Zefania 3:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Neryo abasĩgalira ba Ĩsraelĩ sibendisyakola ebibi, kutse erĩbũga amabehĩ; kutse omo muno wabo simwendisyabanika olulimi lwʼeriteba; kusangwa basyalya nʼerigotsera, isihali oyo wasyatĩtĩmanĩabo.

Zefania 3:13 Iomraidhean Croise

2 Emyatsi yʼEmigulu 20:30

Neryo obwami bwa Yosafatĩ mobwatũlera; kusangwa Nyamuhanga wuwe mwamuha erĩtũlera oko mbande syosĩ.

Yobũ 11:19

Nibya wasyagotsera ahisi, isihali oyo wasyakũbahya; Ega, abangi basyasondya obwĩra bwawe.

Esyonyimbo 119:3

Kwenene sibekola nabi; Bakalendera omo nzira syʼOmwami Mukulu.

Esyonyimbo 120:2

Uwe Mwami Mukulu, ũnyĩlamaye. Oko babehĩ nʼabatebya!

Esyonyimbo 120:3

Ĩnywe babehĩ, Nyamuhanga asyabakolakĩ kwehĩ? Asyabasuyira ati kwehĩ?

Esyonyimbo 23:2

Akaleka inaluhuka omo lũlĩsĩryo lwʼebiti bibisi, Akanyisondola ahali amagetsi awatekĩre.

Ĩsaya 17:2

Emĩyĩ yʼeAroerĩ yamasĩganĩbwa; yasyabya busana nʼebihangulo erisyabundamamo, kandi sihali oyo wasyũbahyasyo.

Ĩsaya 35:8

Enzira nene yasyabyayo, nʼembalu, nayo yasyahulwa mo mbalu yʼerĩbũyĩrĩre; abatsandĩre sibendisyalaba muyo. Nĩkwa yasyabya busana nʼabandu abakalabaho. Abandu bakĩrũ sibendisyagalaganda muyo.

Ĩsaya 54:14

Wasyahanganĩbwa omo litunganene. Wasyabya hali okwʼĩnũbĩbwa, kusangwa siwendisyubaha. Wasyabya hali okwʼĩũbahya, sĩryendĩsyahĩka hakũhĩ nawe.

Ĩsaya 6:13

Nĩkwa hasyabya erĩgabo liguma lyʼokwʼĩkũmĩ mukyo, nalyo lyasyabya ekyangahĩsĩbwa, ngʼomuti wʼeterebĩntĩ, nʼomuti wʼomũalonĩ nʼendĩna yago ĩkasĩgala omugulu akakondawa embuto ĩbũyĩrĩre nĩ ndĩna yago.

Ĩsaya 60:21

Neryo abandu bawe basyabya batunganene abosĩ. Basyasĩgalya ekihugo kera na kera. Omutahi ogo nahera, omũbĩrĩ wʼebyala byage, Inatoka erikengwa.

Ĩsaya 63:8

Kusangwa abĩrĩbũga ati, Kwenene, ibo bo bandu bage, abagala abatekola omwʼibiha. Naye mwabya Mũlamya wabo atya.

Ĩsaya 65:10

NʼeSaronĩ yasyabya olũlĩsĩryo busana nʼebĩhyo byʼesyombũlĩ, nʼomusya wʼeAkorĩ ahʼeribundama busana nʼebihangulo, busana nʼabandu bage abakanyisonda-sonda.

Yeremĩa 23:4

Omwami Mukulu ati, Nasyahĩra kusyo kwʼabalĩsya, abakandĩsyalĩsyasyo. Nasyo sisiendisyubaha kandi, kutse erĩkwa engitsi, isisyendisyabulako nʼenguma.

Yeremĩa 30:10

Neryo Omwami Mukulu ati, Uwe Yakobo, mugombe wage, Sigubahe. Kutse uwe Ĩsraelĩ, subye nʼengitsi. Kusangwa lebaya, nasyakũlamya inyikine hali, nʼabana bawe omo kihugo kyʼobunyegwa bwabo. Na Yakobo asyasubula, nʼeribya nʼobuholo nʼeriluhuka, isihali omundu wasyamũbahya.

Yeremĩa 31:33

Omwami Mukulu ati, Nĩkwa endagane yeyĩ, eyo nasyayira nʼekĩtũnga kya Ĩsraelĩ enyũma wʼebiro ebyo. Nasyahĩra omugambo wage omwisi syabo, nʼomo mutima wabo nasyasakago. Nage nasyabya Nyamuhanga wabo, nabo basyabya bandu bage.

Ezekĩelĩ 39:26

Nabo basyibirirwa esĩsonĩ syabo nʼeriteba lyabo lyosĩ, eryo banyĩhalayako, omugulu bĩkere omo buholo omo kihugo kyabo, isihali oyo wasyũbahyabo.

Yoelĩ 3:17

Litya mwasyaminya ko ndi Mwami Mukulu Nyamuhanga wenyũ, erĩĩkala eSĩonĩ ekitwa kyage kĩbũyĩrĩre; oko mugulu oyo, eYerũsalema yasyabya nyĩbũyĩrĩre, kandi sihendisyabya owʼehandi oyukalaba mugo kandi.

Yoelĩ 3:21

Nage nasyakĩsya omusasi wabo, ngoko ndakĩsaya; kusangwa Omwami Mukulu ĩkere eSĩonĩ.

