Zefania 3:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Nĩkwa nasyasĩga omo katĩkatĩ kenyũ abandu abakayĩkehaya nʼabandu bolo, kandi basyabana ahʼerisagira omo lĩna lyʼOmwami Mukulu.

Zefania 3:12 Iomraidhean Croise

Ezera 9:8

Neryo lino busana nʼakatambĩ kake Omwami Mukulu Nyamuhanga wetu abĩrĩkangya olukogo erĩtũsĩgĩra abasĩgala nʼeribala, nʼerituha ekibute aho wuwe ahabũyĩrĩre, Nyamuhanga wetu atoke erĩkolerya ameso wetu, nʼerĩtũsũbya hake omo bukobe bwetu.

Esyonyimbo 37:40

Omwami Mukulu akawatĩkayabo nʼerĩlamyabo, Akalamayabo oko bandu babi, nʼerĩtongolyabo, Kusangwa babirimusayirako.

Ĩsaya 14:30

Nʼakambere kʼabera kasyalya, abandu abo abatawite erĩwatĩkĩbwa basyalya, nʼabandu bʼobwaga basyagotsera buholo. Nage nasyĩta omũlĩhĩ wawe nʼenzala, nʼenzala yasyĩta abandu bawe abakabala.

Ĩsaya 14:32

Neryo omundu asyasũbĩrya abakwenda bʼekihanda bo ati kwehĩ? Ngoko Mwami Mukulu abirihanda eSĩonĩ, bʼabandu buwe abagalawa basyasagirayo.

Ĩsaya 29:19

Nʼabandu bʼobũlĩge basyakanyĩrĩrya obutseme bwabo omo Mwami Mukulu, nʼabandu bʼobwaga basyatsema ũmwʼOyũbũyĩrĩre wa Ĩsraelĩ.

Ĩsaya 50:10

Nindi omo katĩkatĩ kenyũ oyukubaha Omwami Mukulu, oyũkowa omulenge wʼomugombe wuwe kwehĩ? Oyukagenda omo mwĩrĩmya, isiawite ekyakakala kwehĩ? Ayiketere erĩna lyʼOmwami Mukulu, ayisinge Nyamuhanga wuwe.

Ĩsaya 6:13

Nĩkwa hasyabya erĩgabo liguma lyʼokwʼĩkũmĩ mukyo, nalyo lyasyabya ekyangahĩsĩbwa, ngʼomuti wʼeterebĩntĩ, nʼomuti wʼomũalonĩ nʼendĩna yago ĩkasĩgala omugulu akakondawa embuto ĩbũyĩrĩre nĩ ndĩna yago.

Yeremĩa 17:7

Obutseme buli oko mundu oyukayiketera Omwami Mukulu, kandi Omwami Mukulu ni ʼyiketera liwe.

Yeremĩa 50:20

Oko biro ebyo, nʼoko mugulu oyo, Omwami Mukulu ati, ekibi kyʼeĨsraelĩ kyasyasondĩbwa, isikiri, nʼebibi bya Yũda, sibyendisyabanika. Kusangwa nasyabuyira abo nasyasĩga mo bĩsĩgalira.

Ezekĩelĩ 6:8

Nĩkwa, nasyasĩga ekihande kyabo, kusangwa mwasyabya nʼabandi bandu ababala omũyalĩ omo katĩkatĩ kʼebihanda, omugulu mukasyapanzirawa omo bihugo.

Mĩka 5:6

Nabo basyaherya ekihugo kyʼeAsũrĩa omo mũyalĩ, nʼekihugo kya Nĩmũrodĩ omo bwingiriro bwakyo. Omwami Mukulu asyatũlamya oko Mũasũrĩa, omugulu akalwa nʼekihugo kyetu, nʼomugulu akalyatanga emitano yetu.

Nahũmũ 1:7

Omwami Mukulu ni mubuya, ni hakongotere omo kiro kyʼomwaga; kandi anasĩ abakamusagirako.

Zekarĩa 11:11

Nayo moyatwĩka ekiro ekyo; neryo litya emĩbondũ yʼesyombũlĩ eyanyowa moyaminya ko kyabya kĩnywa kyʼOmwami Mukulu.

Zekarĩa 11:7

Neryo monalĩsya ekĩhyo ekyasyakerwa, nasyo syabya mĩbondũ yʼesyombũlĩ. Nage monayihambira emiti ĩbĩrĩ; omuguma monahulago mo Bubuya, nʼogundi monahulago mo Bĩbohĩ; litya monalĩsya ekĩhyo.

Matayo 11:5

Esyondĩmatĩme sirimulangira, nʼebirema birimugenda, abahaga bakalamĩbawa nʼabatsiha balĩmowa, nʼabaholĩ banemũlũbũkĩbwa, nʼEngulu Yowene ĩrĩmũtũlaganĩbwa oko bera.

Matayo 12:21

Nʼomo lĩna liwe Ebihanda byasyabana amaha.

Matayo 5:3

Obutseme buli oko basĩ ko bali nʼobwaga bwa Nyamuhanga, Kusangwa Obwami bwʼelubula ni bwabo!

AbanyaRoma 15:12

Nʼakandi Ĩsaya akabũga ati, Omwana wa Yese asyasa, Iye asyahanganĩbwa eritabala oko Bihanda. Nʼebihanda basyamũhĩra kwʼamaha wabo.

Yakobo 2:5

Abalĩkyetu banze, muhulikirire ndeke! Nyamuhanga mwayisoga abera bʼekihugo eribya ngʼabandu bʼebindu omwʼĩkĩrĩrya, abasyabana Obwami obo Nyamuhanga abirilaga oko bakamwanza.

1 Petero 1:21

Neryo busana na Kristo mwabĩrĩkĩrĩrya Nyamuhanga oyo wamũlũbũkaya oko baholĩ nʼerimuha olukengerwa. Neryo erĩkĩrĩrya lyenyũ nʼamaha wenyũ ibyabya uku Nyamuhanga.