Zefania 3:15 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁵ Omwami Mukulu abĩrĩlũsya esyombanza syawe, abirigusa esyonzĩgũ syawe syʼeyĩhya. Omwami wa Ĩsraelĩ, iye Omwami Mukulu, ali omo katĩkatĩ kawe; siwendisyasyubaha erĩkwa kandi.

Zefania 3:15 Iomraidhean Croise

Enzũko 30:23

Naye mwaheka obukule, mwabuta mugala, mwabũga ati, Nyamuhanga abĩrĩnyĩlũsya okwʼihemuka lyage.

Esyonyimbo 149:2

Uwe Ĩsraelĩ, utseme, busana nʼmũhangĩkĩ wawe; Ĩnywe bandu bʼeSĩonĩ, mutseme, busana nʼomwami wenyũ!

Esyonyimbo 19:9

Eriubaha Omwami Mukulu ni ribuya, likakota. Ebĩnywa byʼeritswera lyʼOmwami Mukulu ni byʼekwenene, Kandi bitunganene kutsibu.

Esyonyimbo 85:3

Wabĩrĩũmbya erihitana kubo, Kandi Wabirireka erikarama lyawe.

Ĩsaya 12:6

Umoleke omulenge ũbũgaye olukuko, Uwe ndũlanĩ yʼeSĩonĩ, kusangwa Oyũbũyĩrĩre wʼeĨsraelĩ ni mukulu omo katĩkatĩ kenyũ.

Ĩsaya 25:8

Asyaherya oluholo busana na kera na kera. Omukama Omwami Mukulu asyasangula emĩsonĩa yosĩ oko mũsũ gosĩ, kandi asyalũsya erihemuka lyʼabandu buwe omo kihugo kyosĩ. Kusangwa Omwami Mukulu abĩrĩbũgakyo.

Ĩsaya 33:22

Kusangwa Omwami Mukulu nĩ mũtswerĩ wetu, Omwami Mukulu yukatuha emigambo yetu, Omwami Mukulu ni mwami wetu. Asyatũlamya.

Ĩsaya 35:10

Abatongolĩbawa bʼOmwami Mukulu basyasubula, nʼerihĩka eSĩonĩ ĩbakũta obogo bʼobutseme, nʼobutseme bwa kera na kera bwasyabya oko mitwe yabo. Basyabana eritsangamuka nʼeritsema, nʼobũlĩge nʼerihumulikana byasyatibita.

Ĩsaya 51:22

Omukama wawe atya, Omwami Mukulu, na Nyamuhanga wawe, oyukimanira omwatsi wʼabandu buwe ati, Lebaya, nabĩrĩlũsya omo byala byawe olũtehĩ lwʼerĩtwĩkangalya, ekyo kye kibindi kyʼolũtehĩ lwʼerihitana lyage, sĩwendĩsyaswapũlyalo kandi.

Ĩsaya 52:9

Mũtũlego mũte obogo nʼobutseme haguma, Ĩnywe myanya yʼemilala yʼeYerũsalema; Kusangwa Omwami Mukulu abĩrĩkĩranĩa abandu buwe, Abĩrĩtongolya eYerũsalema.

Ĩsaya 54:14

Wasyahanganĩbwa omo litunganene. Wasyabya hali okwʼĩnũbĩbwa, kusangwa siwendisyubaha. Wasyabya hali okwʼĩũbahya, sĩryendĩsyahĩka hakũhĩ nawe.

Ĩsaya 60:18

Omwaga sĩendĩsyasyogũbwa omo kihugo kyawe Nʼerĩtogotya nʼerĩherya sĩbyendĩsyasyogũbwa omo mitano yawe, Nĩkwa wasyahula esyombĩmbo syawe mo mulamo, Kandi wasyahula esyongyo syawe mwʼipipa.

Ĩsaya 65:19

Kandi nasyatsemera eYerũsalema, nʼerĩyĩsyandirira omo bandu bage, neryo sĩhendĩsyasyowĩbwa omulenge wʼekiriro nʼomulenge wʼerĩsũsũmanĩa.

Yeremĩa 8:19

Lebaya, omulenge wʼekiriro kya mwali wʼabandu bage akalũa omo kihugo kyʼehali kutsibu: Omwami Mukulu siali eSĩonĩ kwehĩ? Omwami wuwe siali mugo kwehĩ? Busana nakĩ babĩrĩnyĩhĩtanĩa omo syosanamu syabo esĩhesĩre, nʼomo syosanamu syʼehandi kwehĩ?

Ezekĩelĩ 35:10

Kusangwa wabĩrĩbũga uti, Ebihanda bibiri ebĩ, nʼebihugo bibiri ebĩ byasyabya byage, netu twasyasĩgalyabyo, nomo Mwami Mukulu abyaho.

Ezekĩelĩ 36:15

Kutse sindiendisyaswaleka iwahulikirira ebĩtsũmĩ byʼebihanda, kutse siwendisyaswaheka esĩsonĩ syʼabandu, kutse siwendisyaswatwĩkalya ekihanda kyawe, Omukama Iye Omwami Mukulu atya.

Ezekĩelĩ 39:29

Kandi sĩndĩendĩsyaswabĩsa obũsũ bwage bo kubo, kusangwa nasyũtũlĩra Omũlĩmũ wage oko kihanda kya Ĩsraelĩ Omukama Iye Omwami Mukulu atya.

Ezekĩelĩ 48:35

Erĩtĩmba oko mũyĩ hasyabya metere 9,000; nʼerĩna lyʼomũyĩ oyo erĩtsũka ekiro ekyo lyasyabya: Omwami Mukulu ali aho.

