Zekarĩa 1:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Simubye ngʼabotata wenyũ, ababwirawa nʼabamĩnyererĩ bʼembere, bati, Omwami Mukulu Wʼemilondo akabũga ati, Musubule lino, erĩlũa omo syonzira syenyũ nyibi, nʼoko mĩbĩrĩ yenyũ mibi; nĩkwa mobatetowa kandi mobatetanyihulikirira, Omwami Mukulu akabũga.

Zekarĩa 1:4 Iomraidhean Croise

2 Emyatsi yʼEmigulu 30:6

Neryo abakwenda mobagenda nʼesyobarua esĩkalũa oko mwami nʼabanya-mwami buwe eriya eĨsraelĩ nʼeYũda hosĩ ngʼekihano kyʼOmwami, bati, Ĩnywe bana ba Ĩsraelĩ, musube oko Mwami Mukulu, Nyamuhanga wa Abrahamũ, Ĩsaka, na Ĩsraelĩ, atoke erisuba ũkwʼĩnywe ababala nʼerĩsĩgala oko byala byʼabami bʼeAsũrĩa.

2 Emyatsi yʼEmigulu 30:7

Kandi Simubye ngʼabotata wenyũ, kandi ngʼabagala benyũ, abalegula busana nʼOmwami Mukulu, Nyamuhanga wʼabotata wabo, kyaleka iniayirabo mo nye, ngoko mukalangira.

2 Emyatsi yʼEmigulu 34:21

Mugende, mũbũlaye Omwami Mukulu busana nage, na busana nʼabo basĩgala eĨsraelĩ, nʼeYũda, busana nʼebĩnywa byʼekitabu ekyabanika; kusangwa erihitana lyʼOmwami Mukulu nĩ rĩnene eryamũtũlĩrwa ũkwʼĩtwe, kusangwa abotata wetu mobatateya ekĩnywa kyʼOmwami Mukulu erikola ngʼebyosĩ ebĩsakĩre omo kitabu ekĩ.

Ezera 9:7

Erĩtsũka oko biro byʼabotata wetu twabiribya nʼomusango munene erĩhĩka mũnabwĩre; na busana nʼamalolo wetu ĩtwe nʼabami betu nʼabahererĩ betu twabĩrĩhĩrwa omo byala byʼabami bʼebihugo nʼoko mũyalĩ nʼoko bunyegwa, nʼokwʼĩhũngwa, nʼokwʼĩkũtakũtya obũsũ ngoko biri mũnabwĩre.

Nehemĩa 9:16

Nĩkwa abotata wetu mobakola ibakayipipa, mobakalya ebĩkya byabo, mobatetowa ebihano byawe.

Nehemĩa 9:26

Nomo bine bitya mobatetakenga, mobahona ukʼuwe, mobagusa emigambo yawe yʼenyũma wʼemigongo yabo, mobĩta abamĩnyererĩ bawe abahanabo batoke erisuba ukʼuwe, kandi mobakola ebĩtsũmĩ binene.

Nehemĩa 9:30

Nĩkwa mowalindabo emyaka mingi nʼerihanabo omo Mũlĩmũ wawe omo bamĩnyererĩ bawe; nĩkwa mobatanza eritega matwĩ. Busana nʼekyo mowahĩrabo omo byala byʼebihanda byʼebihugo.

Esyonyimbo 78:8

Sibabye ngʼaboso-kulu wabo, Abandu abakayisamambula nʼerĩtendĩowa. Abandu abatawite erĩkĩrĩrya erĩsĩkĩre uku Nyamuhanga, Kandi mobatabya nʼeritindalegula embere sya Nyamuhanga.

Ĩsaya 31:6

Musube oko yo mwahonako kutsibu, ĩnywe bana ba Ĩsraelĩ.

Yeremĩa 18:11

Neryo lino ũbũge nʼabandu bʼeYũda nʼoko syondũlanĩ syʼeYerũsalema uti, Omwami Mukulu ati, Ngakokotaya erĩkwa busana nawe, ngayĩsũnza omwatsi busana nawe. Mũbũnũkale, obuli mundu aleke enzira yiwe nyibi, mũkokotaye esyonzira syenyũ nʼemĩbĩrĩ yenyũ yo ndeke.

Yeremĩa 23:22

Nĩkwa kumbe balihangana omo mbĩta yage kumbe bangowĩsĩrye abandu bage ebĩnywa byage, nʼerĩbũnũkalyabo erĩlũa oko nzira yabo nyibi, nʼerĩlũa kwʼebibi byʼemĩbĩrĩ yabo.

Yeremĩa 25:8

Busana nʼekyo Omwami Mukulu wʼemilondo ati, Kusangwa Sĩmwetowa ebĩnywa byage,

Yeremĩa 26:5

erihulikirira ebĩnywa byʼabagombe bage abamĩnyererĩ abo ngabatumira, engendo nyingi, nĩkwa ĩnywe momũtowa,

Yeremĩa 3:12

Ugende, ũtũle ebĩnywa ebĩ oko luhande lwʼelutambi lwʼendata nʼerĩbũga uti. Omwami Mukulu ati, Ĩsraelĩ, oyukalegula, subula. Omwami Mukulu ati, Sindiendisyakutungerera omwʼihitana, kusangwa indi wʼeriganyira, sindiendisyabika erihitana erĩhĩka kera na kera.

