Zekarĩa 1:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Busana nʼekĩ ubwirebo uti, Omwami Mukulu Wʼemilondo akabũga ati, Musube ũkwʼĩngye, Omwami Mukulu Wʼemilondo akabũga, nage nasyasuba ũkwʼĩnywe, Omwami Mukulu Wʼemilondo atya.

Zekarĩa 1:3 Iomraidhean Croise

2 Emyatsi yʼEmigulu 15:2

Naye mwahuluka erĩyahĩndana na Asa, mwamubwira ati, Uwe Asa, nʼAbayũda bosĩ nʼAbabenyamĩna, mũnyowe. Omwami Mukulu ali haguma nenyũ omugulu muli haguma naye; nenyũ mwamamusonda-sonda, asyabanika kwĩnywe; nĩkwa mwamamũsĩganĩa naye asyabasĩga.

2 Emyatsi yʼEmigulu 15:4

Nĩkwa omo bũlĩge bwabo mobabindukira Omwami Mukulu Nyamuhanga wa Ĩsraelĩ nʼerimusonda-sonda, naye mwabanika kubo.

Nehemĩa 9:28

Nĩkwa enyũma ibamabihumula, mobaswakola nabi embere syawe; busana nʼekyo mowasĩgabo omo byala byʼesyonzĩgũ syabo, abatabala kubo. Nĩkwa omugulu basubula nʼerikulakira, mowowabo elubula; mowalamyabo ngendo nyingi busana nʼolukogo lwawe.

Yobũ 22:23

Wamasuba oko Mũtokĩ Wʼebyosĩ, wasyahĩmbwa, Wamahigira hali ebitatunganene oko hema yawe.

Ĩsaya 31:6

Musube oko yo mwahonako kutsibu, ĩnywe bana ba Ĩsraelĩ.

Ĩsaya 44:22

Nabirisangula ebibi byawe ngʼekĩtũ kinene, nʼamalolo wawe ngʼobuheha bũlĩtohĩre. Unyisubeko, kusangwa nabĩrĩkũtongolya.

Yeremĩa 12:15

Kandi, omugulu namabikulabo, nasyasubula nʼeriganyirabo, kandi nasyaswaletabo, obuli mundu oko mwandu wuwe, nʼobuli mundu oko kitaka kiwe.

Yeremĩa 25:5

bati, Mũbũnũkale lino obuli mundu erireka enzira yiwe nyibi, nʼerireka ebibi byʼemĩbĩrĩ yenyũ, mwĩkale omo kihugo ekyo Mwami Mukulu abiribaha nʼabotata wenyũ busana na kera na kera.

Yeremĩa 3:1

Nyamuhanga akabũga ati, Omundu amahiga omũkalĩ wuwe, naye akamũlũako, nʼeriya oko gundi mundu asyamusubira kwehĩ? Ekihugo ekyo sikyendisyatsanda kutsibu kwehĩ? Nĩkwa uwe wabĩrĩsĩngĩra nʼabaragane bangi, nĩkwa ukanyisubako, Omwami Mukulu atya.

Yeremĩa 3:22

Ĩnywe bana abakalegula, musubule, nasyalamya eriregula lyenyũ. Lebaya, twamasa ukʼuwe, kusangwa uli Mwami Mukulu Nyamuhanga wetu.

Yeremĩa 35:15

Kandi nabiribatumira abagombe bage bosĩ abamĩnyererĩ, eritumabo kandi nʼakandi nyiti, Lino musubule obuli mundu alũe omo nzira nyibi yiwe, mũtũngananaye emĩbĩrĩ yenyũ, kandi simukwame esindi nyamuhanga erĩramyasyo, neryo mwasyĩkala omo kihugo ekyo nabiribaha nʼabotata-kulu wenyũ. Nĩkwa momutatega amatwĩ wenyũ, kutse erimbulikirira.

Yeremĩa 4:1

Omwami Mukulu ati, Wamasonda erisubula, uwe Ĩsraelĩ, neryo litolere Unyisubeko, kandi wamasonda erĩlũsya esyonye syawe embere syʼameso wage, isiwendisyatika-tika,

Ezekĩelĩ 18:19

Nĩkwa mũkabũga muti, Busana nakĩ omugala sialiheka ebibi byʼĩse wuwe kwehĩ? Omugulu mugala abirikola erĩbanza lyʼekwenene nʼebitunganene, nʼerĩteya emigambo yage yosĩ, nʼerikolayo, asyabyaho kwenene.

Ezekĩelĩ 18:31

Muguse amalolo wenyũ gosĩ go hali, ago mwabĩrĩhalyamo, muyiyirire omutima muhya-muhya nʼekĩrĩmũ kihya-kihya! Kusangwa busana nakĩ, uwe kihanda kya Ĩsraelĩ, mwanzĩre erihola kwehi?

Ezekĩelĩ 18:32

Omukama Iye Omwami Mukulu ati, Sindi nʼobutseme omo luholo lwʼomundu oyukahola. Neryo mubinduke, erireka ebibi, mubyeho.

Ezekĩelĩ 33:11

Ubwirebo uti, Omukama Iye Omwami Mukulu ati, Ngoko nyiriho! Sinditsemera oluholo lwʼababi, nĩkwa nyiti, kumbe ababi bakaleka enzira yabo babyeho. Mũbũnũkale, mũbũnũkale muleke esyonzira syenyũ nyibi! Busana nakĩ uwe kihanda kya Ĩsraelĩ, ukasonda erihola kwehĩ?

Hosea 14:1

Uwe Ĩsraelĩ, usube oko Mwami Mukulu Nyamuhanga wawe; kusangwa wabiriwa busana nʼebibi byawe.

Hosea 14:4

Ngandĩsyalamya erisuba enyũma lyabo, nasyanzabo ndeke; kusangwa erihitana lyage lyabĩrĩlũa kubo.

Hosea 6:1

Mwase tusube oko Mwami Mukulu; kusangwa abiritutulanga, nĩkwa akandĩtũlamya; abĩrĩswĩrya, naye akandisyatusenga-senga.

Yoelĩ 2:12

Omwami Mukulu ati, Kutse na lino, munyibindukire nʼemitima yenyũ yosĩ, nʼeritsira akalyo, nʼeririra, nʼerĩsũsũmana.

Malakĩ 3:7

Erĩtsũka oko biro byʼabotata wenyũ mwabirikita erĩlũa oko migambo yage, isimũlĩtateyayo. Omwami Mukulu Wʼemilondo ati, Munyisubeko, nage nasyabasubako. Nĩkwa ĩnywe muti, Twasyasubula tuti kwehĩ?