Zefania 3:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Abamĩnyererĩ buwe ni batya-batya nʼabandu batebya; abahererĩ buwe babĩrĩtsandya eHema ahabũyĩrĩre, babĩrĩhalya oko migambo.

Zefania 3:4 Iomraidhean Croise

Ĩsaya 9:15

Omutwe yo mundu mukulu nʼomundu oyũsĩkĩbwe, nʼomũmĩnyererĩ oyũkakangĩrĩraya amabehĩ, go mukira.

Yeremĩa 23:32

Omwami Mukulu ati, Lebaya, ngalwa nʼabakaminyerera erilota lyʼamabehĩ, ĩbakatũlalyo, nʼerĩhabĩsya abandu bage omo mabehĩ wabo nʼomwʼiyipipa lyabo litya-litya. Nĩkwa mondatumabo, kutse mondahamulabo. Kutse, siberetera abandu aba bʼendũndĩ nʼahake, Omwami Mukulu atya.

Yeremĩa 34:19

abakulu bʼeYũda, nʼabakulu bʼeYerũsalema, nʼabakulu bʼomwami, nʼabahererĩ, nʼabandu bosĩ bʼekihugo, abalaba omo katĩkatĩ kʼebihande byʼekyana kyʼende.

Yeremĩa 5:31

Abamĩnyererĩ bakaminyerera omo mabehĩ, nʼabahererĩ bakatabala omo hamũlĩ yabo, nʼabandu bage bakanza batya! Nenyũ mwasyakolakĩ omugulu endũlĩ yasyahĩka kwehĩ?

Yeremĩa 8:10

Busana nʼekyo nasyaha abakalĩ babo oko bandi, nʼamalima wabo oko bandi bandu. Kusangwa obuli muguma erĩtsũka oko muke erĩhĩka oko mukulu bakwĩre obururu bwʼendũndĩ. Erĩtsũka oko mũmĩnyererĩ erĩhĩka oko mũhererĩ, obuli muguma akakola nʼobũgobya.

Ekiriro 2:14

Abamĩnyererĩ bawe babirilangira busana nawe Erilota eryʼamabehĩ nʼesyonzolĩ ngyĩrũ. Mobatakũnũngũla obubi bwawe, Busana nʼerĩsũbũlya obunyegwa bwawe, Nĩkwa babirilangira busana nawe Emyatsi yʼamabehĩ nʼemyatsi yʼerĩkũtalya.

Ezekĩelĩ 22:26

Abahererĩ bago babĩrĩhalya oko migambo yage, kandi babĩrĩtsandya ebindu byage bĩbũyĩrĩre. Sibetagabula omo katĩkatĩ kʼebĩbũyĩrĩre nʼebĩtabũyĩrĩre kutse sibetaleka abandu ibaminya ebĩtĩsĩrĩre nʼebyowene, kandi babĩrĩbĩsa ameso wabo oko syoSabato syage, nage nabirihemulwa omo katĩkatĩ kabo.

Ezekĩelĩ 22:6

Lebaya, abatabalĩ ba Ĩsraelĩ, obuli muguma ngʼamaka wuwe kwʼali abiribya omwisi busana nʼerĩũta omusasi.

Ezekĩelĩ 44:23

Kandi, basyakangĩrĩrya abandu bage erisombola omo katĩkatĩ kʼebĩbũyĩrĩre nʼebĩtabũyĩrĩre, nʼerĩmĩnyĩsyabo eriminya ekĩtowene nʼekyerĩre.

Hosea 9:7

Ebiro byʼerisuyira byahĩkĩre, ebiro byʼerĩtũhũlya byahĩkĩre; Ĩsraelĩ baminye omwatsi oyũ, omũmĩnyererĩ nĩ mũkĩrũ, omundu wʼekĩrĩmũ oyũ nĩ mũsĩre, busana nʼobungi bwʼebibi byawe, na kusangwa obũyĩgũ ni bunene.

