Zefania 3:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Omwami Mukulu omo katĩkatĩ kago ni mutunganene; siendisyakola ekite kyʼerĩbanza lyʼekwenene; obuli ngyakya akaleta erĩbanza litunganene liwe oko kyakakala, sialiusa; nĩkwa oyute wʼerĩbanza litunganene sĩasĩ esĩsonĩ.

Zefania 3:5 Iomraidhean Croise

Enzũko 18:25

Ekyo kibye hali ukʼuwe erikola omuhanda oyũ, erĩĩta abatunganene haguma nʼababi, litya abatunganene ibabya ngʼababi, ekyo kibye hali ukʼuwe. Ko Mũtswerĩ wʼekihugo kyosĩ siendisyatswera omo litunganene kwehĩ?

Yobũ 34:10

Busana nʼekyo ĩnywe balume bʼamenge munyihulikirire. Kibye hali uku Nyamuhanga erikola ebibi, Nʼoko Mũtokĩ Wʼebyosĩ erĩhalya.

Yobũ 7:18

Kandi uti wangayamubana omo ngyakya syosĩ, Nʼerimulengako obuli katambĩ.

Yobũ 8:3

Ko Nyamuhanga akatalaya erĩbanza litunganene kwehĩ? Kutse Omũtokĩ Wʼebyosĩ akatalaya ekitunganene kwehĩ?

Esyonyimbo 145:17

Omwami Mukulu atunganene omo byosĩ akakola, Nʼowʼeriganyira omo mĩbĩrĩ yiwe yosĩ.

Esyonyimbo 37:6

Asyaleka eritunganene ryawe ĩryakangabasanĩa ngʼekyakakala, Kandi asyaleka eritunganene lyawe ĩryakolerya ngʼeritungi.

Esyonyimbo 92:15

Ekĩ kĩkamĩnyĩsaya Omwami Mukulu kwʼali wʼerĩbanza litunganene; Omo mwĩmĩrĩ wage sihali oluhabo.

Ĩsaya 12:6

Umoleke omulenge ũbũgaye olukuko, Uwe ndũlanĩ yʼeSĩonĩ, kusangwa Oyũbũyĩrĩre wʼeĨsraelĩ ni mukulu omo katĩkatĩ kenyũ.

Ĩsaya 28:19

Emigulu yosĩ eyo kyasyalaba kyasyabahamba. Kusangwa kyasyalaba engyakya nʼengyakya, omo musibo nʼomo kiro. Kandi kyasyabya erĩũbahya lisa eriminya enzumwa yakyo.

Ĩsaya 33:2

Uwe Mwami Mukulu, ubye nʼolukogo busana netu twabirikulinda. Ubye maka wetu obuli ngyakya, nʼomulamo wetu nibya omugulu wʼobũlĩge.

Ĩsaya 45:21

Mũtũlego, mũhũlũkaye omwatsi wenyũ. Ega, baye mbĩta haguma. Nindi wakanganaya ekĩ okwʼĩtsũka omugulu wa kera kwehĩ? Nindi watũlago kera kwehĩ? Sĩ ngye, Mwami Mukulu kwehĩ? Kandi sihali gundi Nyamuhanga ate ngye, Nyamuhanga wʼeritunganene nʼomũlamya. Sihali gundi ate ngye.

Ĩsaya 50:4

Omukama Omwami Mukulu abirinyiha olulimi lwʼomwiga, inabana eriminya erĩsĩkya oyukaluha omo kĩnywa. Akanyĩbũkaya obuli ngyakya akabũkaya okũtũ kwage erihulikirira ngʼomwiga.

Yeremĩa 21:12

Omwami Mukulu ati, Uwe kĩtũnga kya Dawĩdĩ, Ukole erĩbanza litunganene obuli kiro, mũlamaye omundu oyo bahũngako oko byala byʼomũnũbya, erihitana lyage likasyahuluka ngʼomuliro erĩhĩsya, isihali oyo wangalĩmyago, busana nʼebibi byʼemĩbĩrĩ yabo.

