Zekarĩa 7:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Ĩbakakanaya nʼabahererĩ bʼenyũmba yʼOmwami Mukulu Wʼemilondo, nʼabamĩnyererĩ, bati, Nangalira oko mukera wʼakatanu, eriyisolola, ngoko nabirikola emyaka eyĩ yosĩ mingi kwehĩ?

Zekarĩa 7:3 Iomraidhean Croise

Ezera 3:10

Neryo omugulu abahĩmbĩ bahĩra ekibanza kyʼeHekalũ yʼOmwami Mukulu, mobahĩra abahererĩ ibanambite ebyambalo byabo haguma nʼesyongubi, nʼAbalawĩ abagala ba Asafũ haguma nʼamasengo, eripipa Omwami Mukulu, ngʼerihana lya Dawĩdĩ omwami wʼeĨsraelĩ.

Omũgambũlĩ 3:4

Omugulu wʼerĩtogongya emĩsonĩa, nʼomugulu wʼeriseka. Omugulu wʼeririra, nʼomugulu wʼerisata.

Hosea 4:6

Abandu bage bamaherĩbwa eribula eriminya. Kusangwa wabirigana eriminya, nage nasyakugana nibya, eribya mũhererĩ wage. Kusangwa wabiribirirwa emigambo ya Nyamuhanga wawe, nasyibirirwa abana bawe nibya.

Yoelĩ 2:17

Abahererĩ, abagombe bʼOmwami Mukulu, balirire omo katĩkatĩ kʼobũsekũ nʼekiherero, babũge bati, Uwe Mwami Mukulu, Uganyire abandu bawe, suhe abandu bawe oko batsũmĩ, Suleke ebihanda bikahulabo mo mitenyo. Busana nakĩ bangabũga omo katĩkatĩ kʼabandu bati, Nyamuhanga wabo ali hahi kwehĩ?

Hagaĩ 2:11

Omwami Mukulu Wʼemilondo ati, Ũbũlaye abahererĩ lino busana nʼomugambo, uti,

Zekarĩa 7:4

Neryo ekĩnywa kyʼOmwami Mukulu Wʼemilondo mokyambĩkako kiti,

Zekarĩa 7:5

Ubwire abandu bosĩ bʼekihugo nʼabahererĩ, uti, Omugulu mwatsira akalyo nʼeririra omo mukera wʼakatanu nʼowʼakalinda emyaka eyĩ makũmĩ alinda, momwanatsira akalyo busana nage kwenene kwehĩ?

Zekarĩa 8:19

Omwami Mukulu Wʼemilondo akabũga ati, Eritsira akalyo oko mukera wʼakani, nʼeritsira akalyo oko wʼakatanu, nʼeritsira akalyo oko wʼakalinda, nʼeritsira akalyo oko mukera wʼerĩkũmĩ, lyasyabya butseme nʼeritsanga, nʼerirya ĩnene lyʼobutseme busana nʼekĩtũnga kya Yũda. Busana nʼekyo mwanze ekwenene nʼobuholo.

Malakĩ 2:7

Kusangwa emĩnywa yʼomũhererĩ yangabika amenge, kandi abandu bangasonda-sonda erĩkangĩrĩrya omo buno buwe; kusangwa ni mukwenda wʼOmwami Mukulu Wʼemilondo.

Matayo 9:15

Yesu mwasũbĩryabo ati, Kwʼabĩra bʼĩba wʼomũherũkĩ banganakwa ngitsi omugulu akine haguma nabo kwehĩ? Nĩkwa ebiro byasyasa omugulu ĩba wʼomũherũkĩ asyalũsĩbwa kubo, neryo oko mugulu oyo basyatsira akalyo.

1 AbanyaKorinto 7:5

Sĩmwĩmane mutalialagana erikola mutya, imwatoka erĩyĩhĩra okwʼisaba, neryo ĩmwaswahĩndana haguma, Satanĩ akasyabalengako busana nʼeritindatũlera lyenyũ.

Eryibuka Ebihano 33:10

Basyakangĩrĩrya Yakobo yʼebilayiro byawe, Basyakangĩrĩrya Ĩsraelĩ yʼemigambo yawe. Basyakũkũmbĩrya obukwa, Nʼobuhere bwʼerĩokererya bosĩ oko kiherero kyawe.