Zefania 3:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Oko kiro ekyo simwendisyahemulwa busana nʼemĩbĩrĩ yenyũ yosĩ, eyo mwanyihonako; kusangwa oko mugulu oyo nasyalũsya omo katĩkatĩ kenyũ abakayipipa nʼerĩyĩtsemesya benyũ, kandi siwendisyaswayĩhamya oko kitwa kyage kĩbũyĩrĩre.

Zefania 3:11 Iomraidhean Croise

Esyonyimbo 131:1

Uwe Mwami Mukulu, nabirireka eriyiheka lyage, Nʼerĩbũnũkala okwʼiyihagata lyage. Sĩndĩyĩhĩra oko myatsi ĩkalĩre, Kutse omo myatsi eyikandema.

Esyonyimbo 49:5

Busana nakĩ nangubaha oko mugulu wʼobwĩko kwehĩ? Busana nakĩ nangubaha omugulu esyonzĩgũ sĩkanyĩtĩmbako kwehĩ?

Esyonyimbo 59:12

Ebibi biri omo mĩnywa yabo, ebĩnywa byabo ni bibi; Bahambawe omwʼiyiheka lyabo! Bahambawe kusangwa bakatakira nʼeribiha.

Ĩsaya 11:9

Sibyendĩsyagalya kutse erĩherya omo kitwa kyage kĩbũyĩrĩre kyosĩ, kusangwa ekihugo kyasyũsũla nʼeriminya lyʼOmwami Mukulu, ngoko amagetsi akabwaga omo ngetsi.

Ĩsaya 2:12

Kusangwa Omwami Mukulu wʼemilondo asyayira ekiro kyʼolubanza busana nʼabosĩ abakayikebera nʼeriyiheka, na busana nʼabandu bosĩ abakayĩhamaya, ibatoka erĩkehĩbwa.

Ĩsaya 45:17

Ĩsraelĩ abĩrĩlamĩbwa nʼOmwami Mukulu nʼerilama lya kera na kera. Ĩnywe simwendisyahemulwa kutse erĩsĩngwa na kera na kera.

Ĩsaya 5:15

Omundu molo asyahemuka, nʼomundu mukulu asyakehĩbwa, nʼameso wʼoyukayiheka asyakehĩbwa.

Ĩsaya 54:4

Sigubahe kusangwa sĩwendĩsyakwa esĩsonĩ. Kutse susweke, kusangwa siwendisyahemuka. Nĩkwa wasyibirirwa esĩsonĩ syʼobwana-buto bwawe, kandi siwendisyaswibuka eritsumwa lyʼobũkwakalĩ bwawe.

Ĩsaya 56:7

Nasyaletabo oko kitwa kyage kĩbũyĩrĩre nʼerĩtsemesyabo omo nyũmba yage yʼerisaba. Amahere wabo wʼerĩokererya nʼesyohongo syabo syasyalĩgwa oko kiherero kyage, kusangwa enyũmba yage yasyahulwa mo nyũmba yʼerisabiramo busana nʼebihanda byosĩ.

Ĩsaya 61:7

Omo mwanya wʼesĩsonĩ syenyũ mwasyabya nʼamagabo abiri, nʼomo mwanya wʼerihemulwa basyũta obogo bwʼeritsemera erĩgabo lyabo. Busana nʼekyo basyasĩgalya amagabo abiri omo kihugo kyabo. Obutseme bwʼerikota bwasyabya bwabo.

Yeremĩa 13:9

Omwami Mukulu akabũga ati, Litya nasyatsandya eriyitendera lya Yũda, nʼeriyitendera lyʼeYerũsalema.

Yeremĩa 7:4

Simuyiketere ebĩnywa byʼeriteba muti, Eyĩ nĩ Hekalũ yʼOmwami Mukulu, eHekalũ yʼOmwami Mukulu, eHekalũ yʼOmwami Mukulu.

