Zefania 3:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Mwatakenga omulenge nʼomuguma; mwatalĩga erĩkangĩrĩrya; mwatayiketera Omwami Mukulu; mwatayĩtũnda hakũhĩ na Nyamuhanga wuwe.

Zefania 3:2 Iomraidhean Croise

Nehemĩa 9:26

Nomo bine bitya mobatetakenga, mobahona ukʼuwe, mobagusa emigambo yawe yʼenyũma wʼemigongo yabo, mobĩta abamĩnyererĩ bawe abahanabo batoke erisuba ukʼuwe, kandi mobakola ebĩtsũmĩ binene.

Esyonyimbo 10:4

Omundu mubi omwʼiyiheka liwe aka bũga ati, Nyamuhanga siendĩsyanyĩtũhya! Amalengekanĩa gosĩ gʼomundu mubi ati, Sihali Nyamuhanga.

Esyonyimbo 50:17

Kusangwa sĩwanzĩre ngakukunga; Kandi ũkanyĩlolaya kwʼomugongo omugulu ngabũga.

Esyonyimbo 73:28

Nĩkwa ĩngye, ni kibuya eribya hakũhĩ na Nyamuhanga! Omo Mwami Mukulu Nyamuhanga, ngabana omũteya Inatoka erĩkanganĩa emĩbĩrĩ yiwe yosĩ!

Esyonyimbo 78:22

Kusangwa mobatabya nʼerĩmwĩkĩrĩrya, Kandi mobatĩkĩrĩrya kwʼakandĩsyalamyabo.

Emĩsyo 1:7

Eryubaha Omwami Mukulu nĩ nzũko yʼeriminya; Nĩkwa abakĩrũ bakapona amenge nʼerĩkangĩrĩrĩbwa.

Emĩsyo 5:12

Ĩwabũga uti, Ko napona erĩkangĩrĩrya lyo nyiti, Nʼomutima wage mwapona erikungwa;

Ĩsaya 1:5

Ko ni hahi mwasyaswasuyirwa, imukinahona kwehĩ? Omutwe gosĩ alwere, nʼomutima gosĩ akalembera.

Ĩsaya 29:13

Neryo Omukama mwabũga ati, Kusangwa abandu aba bakanyisimbirira, omo bĩnywa byabo kandi bakanyĩsĩkaya nʼemĩnywa yabo, nĩkwa babĩrĩsegerya emitima yabo yo hali kwĩngye, nʼerikenga lyabo busana nage ni mitsye yʼabandu eyo biga ngendo nyingi,

Ĩsaya 31:1

Obũlĩge ukwʼabo abakandagalira eMĩsĩrĩ erisonda-sondya erĩwatĩkĩbwa, abakayiketera esyosabayĩrĩ, abakayiketera esyogalĩ kusangwa ni nyingi, kandi abakayiketera abakagenda oko syosabayĩrĩ kusangwa ni bʼamaka kutsibu, nĩkwa sĩbehĩra ameso oko Yũbũyĩrĩre wa Ĩsraelĩ, kutse sĩbesonda-sondaya Omwami Mukulu!

Ĩsaya 43:22

Nĩkwa uwe Yakobo, Sulitanyilakira; nĩkwa uwe Ĩsraelĩ wabiriluha busana nage.

Ĩsaya 9:12

Abasũrĩa oko luhande lwʼendata, nʼAbafĩlĩstĩnĩ oko luhande lwʼeyĩkwa, nabo basyalya Ĩsraelĩ nʼobuno bũtandĩre. Busana nʼebĩ byosĩ erihitana liwe sĩryetalũaho, nĩkwa ebyala biwe bĩkĩnayĩsũmbĩre.

Yeremĩa 13:25

Oyũ ni mugereko wawe, erĩgabo eryo nakugabira, Omwami Mukulu atya; kusangwa wabirinyibirirwa, nʼeriyiketera amabehĩ.

Yeremĩa 2:30

Mongaswĩrĩraya bagala bawe bo busa. Mobatalĩga erikungwa. Omũyalĩ wenyũ abĩrĩĩta abamĩnyererĩ benyũ, ngʼendale eyĩkaheraya.

Yeremĩa 22:21

Monabũga nawe omugulu wʼerĩyĩtũndĩkanĩa lyawe, nĩkwa mowabũga uti, Sĩnangowa! Eyĩ ni mibere yawe erĩtsũka obũlwana bwawe, ĩsũlĩowa omulenge wage.

Yeremĩa 32:33

Kandi babĩrĩnyĩlolya kwʼemigongo yabo, butsira obũsũ bwabo. Nomo nanakangĩrĩrayabo, erĩkangĩrĩryabo kandi nʼakandi, nĩkwa mobatahulikirira nʼeriangirira erihanwa.

Yeremĩa 35:13

Omwami Mukulu wʼemilondo, Nyamuhanga wa Ĩsraelĩ ati, Ugende, Ubwire abandu bʼeYũda nʼesyondũlanĩ syʼeYerũsalema uti, Ko simwendisyangirira erĩkangĩrĩrya erĩowa ebĩnywa byage kwehĩ? Omwami Mukulu atya.

Yeremĩa 35:17

Busana nʼekyo, Omwami Mukulu, Nyamuhanga wʼemilondo, Nyamuhanga wʼeĨsraelĩ, ati, Lebaya, nasyaleta uku Yũda nʼoko syondũlanĩ syosĩ syʼeYerũsalema erĩkwa lyosĩ eryo nabĩrĩbũga busana nabo. Kandi kusangwa nabũga nabo, nĩkwa mobatowa. Nabirikirabo, nĩkwa sĩbetasũbĩrya.

Yeremĩa 5:3

Ameso wawe sĩalĩrebaya ekwenene kwehĩ? Wabĩrĩswĩryabo, nĩkwa mobatoloba. Mowahwerekereryabo, nĩkwa mobagana erikungwa. Babĩrĩkalya obũsũ bwabo bo po-po-po kwilaba erĩbwe; babirigana eribinduka nʼerireka ebibi.

Ezekĩelĩ 22:24

Omugala wʼomundu, ubwirekyo uti, Uli kihugo ekĩterĩre, kutse eriwa kwʼembũla oko kiro kyʼerihitana.

Ezekĩelĩ 24:13

Omo nye syawe muli obũsĩngĩrĩ. Kusangwa namakwerya nĩkwa sulitera, siwendĩsyaswerĩbwa kandi kwʼesyonye syawe, erĩhĩka aho asyabugira erikuhitanako.

Zefania 1:6

Kandi abasuba enyũma erireka erikwama Omwami Mukulu; kandi abatasonda-sonda Omwami Mukulu, kutse erĩmũbũlya.

2 Timoteo 3:16

Kusangwa Amasako gosĩ Nyamuhanga yo wategekanayago. Kandi ali nʼendũndĩ busana nʼerĩkangĩrĩrya omwatsi wʼekwenene, kandi busana nʼerikunga erihaba, kandi busana nʼerihabula, nʼerĩkangĩrĩrya abandu erikwama ekitunganene.

AbaEbrania 10:22

Tuyitwale hakũhĩ na Nyamuhanga, nʼomutima wʼekwenene, nʼerĩkĩrĩrya erĩtswayĩre ndeke, itunawite emitima yerĩre oko bunya-mutima bubi, nʼemibiri eyerĩre omo magetsi owene.