Abalawĩ 26:6

Nage nasyabaha Obuholo omo kihugo, nenyũ mwasyalambama erigotsera, isihali oyo wasyabatĩtĩmanĩa. Kandi nasyaleka esyonyama nyibi ĩsyũmbya omo kihugo, kutse omũyalĩ siendisyalaba omo kihugo kyenyũ.

Mĩka 4:4

Nĩkwa obuli mundu asyĩkala oko ndĩna yʼomũlĩkĩ wuwe wʼebĩnyũ nʼomo ndĩna yʼomũtĩnĩ wuwe; kandi sihali oyo wasyũbahyabo; kusangwa obuno bʼOmwami Mukulu Wʼemilondo bwabĩrĩbũgakyo.

Mĩka 4:7

Nasyayira oyũkatsokondaya eribya basĩgalira, nʼoyo wahigawa eribya ekihanda kyʼamaka; nʼOmwami Mukulu asyatabalirabo oko kitwa kyʼeSĩonĩ erĩtsũka lino erĩhĩka kera na kera.

Mĩka 7:14

Ũlĩsaye abandu bawe omo mũtso wawe wʼobwami, ekihangulo kyʼomwandu wawe, abĩkere aho wabo omo mũsĩtũ, omo katĩkatĩ kʼeririma lĩbogĩre, balye eBasanĩ nʼeGĩleadĩ, ngʼomo biro bya kera.

Zefania 2:7

Nʼomũsĩke wʼengetsi asyabya busana nʼabasĩgala oko kĩtũnga kya Yũda; basyalĩsĩrya kugo ebihangulo byabo. Basyagotsera omwʼĩgolo-golo omo manyũmba wʼeAskelonĩ; kusangwa Omwami Mukulu, Nyamuhanga wabo asyalemberabo, nʼerĩsũbyabo buholo.

Zefania 3:5

Omwami Mukulu omo katĩkatĩ kago ni mutunganene; siendisyakola ekite kyʼerĩbanza lyʼekwenene; obuli ngyakya akaleta erĩbanza litunganene liwe oko kyakakala, sialiusa; nĩkwa oyute wʼerĩbanza litunganene sĩasĩ esĩsonĩ.

Zekarĩa 8:12

Kusangwa hasyabya obuholo busana nʼembuto, omũlĩkĩ wʼebĩnyũ asyahetya ebĩgũma byago, nʼekitaka kyasyalasya akalyo kakyo, nʼekyanya kyasyawĩsya ekimi kyakyo; nage nasyaleka abasĩgalira bʼabandu aba erirya omwandu wʼemyatsi eyĩ yosĩ.

Zekarĩa 8:16

Emyatsi yeyĩ, mutolere erikolayo: obuli mundu abũge ebyʼekwenene uku mũlĩkyabo; mutswere omo kwenene nʼeritswera busana nʼobuholo omo syongyo syenyũ.

Zekarĩa 8:3

Omwami Mukulu akabũga ati, Nasyasuba eSĩonĩ, nasyĩkala omo katĩkatĩ kʼeYerũsalema. Neryo eYerũsalema yasyahulwa mo Mũyĩ Wʼekwenene; nʼekitwa kyʼOmwami Mukulu Wʼemilondo kyasyahulwa mo Kitwa Kĩbũyĩrĩre.

Matayo 13:41

Omugala wʼomundu asyatuma abamalaĩka buwe, basyakuma-kuma nʼerĩlũsya ebyosĩ ebikaleka abandu ibakola ebibi, nʼabakola-nabi bosĩ omo Bwami buwe,

Yoane 1:47

Yesu mwalangira Natanaeli akasa ukwʼiye, neryo mwabũga busana naye ati, Lebaya, Omũĩsraelĩ kwenene, oyute mo matebo!

AbanyaKolosai 3:9

Muleke eribihirana, kusangwa mwabirigabana nʼomundu wa kera nʼemĩbĩrĩ yiwe.

1 Petero 3:14

Kandi nomo mwangagalwa busana nʼerikola ekitunganene, muli bandu bʼobutseme. Simubahe erĩũbahya lyabo, kandi sĩmũhahũkaye emitima.

1 Yoane 5:18

Tũnasĩ omundu oyo Nyamuhanga akabuta, sialikwamirira ebibi. Kusangwa Omugala wa Nyamuhanga akamũtegaya ndeke, nʼomubi Oyũ sĩalimũtũlako.

Eribisurirwa 14:5

Aba sibebiha, sibali mo kahinira.

Eribisurirwa 21:27

Kandi sihali ekĩtĩsĩrĩre, kutse omundu oyukakola esyonye, kutse oyukabiha. Nĩkwa ba nʼabandu amena wabo awasakĩre omo kitabu kyʼengebe kyʼEkyana kyʼEmbũlĩ, basyingira omo mũyĩ oyo.

Eribisurirwa 21:8

Nĩkwa abuba, nʼabatĩkĩrĩrye, nʼabʼesyonye, nʼabĩtĩ, nʼabasĩngĩrĩ, nʼabakũmũ, nʼabakasaba esyosanamu, nʼababehĩ, omwanya wabo asyabya omo ngetsi eyikaka nʼomuliro nʼekirimi, olo lo luholo lwʼakabiri.