Yeremĩa 3:14

Omwami Mukulu ati, ĩnywe bagala abakalegula, musubule, kusangwa ĩngye indi mukama wenyũ. Nage nasyabĩmya omuguma wʼoko mũyĩ, nʼababiri oko buli kĩtũnga, nasyabakolya eSĩonĩ.

Yeremĩa 35:15

Kandi nabiribatumira abagombe bage bosĩ abamĩnyererĩ, eritumabo kandi nʼakandi nyiti, Lino musubule obuli mundu alũe omo nzira nyibi yiwe, mũtũngananaye emĩbĩrĩ yenyũ, kandi simukwame esindi nyamuhanga erĩramyasyo, neryo mwasyĩkala omo kihugo ekyo nabiribaha nʼabotata-kulu wenyũ. Nĩkwa momutatega amatwĩ wenyũ, kutse erimbulikirira.

Yeremĩa 4:1

Omwami Mukulu ati, Wamasonda erisubula, uwe Ĩsraelĩ, neryo litolere Unyisubeko, kandi wamasonda erĩlũsya esyonye syawe embere syʼameso wage, isiwendisyatika-tika,

Yeremĩa 44:16

Ekĩnywa ekyo watubwira omo lĩna lyʼOmwami Mukulu, sitwendikuhulikirira!

Ezekĩelĩ 14:6

Neryo Ubwire ekihanda kya Ĩsraelĩ uti, Omukama Iye Omwami Mukulu ati, Mubinduke erireka ebibi, mũbũnũkale oko syosanamu syenyũ. Mubindule amũsũ wenyũ oko nye syenyũ syosĩ.

Ezekĩelĩ 20:18

Monabwira abana babo omo mbwarara nyiti, Simukwame ebihano byʼabotata wenyũ, kutse simukwamirire eritswera lyabo, kutse erĩyĩtsandya omo syosanamu syabo.

Ezekĩelĩ 33:11

Ubwirebo uti, Omukama Iye Omwami Mukulu ati, Ngoko nyiriho! Sinditsemera oluholo lwʼababi, nĩkwa nyiti, kumbe ababi bakaleka enzira yabo babyeho. Mũbũnũkale, mũbũnũkale muleke esyonzira syenyũ nyibi! Busana nakĩ uwe kihanda kya Ĩsraelĩ, ukasonda erihola kwehĩ?

Ezekĩelĩ 33:4

neryo oyũkowa omulenge wʼengubi, ĩsĩalĩrĩga ehe-e, omũyalĩ amahĩka nʼerimuheka, omusasi wuwe asyabya oko mutwe wuwe ĩyowene.

Danĩelĩ 9:6

Kutse sitwetahulikirira abagombe bawe abamĩnyererĩ, ababũga omo lĩna lyawe oko bami betu, nʼabanya-mwami betu nʼabotata wetu, nʼabandu bosĩ bʼekihugo.

Hosea 14:1

Uwe Ĩsraelĩ, usube oko Mwami Mukulu Nyamuhanga wawe; kusangwa wabiriwa busana nʼebibi byawe.

Amosĩ 5:24

Nĩkwa erĩbanza lisende ngʼamagetsi, nʼeritwangana ngʼolũsĩ olukasenda emigulu yosĩ.

Mĩka 2:6

Sĩmũbũge, neryo bakatũlago. Nĩkwa bamatendĩsyatũlago oko myatsi eyĩ; ebĩtsũmĩ ĩsĩbyendĩsyasĩngwa.

Zekarĩa 1:3

Busana nʼekĩ ubwirebo uti, Omwami Mukulu Wʼemilondo akabũga ati, Musube ũkwʼĩngye, Omwami Mukulu Wʼemilondo akabũga, nage nasyasuba ũkwʼĩnywe, Omwami Mukulu Wʼemilondo atya.

Zekarĩa 7:7

Ebĩ sĩ bĩnywa ebyo Mwami Mukulu akanganaya omo bamĩnyererĩ bʼerĩmbere, omugulu Yerũsalema abya mwʼabandu nʼerigasa, haguma nʼemĩyĩ yako eyĩtĩmbĩreko, nʼekihugo kyʼelutambi lwʼeyĩkwa nʼehitwa hyʼekihugo kyʼeyĩkwa byabya mo bandu kwehĩ?

Emibiri 26:20

Nĩkwa monatsũka erĩkangĩrĩrya bandu bʼeDamasĩkĩ, nʼabandu bʼeYerũsalema, nʼomo kihugo kyosĩ kyʼeYũdea, nʼoko Bihanda, nyiti babindule emitima yabo balũe kwʼebibi, babindukire Nyamuhanga, kandi bakole emĩbĩrĩ eyo eyĩkakangaya eribinduka lyabo.

Emibiri 3:19

Neryo ĩnywe mubindule emitima yenyũ mulolaye eyiri Nyamuhanga, ebibi byenyũ bisangulawe,

1 Petero 1:18

Kusangwa mũnasĩ momũtatongolĩbwa oko mitsye mitya-mitya nʼemigendere yʼabotata-kulu wenyũ, omo bindu ebikahera, ngʼebĩtsĩpa kutse esyamagetsi.