Zekarĩa 3:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Neryo Yosũa abya iniambite esyongimba esĩtũnda-tũndĩre, neryo abya inianimene embere wʼomũlaĩka.

Zekarĩa 3:3 Iomraidhean Croise

Ezera 5:2

Neryo Zerũbabelĩ mugala wa Salatĩele, na Yesũa mugala wa Yozadakĩ, mobahangana nʼerĩtsũka erĩhĩmba enyũmba ya Nyamuhanga eYerũsalema; nʼabamĩnyererĩ ba Nyamuhanga babya haguma nabo erĩwatĩkyabo.

Ezera 9:15

Uwe Mwami Mukulu Nyamuhanga wa Ĩsraelĩ, uwe utunganene, kusangwa twamasĩgala mo basĩgalĩra ababala, ngoko bali mũnabwĩre; lebaya, tuli embere syawe omo musango wetu; kusangwa sihali nʼomuguma oyukatoka erihangana embere syawe busana nʼekĩ.

Ĩsaya 4:4

Omugulu Omwami Mukulu amabĩerya obũtsandĩrya bwʼabali bʼeSĩonĩ, kandi amabĩerya omusasi wʼeYerũsalema erĩlũsya gomo, omo kĩrĩmũ kyʼeritswera, nʼomo kĩrĩmũ kyʼerĩhĩsĩrĩrya.

Ĩsaya 64:5

Ũkahĩndana nʼoyũtsemĩre omwʼikola ekitunganene, oyukakwibuka omo nzira syawe. Lebaya, wabya uhitene, kusangwa twakola ebibi, motwasiba mubyo mugulu muli, kandi twanasyalamĩbwa kwehĩ?

Ĩsaya 64:6

Kusangwa ĩtwe bosĩ twabiribya ngʼoyũtũnda-tũndĩre, nʼemĩbĩrĩ yetu yosĩ itunganene iri ngʼolukimba lwĩtĩre nye, kandi ĩtwe bosĩ tukuma ngʼekikoma, nʼebibi byetu, bikatuheka ngʼerihunga.

Danĩelĩ 9:18

Uwe Nyamuhanga wage, utege okũtũ kwawe, wowe; ũlĩbũle ameso wawe, ulangire ebĩma byetũ, nʼomũyĩ owakahulawa omo lĩna lyawe. Kusangwa sĩtwehĩra erisaba lyetu embere syawe busana nʼeritunganene lyetu, nĩkwa busana nʼeriganyira lyawe lĩnene.

Yakobo 2:2

Kusangwa omundu amahĩka omo nyũmba yenyũ yʼerĩhĩndanamo iniambite embũka yʼesyamagetsi, nʼesyongimba esyowenenga. Kandi omundu mwera akahĩkamo iniambite esyongimba sĩtowene.

Yuda 1:23

Mũlayebo, imukabakulabo omo muliro. Kandi muganyire abandi, imukubaha, nʼeripona esyongimba syabo esĩtũnda-tũndĩre omo mĩtĩndũ yʼomubiri.

Eribisurirwa 19:8

Kandi abirihabwa erĩambalĩbwa ekĩtanĩ kĩbũyahĩre, ekĩkangabasenĩe, nʼekibuya. Kusangwa ekĩtanĩ kĩbũyahĩre ekyo nĩ mĩbĩrĩ itunganene yʼabandu ba Nyamuhanga.