Zekarĩa 10:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Erihitana lyage lyʼamaka oko balĩsya, kandi nasyasuyira esyombaya; kusangwa Omwami Mukulu Wʼemilondo abĩrĩlebya endeko yiwe, ekĩtũnga kya Yũda, asyayirabo ngʼesabayĩrĩ yiwe yowene omo malwa.

Zekarĩa 10:3 Iomraidhean Croise

Yobũ 39:25

Emigulu yosĩ engubi ĩkabũga iti, Hayi! Ikakumbirawa amalwa go hali, Sĩkowa abakulu bʼemilondo, bakabirikira malwa.

Erĩlũayo 4:31

Nʼabandu mobĩkĩrĩrya; babere bowa ngoko Mwami Mukulu abĩrĩlũngũlĩra abana ba Ĩsraelĩ, nʼakandi ngoko abirilangira amalĩge wabo, neryo mobũnamya emitwe yabo ahisi mobaramya.

Emĩsyo 21:31

Esabayĩrĩ ĩkategekanĩbawa busana nʼekiro kyʼamalwa; Nĩkwa erĩkĩnda ni ryʼOmwami Mukulu.

Olwimbo lwʼEsyonyimbo 1:9

Nabĩrĩkũlĩngĩrĩranĩa, uwe mwanze wage, Ngʼesabayĩrĩ yage eyikakura, egalĩ omo katĩkatĩ kʼesya Farao.

Ĩsaya 10:12

Litya kyasyabya, omugulu Omukama amabĩberererya omũbĩrĩ wuwe gosĩ oko kitwa kyʼeSĩonĩ nʼoko Yerũsalema, nasyasuyira ebĩgũma byʼomutima akalĩre wʼOmwami wʼeAsũrĩa, nʼobubuya bwʼeriyiheka liwe.

Ĩsaya 24:21

Neryo oko kiro ekyo, Omwami Mukulu asyasuyira omulondo wʼolubula endata, nʼabami bʼekihugo oko kihugo.

Yeremĩa 10:21

Kusangwa abalĩsya babiribya bakĩrũ kandi sĩbetasonda-sondya Omwami Mukulu. Busana nʼekyo sibetakamaha, nʼekihangulo kyabo kyosĩ kyabiripanza-panzwa.

Yeremĩa 11:22

Busana nʼekyo Omwami Mukulu wʼemilondo ati, Lebaya, nasyasuyirabo! Abalwana basyahola omo mũyalĩ. Abagala nʼabali basyahola omo nzala,

Yeremĩa 25:12

Neryo omugulu emyaka makũmĩ alinda yasyabya yabihwa, Omwami Mukulu ati, Nasyasuyira omwami wʼeBabelĩ, nʼekihanda ekyo, busana nʼebibi byabo, nʼekihugo kyʼAbakaldea, kandi nasyayirakyo mo mulala wʼebiro byosĩ.

Yeremĩa 25:34

Ĩnywe balĩsya, mulire, mulake. Mũyĩgala-galaye omwʼĩbũ, ĩnywe bakama bʼekĩhyo, kusangwa ebiro byʼerĩkwa lyenyũ nʼeripanza-panzwa lyenyũ byabĩrĩhĩkana kũndũ, nenyũ mwasyawa ngʼenyungu nyibuya.

Yeremĩa 50:6

Abandu bage babiribya mbũlĩ sitere. Abalĩsya babo babĩrĩtalyabo. Babĩrĩtalĩryabo omo bitwa. Babirigenda oko kitwa nʼoko katwa. Babiribirirwa ahʼeriluhukira.

Ezekĩelĩ 34:11

Kusangwa Omukama Iye Omwami Mukulu ati, Lebaya, ĩngye ĩngyowene-wene, nasyasonda-sondya esyombũlĩ syage, nʼerĩsondekanĩasyo.

Ezekĩelĩ 34:12

Ngoko mũlĩsya akalembera ekihangulo kiwe omo musibo omugulu ali omo katĩkatĩ kʼesyombũlĩ siwe esipanzikene, litya nasyalembera esyombũlĩ syage nyitya. Nasyalamyasyo ehosĩ eyo syapanzikanira omo kiro kyʼebĩtũ nʼomwĩrĩmya.

Ezekĩelĩ 34:2

Omugala wʼomundu, uminyerere amalwa busana nʼabalĩsya ba Ĩsraelĩ. Uminyerere, Ubwire abalĩsya abo uti, Omukama Iye Omwami Mukulu ati, Obũlĩge, oko balĩsya ba Ĩsraelĩ abakayĩrĩsaya! Abalĩsya sĩbangalĩsya ekihangulo kwehĩ?

Danĩelĩ 11:32

Neryo omo kĩsehya asyabindula abandu abakakola nabi erĩsĩga endagano ati sibekenga Nyamuhanga. Nĩkwa abandu abasĩ Nyamuhanga wabo basyabya nʼamaka nʼerikola ebĩkalĩre.

Zefania 1:8

Neryo oko kiro kyʼobuhere bʼOmwami Mukulu, nasyasuyira abanya-mwami, abagala bʼomwami, nʼabosĩ abakambalĩbawa omo syongimba syʼehandi.

Zefania 2:7

Nʼomũsĩke wʼengetsi asyabya busana nʼabasĩgala oko kĩtũnga kya Yũda; basyalĩsĩrya kugo ebihangulo byabo. Basyagotsera omwʼĩgolo-golo omo manyũmba wʼeAskelonĩ; kusangwa Omwami Mukulu, Nyamuhanga wabo asyalemberabo, nʼerĩsũbyabo buholo.

Zekarĩa 11:17

Obũlĩge oko mũlĩsya mũpenehĩ oyũkasĩganaya ekĩhyo! Omũyalĩ asyabya oko kuboko kuwe, nʼoko lĩso liwe lyʼamali; okuboko kuwe kwasyuma kwenene, nʼerĩso liwe lyʼamali lyasyabya mwĩrĩmya kutsibu.

Luka 1:68

Tupipe Omukama Nyamuhanga wa Ĩsraelĩ! Kusangwa abĩrĩhĩka erĩwatĩkya abandu buwe, nʼerihabo obwĩranda

1 Petero 2:12

Muyire emigendere mibuya omo katĩkatĩ kʼEbihanda, neryo nomo bangabatsuma ngʼabakola-nabi, nĩkwa omugulu bakalangira emĩbĩrĩ yenyũ mibuya, ibapipa Nyamuhanga oko kiro kyʼeritswerwa.

Rũta 1:6

Neryo Naomĩ mwahangana nʼabalĩana buwe, ati akasubula erĩlũa omo kihugo kyʼeMoabũ; kusangwa abya ĩnĩabĩrĩowĩra omo kihugo kyʼeMoabũ, ambu Omwami Mukulu abĩrĩlũngũlĩra abandu buwe nʼerihabo akalyo.