Zefania 3:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Obũlĩge ukwʼoyukahona nʼerĩyĩtsandya! Oko mũyĩ owakanũbaya!

Zefania 3:1 Iomraidhean Croise

Ĩsaya 30:12

Busana nʼekyo Oyũbũyĩrĩre wa Ĩsraelĩ ati, Kusangwa mwabirigana ekĩnywa ekĩ, imwabiriyiketera erinuba nʼepono, nʼeriyiketerabyo.

Ĩsaya 5:7

Kusangwa eririma lyʼebĩnyũ lyʼOmwami Mukulu wʼemilondo ni kihanda kyʼeĨsraelĩ, nʼabandu ba Yũda bo mwaka wʼerĩmũtsemesya. Neryo mwabya nʼamaha wʼerĩbanza, nĩkwa lebaya erĩũta omusasi musa, abya nʼamaha erilola okwʼitunganana, nĩkwa lebaya, kwesĩ ni milake yʼobũlĩge.

Ĩsaya 59:13

Tũkahalaya nʼerigana Omwami Mukulu nʼerikita erikwama Nyamuhanga wetu, erĩbũga ebyʼerĩnũbya, nʼerihona, eriheka obukule bwʼebĩnywa byʼamabehĩ omo mutima nʼerĩbũgabyo omo mutima.

Ĩsaya 59:6

Olutatangula lwabyo silwendisyabya ngimba, kutse sibendisyayiswika oko mibiri yabo. Emĩbĩrĩ yabo nĩ mĩbĩrĩ yʼebibi, nʼerikola omwaga liri omo byala byabo.

Yeremĩa 22:17

Nĩkwa ameso wawe nʼomutima wawe ni ʼsonda endũndĩ yʼamatebo, nʼerĩũta omusasi ate ko musango, na busana nʼerĩnũbya abandu, na busana nʼerĩpũra ebindu nʼamaka.

Yeremĩa 5:23

Nĩkwa abandu aba bawite omutima wʼerihona nʼowʼerĩyĩyĩnĩa; babirikitira ehandi nʼerigenda.

Yeremĩa 6:6

Kusangwa Omwami Mukulu wʼemilondo abĩrĩbũga ati, Mukondere emiti yʼahisi, musumbireho ekilundo kyʼekitaka oko Yerũsalema. Oyũ nĩ mũyĩ wʼerisuyirwa. Erinuba lisa liri mugo.

Yeremĩa 6:7

Ngoko ekyũna kyʼamagetsi kĩkahũlũkaya amagetsi wakyo mabuya, litya nago akahũlũkaya ebibi byago bihya-bihya. Omwaga nʼerĩherya bĩkogũbawa mugo. Endwala nʼebironda biri embere syage emigulu yosĩ.

Ezekĩelĩ 22:29

Abandu bʼekihugo babĩrĩnũbya, kandi bakahũnga, kandi babĩrĩagalya abera nʼabʼobwaga, kandi babĩrĩnũbya omubunga ahate rĩbanza lya kwenene.

Ezekĩelĩ 22:7

Babiripona ĩse wabo na koyo wabo ewenyũ. Babĩrĩnũbya ababunga omo katĩkatĩ kenyũ. Babirikola esyongũbĩ nʼomũkwakalĩ bo nabi ewenyũ.

Ezekĩelĩ 23:30

Wasyakolwa ebĩ, kusangwa wabirikola oluteto nʼebihanda, kandi kusangwa wabĩrĩyĩtsandya omo syosanamu syabo.

Abalawĩ 1:16

kandi asyalũsya kuko kwʼekitolero kyako haguma nʼebĩpũpa byako, nʼerigusabyo oko mũsĩke wʼekiherero oko luhande lwʼendata, aho wʼerĩbũ.

Amosĩ 3:9

Mũtũlego omo bikali byʼeAsĩdodĩ, nʼomo bikali byʼekihugo kyʼeMĩsĩrĩ, muti, Mũyĩhĩndanaye oko bitwa byʼeSamarĩa, neryo mũlebaye omwaga munene owaliyo, nʼomunubo munene wahi owali omo katĩkatĩ kabo.

Amosĩ 4:1

Mowe ekĩnywa ekĩ, ĩnywe nde syʼeBasanĩ esiri omo bitwa byʼeSamarĩa, abakanũbaya abera, abakalyata oko bera, abakabũga nʼabĩbabo bati, Mulete, tũpũlaye!

Mĩka 2:2

Bakarumawa oko malima, ĩbakahũngago; nʼamanyũmba, ibakatwalago; kandi bakanũbaya omundu nʼenyũmba yiwe, omundu nʼomwandu wuwe.

Zekarĩa 7:10

kandi sĩmũnũbaye omũkwakalĩ, kutse engũbĩ, kutse owʼehandi, kutse omwera; kandi simuhimbike ebibi omo mitima yenyũ omuguma oko gundi.

Malakĩ 3:5

Neryo nasyasegera hakũhĩ nenyũ omwʼitswera; kandi nasyabya mũlangĩrĩ oyukanguha erilwa nʼabakũmũ, nʼabasĩngĩrĩ, nʼabakalahĩraya nʼamabehĩ, nʼabakanũbaya omũhĩngĩ oko bũhĩngĩ buwe, nʼomũkwakalĩ, nʼengũbĩ, nʼabakakĩtaya omubunga, kandi sibalinyubaha, Omwami Mukulu Wʼemilondo atya.