Yoelĩ 3:17

Litya mwasyaminya ko ndi Mwami Mukulu Nyamuhanga wenyũ, erĩĩkala eSĩonĩ ekitwa kyage kĩbũyĩrĩre; oko mugulu oyo, eYerũsalema yasyabya nyĩbũyĩrĩre, kandi sihendisyabya owʼehandi oyukalaba mugo kandi.

Amosĩ 9:15

Nage nasyahandabo oko kitaka kyabo, isibendisyaswakulwa omo kihugo kyabo ekyo nabirihabo, Omwami Mukulu, Nyamuhanga wawe atya.

Mĩka 7:10

Neryo enzĩgũ yage yasyasamalirakyo, nʼesĩsonĩ syasyaswika oyo wambwira ati, Omwami Mukulu, Nyamuhanga wawe, ali hahi kwehĩ? Ameso wage asyasamalira; nayo yasyalyatangirirwa ngʼolondo lwʼenzira.

Habakũkĩ 2:17

Kusangwa omwaga akolawa busana nʼeLebanonĩ asyakwĩta, nʼerĩherĩbwa lyʼesyonyama eryũbahayasyo, busana nʼomusasi wʼabandu, na busana nʼomwaga akolawa busana nʼekihugo, na busana nʼomũyĩ, na busana nʼabosĩ abĩkere mugo.

Habakũkĩ 2:8

Kusangwa wabĩrĩhũnga ebihanda binene, nʼabasĩgalira bosĩ bʼebihanda basyakunyega, busana nʼomusasi wʼabandu, na busana nʼobutsatsuhe obo wakola oko kihugo, nʼoko mũyĩ, nʼoko bosĩ bĩkere mugo.

Zefania 3:17

Omwami Mukulu Nyamuhanga wawe ali omo katĩkatĩ kawe, omũlwĩ Oyũkakinda. Asyakutsemera nʼobutseme; asyabasũbya mo bahya-bahya omo lwanzo luwe; asyakutsemera nʼeriimba.

Zefania 3:5

Omwami Mukulu omo katĩkatĩ kago ni mutunganene; siendisyakola ekite kyʼerĩbanza lyʼekwenene; obuli ngyakya akaleta erĩbanza litunganene liwe oko kyakakala, sialiusa; nĩkwa oyute wʼerĩbanza litunganene sĩasĩ esĩsonĩ.

Zekarĩa 12:3

Neryo kyasyabererera oko kiro ekyo nasyayira eYerũsalema mo lĩbwe rĩrĩtohĩre busana nʼebihanda byosĩ; abosĩ abakalĩtoherayo basyahũtalĩbwa kutsibu; nʼebihanda byosĩ byʼekihugo byasyahĩndanĩbwa erilwa nayo.

Zekarĩa 14:11

Nʼabandu basyĩkalamo, kandi Sihendisyaswabya eritakira; kusangwa eYerũsalema yasyĩkala buholo.

Zekarĩa 9:9

Utseme kutsibu uwe mwali wʼeSĩonĩ! Uwe mwali wʼeYerũsalema, wũte obogo! Lebaya, omwami wawe akasa ukʼuwe; atunganene, kandi awite erĩlamya, abĩrĩyĩkehya, kandi ĩkere oko punda, ega, oko kyana kyʼepunda.

Yoane 1:49

Natanaelĩ mwamũsũbĩrya ati, Mũkangĩrĩrya, uli Mugala wa Nyamuhanga! Uli Mwami wa Ĩsraelĩ!

Yoane 12:15

Uwe Mwali wʼeSĩonĩ, Sigubahe! Lebaya, omwami wawe akasa, Ĩnĩanĩkere oko kyana kyʼepunda.

Yoane 19:19

Neryo Pilato mwasaka ekĩmĩnyĩsyo, neryo mwahĩrakyo oko musalaba. Kyabya kĩsakĩre kiti, YESU Mũnazaretĩ, omwami wʼAbayũda.

Yoane 5:30

Sinditoka erikola kindu omwʼiyihana lyage; ngatswera ngoko Nyamuhanga akambwira, nʼeritswera lyage ritunganene; kusangwa sindisonda erikola ebyo nyanzĩre, nĩkwa erianza lyʼoyo wanyituma.

Eribisurirwa 12:10

Neryo monowa omulenge munene omo lubula ati, Lino erilama lya Nyamuhanga wetu lyabĩrĩhĩka! Lino obũtokĩ, nʼobwami bwa Nyamuhanga wetu, nʼehamũlĩ ya Kristo wuwe byabĩrĩhĩka! Kusangwa omũtsongerĩ wʼabalĩkyetu abiriguswa ahisi, Oyukahandikirira abalĩkyetu embere sya Nyamuhanga omo musibo nʼomo kiro.

Eribisurirwa 18:20

Uwe lubula, utsemerego! Nʼinywe bandu ba Nyamuhanga, nʼabakwenda, nʼabamĩnyererĩ, mutsemerego! Kusangwa Nyamuhanga abiritswerago busana nenyũ.

Eribisurirwa 19:16

Oko kanzu yiwe nʼoko kihinga kiwe habya hasakĩre erĩna liti, Omwami wʼabami, nʼOmukama wʼAbakama.

Eribisurirwa 7:15

Busana nʼekyo bakahangana embere syʼekĩtũmbĩ kyʼobwami kya Nyamuhanga, kandi bakamukolera omo musibo nʼomo kiro omo Hekalũ yiwe. Nʼoyo wĩkere oko kĩtũmbĩ kyʼobwami asyĩkala omo katĩkatĩ kabo.