Zefania 2:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Omwami Mukulu Wʼemilondo, Nyamuhanga wa Ĩsraelĩ akabũga ati, Neryo ngoko nyiriho, kwenene Moabũ asyabya ngʼeSodomo, nʼabana ba Amona ngʼeGomora, ahali ekyatsinge nʼebĩho byʼomũnyũ, nʼekĩma kyʼemigulu yosĩ; abakasĩgala oko bandu bage basyahũngabo, nʼabakasĩgala abʼoko kihanda kyage basyasĩgalyabo.

Zefania 2:9 Iomraidhean Croise

Ĩsaya 11:14

Kandi basyagulukira obwandagala bwʼAbafĩlĩstĩnĩ oko luhande lwʼeyĩkwa. Basyahũnga haguma abandu bʼoluhande lwʼendata. Basyasĩgalya Edomũ na Moabũ, nʼabana ba Amona basyakengabo.

Ĩsaya 25:10

Kusangwa ebyala byʼOmwami Mukulu byasyĩkala oko kitwa ekĩ; nʼeMoabũ yasyalyatangirirwa ahisi aho wuwe, ngʼebiti byũmĩre ebikalyatangirirawa ahisi omo magetsi wʼekyabũ.

Ĩsaya 49:18

Usumbe ameso wawe usamalire oko mbande syo­sĩ, abosĩ bakayĩhĩndanaya haguma, bakakũhĩkako. Omwami Mukulu ati, Ngoko nyiriho, wasyatsemerabo abosĩ ngʼomũherũkĩ kwʼakatsemera ebyambalo biwe.

Yeremĩa 46:18

Omwami akabũga ati, Ngoko nyiriho, Omwami Mukulu wʼemilondo, lyo lĩna liwe, kwenene omundu asyasa ngʼeTaborĩ omo bitwa, nʼakandi ngʼeKaramelĩ hakũhĩ nʼengetsi, kwʼasyasa atya.

Yeremĩa 48:1

Busana na Moabũ. Omwami Mukulu wʼemilondo, Nyamuhanga wʼeĨsraelĩ akabũga ati, Obũlĩge uku Nebo! Kusangwa abĩrĩtsandĩbwa. Kĩrĩataĩmũ abirihemulwa, abĩrĩhũngwa. Ahakongotere hayo habirihemulwa nʼerisambulwa.

Yeremĩa 49:1

Omwami Mukulu akabũga busana nʼabana ba Amonĩ ati, Ĩsraelĩ siawite abagala kwehĩ? Siawite omũsĩgalya kwehĩ? Busana nakĩ Malkamũ abĩrĩsĩgalĩa Gadĩ, nʼabandu buwe abĩkere omo mĩyĩ yayo kwehĩ?

Yeremĩa 49:18

Omwami Mukulu ati, Ngʼerihera lyʼeSodomo nʼeGomora nʼemĩyĩ eyĩhererenĩe nayo, sihali mundu wasyĩkalako, kandi sihali omundu oyo wasyĩkalaho.

Yeremĩa 49:33

NʼeHazorĩ asyabya aho esyoboha sikasiba, ekĩma kya kera na kera. Sihali mundu wasyĩkalayo, kutse sihali mugala wʼomundu oyo wasyabyaho.

Yeremĩa 50:40

Omwami Mukulu ati, Ngoko omugulu Nyamuhanga aheraya eSodomo nʼeGomora nʼemĩyĩ ĩhererenĩe nayo, litya sihali mundu wasyĩkalayo, kutse omugala wʼomundu erĩĩkalamo.

Amosĩ 1:13

Omwami Mukulu akabũga ati, Busana nʼamalolo asatu wʼabana ba Amonĩ, ega, busana nʼawani, sindiendisyakakĩrya erisuyira lyako; kusangwa babĩrĩlandũla abakule bʼeGĩleadĩ, ibatoka eritomeka oko mitano yabo.

Amosĩ 2:1

Omwami Mukulu akabũga ati, Busana nʼamalolo asatu wʼeMoabũ, ega, busana nʼawani, sindiendisyakakĩrya erisuyira lyako; kusangwa mwahĩsya amakũha wʼOmwami wʼeEdomũ, eribya mbemba yʼeswakara.

Zefania 2:14

Nʼebihangulo byasyabundama omo katĩkatĩ kago, nʼesyonyama syosĩ syʼemihanda mihanda omo bihangulo; omũrobĩ nʼendĩko byasyagotsera oko mitwe-mitwe yʼesyondũyĩ syago. Esyonyonyũ syasyimbira omo maseryo; omulala asyabya omo kyaswa kyʼesyongyo; kusangwa abiriswikula omũbĩrĩ wʼemĩerezĩ.

Zefania 2:7

Nʼomũsĩke wʼengetsi asyabya busana nʼabasĩgala oko kĩtũnga kya Yũda; basyalĩsĩrya kugo ebihangulo byabo. Basyagotsera omwʼĩgolo-golo omo manyũmba wʼeAskelonĩ; kusangwa Omwami Mukulu, Nyamuhanga wabo asyalemberabo, nʼerĩsũbyabo buholo.

Zefania 3:13

Neryo abasĩgalira ba Ĩsraelĩ sibendisyakola ebibi, kutse erĩbũga amabehĩ; kutse omo muno wabo simwendisyabanika olulimi lwʼeriteba; kusangwa basyalya nʼerigotsera, isihali oyo wasyatĩtĩmanĩabo.

Zekarĩa 2:13

Emibiri yosĩ ibye bũkũtũ embere syʼOmwami Mukulu; kusangwa abiribuka erĩlũa omo bwĩkalo buwe bũbũyĩrĩre.

Emiganzo 14:21

nĩkwa kwenene ngoko nyiriho, ekihugo kyosĩ kyasyũsũlĩbwa nʼolukengerwa lwʼOmwami Mukulu.

AbanyaRoma 14:11

Kusangwa kĩsakĩre kiti, Omukama ati, Ĩngye nyiriho! Obuli mundu asyakũkama embere syage, Nʼobuli mundu asyatũlago ko nyiri Nyamuhanga.

Eryibuka Ebihano 29:22

Nʼolulengo olukandisyasa, abana benyũ abakandisyahangana enyũma wenyũ, nʼowʼehandi oyũkandĩsyalũa omo kihugo kyʼehali, omugulu bakalangira ebĩhũnzo byʼekihugo ekyo, nʼesyondwala esyo Mwami Mukulu abĩrĩlwalyakyo basyabũga bati,

Eryibuka Ebihano 29:23

Ekihugo kyosĩ kyayo nĩ bũsĩngo, nʼomũnyũ, omulala wʼeriakirira, sikyeherawa, kandi sikyebuta, nʼebiti sibyelasa mukyo, ngʼerisinduka lyʼeSodomo nʼeGomora, Adĩma na Zeboyĩmũ, ebyo Mwami Mukulu asindula omwʼihitana liwe, nʼomwʼigalirwa liwe.