Ezekĩelĩ 20:40

Kusangwa Omukama Iye Omwami Mukulu ati, Omo kitwa kyage kĩbũyĩrĩre, nʼomo kitwa kyʼendata kya Ĩsraelĩ, aho ekihanda kyosĩ kya Ĩsraelĩ, abosĩ ba kubo, basyanyikolera omo kihugo. Nʼeyo nasyalĩgabo; nʼeyo nasyasonda erĩhĩtya lyenyũ, nʼesyonzũnzo syenyũ syʼeriyisogwa, haguma nʼebindu byosĩ byenyũ bĩbũyĩrĩre.

Ezekĩelĩ 24:21

Ubwire ekihanda kya Ĩsraelĩ, uti, Omukama Iye Omwami Mukulu ati, Lebaya, nasyatsandya ahabũyĩrĩre hage, eripipa lyʼamaka wenyũ, erisonda lyʼameso wenyũ, nʼeritsema lyʼomutima wenyũ. Abagala benyũ nʼabali benyũ abo mwasĩga enyũma basyawa omo mũyalĩ.

Danĩelĩ 9:16

Uwe Mukama, ngʼemĩbĩrĩ yawe yosĩ itunganene, uleke erihitana lyawe nʼerikarama lyawe bĩlũe oko mũyĩ wawe eYerũsalema, ekitwa kyawe kĩbũyĩrĩre; kusangwa busana nʼebibi byetu, nʼebibi byʼabotata wetu, eYerũsalema nʼabandu bawe babiribya kĩtsũmĩ oko bandu bosĩ abatũtĩmbĩreko.

Danĩelĩ 9:20

Neryo omugulu nabya ngabũga, nʼerisaba, nʼerĩkangya ebibi byage nʼebibi byʼabandu bage Ĩsraelĩ, nʼerireta emilake yage embere syʼOmwami Mukulu Nyamuhanga wage busana nʼekitwa kĩbũyĩrĩre kya Nyamuhanga wage.

Mĩka 3:11

Abasondolĩ bako bakatswera busana nʼerihembwa, nʼabahererĩ bako bakakangĩrĩraya busana nʼobũhĩngĩ, nʼabamĩnyererĩ bako bakalagula busana nʼesyofranka. Nĩkwa bakayegemeraya oko Mwami Mukulu, bakabũga bati, Omwami Mukulu siali omo katĩkatĩ ketu kwehĩ? Erĩkwa siryendĩsyatũhĩkako.

Emiganzo 16:3

mobayĩhĩndanĩa haguma eripona Musa, nʼeripona Harũnĩ, nʼeribwirabo bati, mukayibagala kutsibu, ĩmũnasĩ kwʼendeko yosĩ ĩbũyĩrĩre, nʼobuli muguma wa kubo, kandi Omwami Mukulu ali omo katĩkatĩ kabo; busana nakĩ mũkayĩhamaya endata oko ndeko yʼOmwami Mukulu kwehĩ?

Matayo 3:9

Sĩmũganĩraye mukayibwira muti, Abrahamũ ni tata wetu. Ngababwira nyiti, Nyamuhanga angatoka erĩhanganĩa amabwe aya mo bana busana na Abrahamũ.

AbanyaRoma 2:17

Nawe, wamayahula mo Mũyũda, ukayiketera Emigambo, kandi ukayihalamba umu Nyamuhanga.

AbanyaRoma 9:33

Ngoko kĩsakĩre kiti, Lebaya, ngahĩra eSĩonĩ yʼerĩbwe erĩkatwĩkalaya abandu, Nʼerĩbwe erikaleterabo erĩtwĩkala. Nʼoyũkamwĩkĩrĩraya sĩendĩsyakwa esĩsonĩ.

1 Petero 2:6

Kusangwa Amasako akabũga ati, Lebaya ngahĩmba eSĩonĩ, erĩbwe nayisoga, Erĩbwe ryʼenũnga, eryʼobũgũlĩ bunene, Nʼoyũkamwĩkĩrĩraya sĩendĩsyakwa esĩsonĩ.