Zefania 3:19 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁹ Lebaya, oko mugulu oyo, nasyasoha nʼabosĩ abo abakakwagalaya; kandi nasyalamya oyũkatsokondaya, nʼerĩhĩndanĩa oyo wahigawa; nasyahindula esĩsonĩ syabo omwʼipipa nʼerĩkũmayirwa omo kihugo ekyo kyosĩ.

Zefania 3:19 Iomraidhean Croise

Ĩsaya 26:11

Uwe Mwami Mukulu ebyala byawe bĩyĩsũmbĩre, nĩkwa sibelangirabyo. Nĩkwa bakalangira omũhwa wawe busana nʼabandu, bakahemuka. Ega, omuliro asyabuga esyonzĩgũ syawe.

Ĩsaya 33:1

Obũlĩge kuwe, uwe ũkaheraya, nawe ĩsũlĩwaherĩbwa. Kandi oyũkateba, omugulu abandi batamuteba! Omugulu wamabibuga erĩherya, nawe wasyaherĩbwa. Nʼomugulu wamabibugirira eriteba, abandi basyakukolera amatebo.

Ĩsaya 60:14

Kandi abagala bʼabandu abakwagalaya, Basyakwasako bakakũnamira. Abosĩ abakupona basyayũnamya oko bisando byawe. Kandi basyakwahula mo mũyĩ wʼOmwami Mukulu, ESĩonĩ omũyĩ wʼOyũbũyĩrĩre wa Ĩsraelĩ.

Ĩsaya 60:18

Omwaga sĩendĩsyasyogũbwa omo kihugo kyawe Nʼerĩtogotya nʼerĩherya sĩbyendĩsyasyogũbwa omo mitano yawe, Nĩkwa wasyahula esyombĩmbo syawe mo mulamo, Kandi wasyahula esyongyo syawe mwʼipipa.

Ĩsaya 61:7

Omo mwanya wʼesĩsonĩ syenyũ mwasyabya nʼamagabo abiri, nʼomo mwanya wʼerihemulwa basyũta obogo bwʼeritsemera erĩgabo lyabo. Busana nʼekyo basyasĩgalya amagabo abiri omo kihugo kyabo. Obutseme bwʼerikota bwasyabya bwabo.

Ĩsaya 62:7

kandi simuleke akaluhuka erĩhĩka aho asyahangania nʼeriyira eYerũsalema eribya eripipwa omo kihugo.

Yeremĩa 30:16

Neryo abosĩ abakakulya basyalibwa nʼesyonzĩgũ syawe syosĩ, obuli muguma wa kubo asyaya omo bunyegwa. Nʼabakakunyega basyanyegwa, nʼabosĩ abakakũhũngako nasyahũngĩsyabo.

Yeremĩa 30:19

Nʼewasĩngya yasyahuluka kubo, nʼomulenge wʼabakatsanga, nage nasyakanyĩrĩryabo, kandi sibendisyakeha. Nasyasĩkyabo, nabo sibendisyabya bake-bake.

Yeremĩa 31:8

Lebaya, nasyaletabo erĩlũa omo kihugo kyʼelutambi lwʼendata, nʼerikuma-kumabo oko ndũlĩ syʼekihugo, kandi haguma nabo esyondĩma-tĩme, nʼebirema, nʼomukule, nʼomũkalĩ oyukakunda, haguma. Endeko nene yasyasuba eno.

Yeremĩa 33:9

EYerũsalema yasyabya busana nage omũyĩ wʼobutseme, nʼeripipa nʼolukengerwa, embere syʼebihanda byosĩ byʼekihugo, omugulu bakandĩsyowa ebibuya ngakolerabo, neryo bakandisyubaha nʼerititimana busana nʼebibuya byosĩ nʼobuholo bosĩ ngaletera omũyĩ.

Yeremĩa 46:28

Omwami Mukulu ati, Uwe Yakobo, omugombe wage, Sigubahe, kusangwa ĩngye indi haguma nawe. Kusangwa nasyabuga ebihanda byosĩ eyo nakubingira, nĩkwa sindiendĩsyakũherya. Nĩkwa nasyakukunga ndeke, isindiendisyakuleka nʼahake butakusuyira.