Mĩka 2:11

Omundu amakwama erĩhũnga nʼeribiha, amabiha ati, Nasyababwira busana nʼebĩnyũ nʼobũhĩre kutsibu; iye iniabya mbũyĩ oko bandu aba.

Mĩka 3:11

Abasondolĩ bako bakatswera busana nʼerihembwa, nʼabahererĩ bako bakakangĩrĩraya busana nʼobũhĩngĩ, nʼabamĩnyererĩ bako bakalagula busana nʼesyofranka. Nĩkwa bakayegemeraya oko Mwami Mukulu, bakabũga bati, Omwami Mukulu siali omo katĩkatĩ ketu kwehĩ? Erĩkwa siryendĩsyatũhĩkako.

Malakĩ 1:6

Omugala akasĩkaya tata wuwe, nʼomugombe akasĩkaya omukama wuwe. Neryo namabya indi tata, erĩsĩkĩbwa lyage liri hahi kwehĩ? Kandi namabya indi mukama, erinyikenga liri hahi kwe­hĩ? Omwami Mukulu Wʼemilondo akabũga nʼĩnywe bahererĩ abakapona erĩna lyage, Nenyũ muti, Tukapona erĩna lyawe umu kyahi kwehĩ?

Malakĩ 2:7

Kusangwa emĩnywa yʼomũhererĩ yangabika amenge, kandi abandu bangasonda-sonda erĩkangĩrĩrya omo buno buwe; kusangwa ni mukwenda wʼOmwami Mukulu Wʼemilondo.

Malakĩ 2:8

Omwami Mukulu Wʼemilondo ati, ĩnywe mwabirikita erĩlũa omo nzira; mwabĩrĩtwĩkalya abangi omwʼĩkangĩrĩrya; mwabĩrĩtsandya endagano ya Lawĩ.

Matayo 7:15

Mũyĩtegaye busana nʼabamĩnyererĩ bʼamabehĩ, abakabahĩkako ĩbayĩsosekenĩe ngʼesyombũlĩ, nĩkwa omwisi wʼemitima yabo ni mbwa syʼomolĩ esĩkalĩre kutsibu.

2 AbanyaKorinto 11:13

Abandu abo ni bakwenda bʼamabehĩ abakateba, bakayĩsosekanaya ngʼabakwenda ba Kristo.

1 Yoane 4:1

Abanze betu, sĩmwĩkĩrĩraye obuli kĩrĩmũ, nĩkwa mulenge oko bĩrĩmũ byʼabandu erĩrebya nga bĩkalũa uku Nyamuhanga; kusangwa abamĩnyererĩ bangi bʼamabehĩ babiriyitsatsanga omo kihugo.

Eribisurirwa 19:20

Nĩ­kwa enyama eyo moyahambwa, nʼomũmĩnyererĩ wʼamabehĩ haguma nayo, oyo wabya akakola ebitiko-tiko embere syʼenyama eyo. Omũmĩnyererĩ wʼamabehĩ oyo mwatebabo omo bitiko-tiko ebyo bahĩrawako omo lusako lwʼenyama eyo, nʼerĩramya esanamu yayo. Ababiri aba, nʼenyama eyo, nʼomũmĩnyererĩ wʼamabehĩ, mobaguswa ibaneho, omo ngetsi yʼomuliro eyikagulumira nʼekirimi.

Abatswerĩ 9:4

Kandi mobamuha ebĩtsĩpa makũmĩ alinda ebĩkalũa omo nyũmba ya Balĩ-berĩtĩ, mubyo Abĩmelekĩ mwayibanira abandu batya-batya nʼababi, abamukwama.

1 Samwelĩ 2:22

Nĩkwa Elĩ abya mũsyakulu kutsibu; neryo mowa ebyosĩ ebyo bagala buwe bakolera Abaĩsraelĩ bosĩ, kandi ngoko bagotsera nʼabakalĩ abakolĩ bʼoko lũkyo lwʼeHema yʼerĩhĩndanamo.