Zefania 2:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Kandi Omwami Mukulu asyalolya ebyala biwe erilwa nʼelutambi lwʼendata, nʼerĩherya eAsũrĩa. Kandi asyayira eNĩnawe mo kĩma, nʼeriuma ngʼembwarara.

Zefania 2:13 Iomraidhean Croise

Ĩsaya 10:12

Litya kyasyabya, omugulu Omukama amabĩberererya omũbĩrĩ wuwe gosĩ oko kitwa kyʼeSĩonĩ nʼoko Yerũsalema, nasyasuyira ebĩgũma byʼomutima akalĩre wʼOmwami wʼeAsũrĩa, nʼobubuya bwʼeriyiheka liwe.

Ĩsaya 10:16

Busana nʼekyo Omukama, Omwami Mukulu wʼemilondo, asyatuma akabonde omo katĩkatĩ kʼesyombangĩ siwe; nʼomo mwanya wʼolukengerwa luwe omuliro asyaka ngʼeriaka lyʼekirimi kyʼomuliro.

Ĩsaya 10:5

Obũlĩge oko Asũrĩa, omũtso wʼerihitana lyage, engonĩ eyiri omo byala biwe ni ʼhitana lyage!

Ĩsaya 11:11

Neryo oko kiro ekyo, Omukama omo byala biwe engendo yʼakabiri, asyaswahamba abasĩgalira bʼabandu buwe, abasyasaka erĩlũa eAsũrĩa, nʼerĩlũa eMĩsĩrĩ, nʼerĩlũa ePatĩ-rosĩ, nʼerĩlũa eKũsĩ, nʼerĩlũa eElamũ, nʼerĩlũa eSĩnarĩ, nʼerĩlũa eHamatĩ, nʼerĩlũa oko bitsira byʼengetsi.

Ĩsaya 14:26

Erĩ ni ʼkandayirira eryakandayirirawa busana nʼekihugo kyosĩ; nʼebĩ ni byala byabirisumbwa erilwa nʼebihanda byosĩ.

Ĩsaya 37:37

Neryo Sanĩharĩbũ omwami wʼeAsũrĩa, mwalũaho, mwasuba ewuwe, mwĩkala eNĩnawe.

Yeremĩa 49:33

NʼeHazorĩ asyabya aho esyoboha sikasiba, ekĩma kya kera na kera. Sihali mundu wasyĩkalayo, kutse sihali mugala wʼomundu oyo wasyabyaho.

Yona 1:2

Hangana, uye eNĩnawe, omũyĩ munene oyo, ubirikire kugo; kusangwa ebibi byabo byabiriminyikala embere syage.

Yona 3:2

Hangana, uye eNĩnawe omũyĩ munene oyo, ũtũlĩrego engulu eyo ngakuhana.

Mĩka 5:6

Nabo basyaherya ekihugo kyʼeAsũrĩa omo mũyalĩ, nʼekihugo kya Nĩmũrodĩ omo bwingiriro bwakyo. Omwami Mukulu asyatũlamya oko Mũasũrĩa, omugulu akalwa nʼekihugo kyetu, nʼomugulu akalyatanga emitano yetu.

Nahũmũ 1:1

Enzumwa yʼeNĩnawe. Ekitabu kyʼesyonzolĩ sya Nahũmũ Omũelkosĩ.

Nahũmũ 3:15

Aho omuliro asyakulya; nʼomũyalĩ asyakũtwa; asyakwĩta ngʼengĩke. Ũyĩkanyaye ngʼengĩke eyikaguluka, ũyĩkanyaye ngʼengĩke eyikakululuka.

Nahũmũ 3:7

Neryo abosĩ abakusamalira basyakusaga bati, Nĩnawe abiriyirwa mo mulala; nindi wasyamulira kwehĩ? Nasyakũsonderya abasĩbĩkya bo hayi kwehĩ?

Zefania 1:4

Nasyalolya ebyala byage oko Yũda nʼoko syondũlanĩ syosĩ syʼeYerũsalema; nasyabugaho abasĩgalira ba Baalĩ erĩlũa hano, nʼamena wʼabakakolera esyosanamu, haguma nʼabahererĩ.