Ezekĩelĩ 16:27

Neryo ũlebaye, nabirisumba ebyala byage erilwa nawe, kandi nabĩrĩkehya akalyo kawe. Kandi nabirikuha okwʼisonda lyʼabakakũkwa obusu, abali bʼAbafĩlĩstĩnĩ, abakahemuka busana nʼemikolere yawe yʼoluteto.

Ezekĩelĩ 16:57

ebibi byawe bite byaswikulwa, lino wabiribya ekĩtsũmĩ kyʼabali ba Edomũ nʼekyʼabosĩ abamũtĩmbĩreko, ekyʼabali bʼAbafĩlĩstĩnĩ, abakũtĩmbĩreko abakakũkwa obusu.

Ezekĩelĩ 34:16

Nasyasondasondya esitere, nʼerĩsũbũlya esyapanzapanzawa, nʼerisenga esyabũnĩka, nʼerĩsĩkya esyabya silwere. Nĩkwa esĩnenehĩre nʼesyʼamaka nasyaheryasyo. Nasyalĩsyasyo omwʼitswera.

Ezekĩelĩ 39:13

Ega, abandu bosĩ bʼekihugo ekyo basyatabo. Neryo kyasyabya erihalambwa kubo oko kiro ekyo nasyayikenga, Omukama Iye Omwami Mukulu atya.

Ezekĩelĩ 39:26

Nabo basyibirirwa esĩsonĩ syabo nʼeriteba lyabo lyosĩ, eryo banyĩhalayako, omugulu bĩkere omo buholo omo kihugo kyabo, isihali oyo wasyũbahyabo.

Mĩka 7:10

Neryo enzĩgũ yage yasyasamalirakyo, nʼesĩsonĩ syasyaswika oyo wambwira ati, Omwami Mukulu, Nyamuhanga wawe, ali hahi kwehĩ? Ameso wage asyasamalira; nayo yasyalyatangirirwa ngʼolondo lwʼenzira.

Zefania 3:15

Omwami Mukulu abĩrĩlũsya esyombanza syawe, abirigusa esyonzĩgũ syawe syʼeyĩhya. Omwami wa Ĩsraelĩ, iye Omwami Mukulu, ali omo katĩkatĩ kawe; siwendisyasyubaha erĩkwa kandi.

Zekarĩa 8:23

Omwami Mukulu Wʼemilondo akabũga ati, Oko biro ebyo, abandu ĩkũmĩ abakalũa oko bihanda byʼobuli mũbũge, basyahamba oko mũsĩke wʼolukimba lwʼOmũyũda bati, Uleke tugende nawe, kusangwa twabĩrĩowa ko Nyamuhanga ali haguma nawe.

Eryibuka Ebihano 26:19

kandi ati asyabahĩra endata oko bihanda byosĩ ebyo abirihangika, busana nʼeripipa nʼerĩkũmayira, nʼomwʼĩsĩkya; imwatoka eribya ekihanda kĩbũyĩrĩre oko Mwami Mukulu Nyamuhanga wawe, ngoko abĩrĩbũga.

AbaEbrania 12:13

Mubye mukakwama enzira eyitunganene, ekirema sĩkĩkwe, nĩkwa kĩlamĩbawe.

Eribisurirwa 20:9

Mobayisanza omo kihugo, nʼerĩtĩmba oko kilaliriro kyʼabandu ba Nyamuhanga, nʼomũyĩ owanzĩrwe. Nĩkwa omuliro mwandagala akalũa elubula nʼerĩtogotyabo.

Abatswerĩ 1:7

Na Adonĩ-bezekĩ mwabũga ati, Abami makũmĩ alinda abatũbawa kwʼebikumo nʼamano wabo wʼobulume, mobasongya akalyo kabo omwisi wʼemesa yage. Ngoko nakola, Nyamuhanga abĩrĩnyĩtũhũlĩryako. Neryo mobamuleta eYerũsalema, mwaholerayo.