Yeremĩa 3:3

Busana nʼekyo embũla yabĩrĩkakĩrĩbwa, ihatawa embũla yʼenyũma. Nĩkwa wabya nʼembũmo yʼomũmalaya, mowagana erĩkwa esĩsonĩ.

Yeremĩa 6:15

Mobanakwa esĩsonĩ omugulu bamabikola ebyʼesyonye kwehĩ? Iyihi, mobatakwa esĩsonĩ nʼahake, kutse obũsũ bwabo mobutaminya erĩtũmba. Busana nʼekyo, basyawa haguma nʼabakawa. Oko mugulu nasyasuyirabo, basyaguswa ahisi, Omwami Mukulu atya.

Yeremĩa 8:12

Mobakwa esĩsonĩ omugulu bamabikola esyonye kwehĩ? Iyihi, mobatakwa esĩsonĩ nʼahake, kutse obũsũ bwabo mobutaminya erĩtũmba. Busana nʼekyo, basyawa omo katĩkatĩ kʼabakawa. Oko mugulu wʼerisuyira lyabo, basyaguswa ahisi, Omwami Mukulu atya.

Ekiriro 3:23

Ni rihya-lihya obuli ngyakya-ngyakya. Obutalegula bwawe ni bunene.

Ezekĩelĩ 18:25

Nĩkwa mũkabũga muti, Enzira yʼomukama siyitunganene. Uwe kihanda kya Ĩsraelĩ, uhulikirire! Enzira yage siyitunganene kwehĩ? Esyonzira syenyũ si syo sitatunganene kwehĩ?

Ezekĩelĩ 48:35

Erĩtĩmba oko mũyĩ hasyabya metere 9,000; nʼerĩna lyʼomũyĩ oyo erĩtsũka ekiro ekyo lyasyabya: Omwami Mukulu ali aho.

Hosea 14:9

Omundu oyũ wʼamenge iniatoka eriminya emyatsi eyĩ; nʼoyukaminyerera, aminyeyo. Kusangwa esyonzira syʼOmwami Mukulu situnganene, nʼabatunganene basyalendera musyo; nĩkwa abʼamalolo basyatwĩkala musyo.

Hosea 6:5

Busana nʼekyo nabiritemabo mo bitswe-bitswe omo byala byʼabamĩnyererĩ; nabĩrĩtabo omo bĩnywa byʼobuno bwage; nʼesyonzwere ukʼuwe siri ngʼekyakakala ekikahuluka.

Mĩka 3:11

Abasondolĩ bako bakatswera busana nʼerihembwa, nʼabahererĩ bako bakakangĩrĩraya busana nʼobũhĩngĩ, nʼabamĩnyererĩ bako bakalagula busana nʼesyofranka. Nĩkwa bakayegemeraya oko Mwami Mukulu, bakabũga bati, Omwami Mukulu siali omo katĩkatĩ ketu kwehĩ? Erĩkwa siryendĩsyatũhĩkako.

Mĩka 7:9

Nasyaheka erihitana lyʼOmwami Mukulu, kusangwa nabĩrĩmũhalyako, erĩhĩka aho asyahanganira omwatsi wage, nʼerĩhĩka aho asyaberererya erĩbanza busana nage. Asyanyĩhũlũkĩrya eyĩhya omo kyakakala, nage nasyasamalira eritunganene riwe.

Habakũkĩ 1:3

Busana nakĩ ukaleka inalangira ebibi, nʼerisamalira obubi kwehĩ? Ega, obũherya nʼomwaga biri embere syage; kandi hali amalwa, nʼerinegena bikahuluka.

