɡ̶anaɡ̶a, codaa me oojeteeɡ̶a, iditawece niɡ̶idi oko aɡ̶ipegitiobece, ideiticoace ditigedi.

Apocalipse 18:19

Odaa joɡ̶oilojietigi amoɡ̶o inoa lacilodi (ane lakatigi moikee magecaɡ̶alodipi), odaa ja napaawaɡ̶ateloco codaa me nacaagaɡ̶ateloco, modi, ‘Nagoodo naɡ̶ani nigotaɡ̶a eloodo aneiticoace naɡ̶a liicotedi ijotawece niɡ̶ijo aninoa latogoli, leeɡ̶odi niɡ̶inoa elaanaɡ̶a anoyadeegitedibece. Catiwedi onaniteci lakata naɡ̶ani nigotaɡ̶a ja ma.’

Apocalipse 19:5

Odaa ja jajipata ica ane dotaɡ̶a ipegitege naɡ̶ajo baanco ɡ̶oneɡ̶e mee me dotaɡ̶a, “Oɡ̶eetetalo Ǥoniotagodi Aneotedoɡ̶oji, akaamitawece anakaami liotaka, akaamitawece anakaami iwikodadipi, codaa anakaami ɡ̶oneɡ̶aɡ̶a, akaamitawecetiwaji ane eemiteetibige Aneotedoɡ̶oji!”

Apocalipse 4:11

“Ǥoniotagodi Aneotedoɡ̶oji leeditibige me ɡ̶adiweniɡ̶ideneɡ̶egi codaa joɡ̶eeɡ̶ataɡ̶awa, codaa jikanaɡ̶ataɡ̶adici ɡ̶adiiɡ̶enatakaneɡ̶egi. Igaataɡ̶a oeni inoatawece aninoa. Oeni inoatawece, odaa idioka limedi minoa leeɡ̶odi jiɡ̶idaa anemaani.”

Apocalipse 4:9

Niɡ̶ijoa cwaatolo ewikaɡ̶a niɡ̶ina me nigaanaɡ̶anaɡ̶a, moiweniɡ̶ide, codaa modiniotagodetalo Niɡ̶iniwa ane nicoteloco naɡ̶ajo epaa nibaanco me ɡ̶oneɡ̶egi, niɡ̶ini anidioka limedi me yewiɡ̶a, odaa niɡ̶ijoa 24 lacilodi ja dakagitiniwace lodoe Niɡ̶iniwa ane nicoteloco nibaanco me ɡ̶oneɡ̶egi, modi,

Apocalipse 8:10

Odaa niɡ̶ijo eledi aanjo naɡ̶a yatetigi nigoloneeta, odaa naɡ̶ajo yotedi nelegi ane ídi macataɡ̶a naɡ̶ana noledaɡ̶axi jeɡ̶eniteloco oniniteci liwai niɡ̶idiwa iniwatadiɡ̶ini liwailidi akiititedi codaa me niɡ̶inoa eletidi ninyokotiidi.