Zefania 2:1

Uwe kihanda kite nʼesĩsonĩ, mũyĩhĩndanaye haguma, ega mũhĩndane haguma;

Zefania 3:13

Neryo abasĩgalira ba Ĩsraelĩ sibendisyakola ebibi, kutse erĩbũga amabehĩ; kutse omo muno wabo simwendisyabanika olulimi lwʼeriteba; kusangwa basyalya nʼerigotsera, isihali oyo wasyatĩtĩmanĩabo.

Zefania 3:15

Omwami Mukulu abĩrĩlũsya esyombanza syawe, abirigusa esyonzĩgũ syawe syʼeyĩhya. Omwami wa Ĩsraelĩ, iye Omwami Mukulu, ali omo katĩkatĩ kawe; siwendisyasyubaha erĩkwa kandi.

Zefania 3:17

Omwami Mukulu Nyamuhanga wawe ali omo katĩkatĩ kawe, omũlwĩ Oyũkakinda. Asyakutsemera nʼobutseme; asyabasũbya mo bahya-bahya omo lwanzo luwe; asyakutsemera nʼeriimba.

Zekarĩa 2:5

Kusangwa ĩngye, Omwami Mukulu ati, nasyabya lũhĩmbo lwʼomuliro busana nayo, erĩtĩmba oko mbande syosĩ, nasyabya lukengerwa omo katĩkatĩ kayo.

Zekarĩa 9:9

Utseme kutsibu uwe mwali wʼeSĩonĩ! Uwe mwali wʼeYerũsalema, wũte obogo! Lebaya, omwami wawe akasa ukʼuwe; atunganene, kandi awite erĩlamya, abĩrĩyĩkehya, kandi ĩkere oko punda, ega, oko kyana kyʼepunda.

Luka 12:2

Nĩkwa sihali ekĩkũnĩngĩrwe ekitendisyabĩsũlwa, nʼekĩbĩsamĩre ekitendisyamĩnyĩkalĩbwa.

AbanyaRoma 2:5

Nĩkwa busana nʼobutsibu bʼomutima wawe owatebinduka, ukayibikira erihitana oko kiro ekyo kyʼerihitana lya Nyamuhanga nʼeritswera litunganene riwe lyasyabĩsũlwa.

AbanyaRoma 3:26

iniatoka erĩkangya eritunganene riwe oko mugulu ono. Atya, Nyamuhanga akakangaya kwʼatunganene, kandi kwʼakatũngananaya omundu Oyũkĩkĩrĩraya Yesu.

1 AbanyaKorinto 4:5

Neryo Simubye mukatswera omundu embere wʼomugulu owatolere, omugulu Omukama asyasa, iye asyahũlũkya omo kyakakala emyatsi eyĩbĩsamĩre omo mwĩrĩmya, kandi asyamĩnyĩkalya erĩyĩsũnza lyʼemitima yʼabandu. Neryo obuli mundu asyabana eripipwa na Nyamuhanga.

Eryibuka Ebihano 23:14

Kusangwa Omwami Mukulu Nyamuhanga wenyũ akalendera omo kilaliriro kyenyũ, erĩbalamya, nʼerĩkĩnda esyonzĩgũ syenyũ embere syenyũ; kikatuma ekilaliriro kyenyũ kitolere ikyabya kĩbũyĩrĩre, iniatalangira kindu ekĩtĩsĩrĩre kuwe, akasyabũnũkala akabalũako.

Eryibuka Ebihano 32:4

Omũhanganĩrĩ oyo! Omũbĩrĩ wuwe ahĩkene; Kusangwa emibere yiwe yosĩ itunganene. Nyamuhanga oyuteregula kandi oyute nʼomwatsi ate wʼeribanza litunganene. Atunganene, kandi ni wʼerĩbanza lyʼekwenene.

1 Petero 1:17

Omugulu mukasaba Nyamuhanga, mukamwahula mo Tata, oyukatswera obuli mundu, butsira obutaga, ngʼemĩbĩrĩ yiwe kwʼiri; mulendere nʼerikenga Nyamuhanga omugulu mukine omo kihugo kino.