Zefania 1:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Kandi abasuba enyũma erireka erikwama Omwami Mukulu; kandi abatasonda-sonda Omwami Mukulu, kutse erĩmũbũlya.

Zefania 1:6 Iomraidhean Croise

2 Samwelĩ 22:22

Kusangwa nabirikwama esyonzira syʼOmwami Mukulu, Sinditaketa Nyamuhanga wage.

2 Emyatsi yʼEmigulu 15:13

kandi bati, oyutendisyasonda-sonda Omwami Mukulu Nyamuhanga wa Ĩsraelĩ asyĩtwa, amabya mulere kutse mukulu, kutse amabya mulume kutse mũkalĩ.

Esyonyimbo 10:4

Omundu mubi omwʼiyiheka liwe aka bũga ati, Nyamuhanga siendĩsyanyĩtũhya! Amalengekanĩa gosĩ gʼomundu mubi ati, Sihali Nyamuhanga.

Esyonyimbo 125:5

Nĩkwa usuyire abakakwama esyonzira syabo nyibi, Omugulu ukasuyira abakakola nabi! Obuholo bubye na Ĩsraelĩ!

Esyonyimbo 36:3

Erĩbũga liwe ni ribi kandi rikateba; Sihakiri omundu wʼamenge nʼerikola ebibuya.

Ĩsaya 1:4

Ĩlolo, uwe kihanda kyʼebibi, abandu bakalĩtoherawa nʼamalolo, abana bʼabakola-nabi, abana bʼerĩtsandya! Babĩrĩsĩganĩa Omwami Mukulu, babiripona Oyũbũyĩrĩre wa Ĩsraelĩ, babirimutswako.

Ĩsaya 43:22

Nĩkwa uwe Yakobo, Sulitanyilakira; nĩkwa uwe Ĩsraelĩ wabiriluha busana nage.

Ĩsaya 9:12

Abasũrĩa oko luhande lwʼendata, nʼAbafĩlĩstĩnĩ oko luhande lwʼeyĩkwa, nabo basyalya Ĩsraelĩ nʼobuno bũtandĩre. Busana nʼebĩ byosĩ erihitana liwe sĩryetalũaho, nĩkwa ebyala biwe bĩkĩnayĩsũmbĩre.

Ĩsaya 9:13

Nĩkwa abandu sibebũnũkalira oyo wĩtabo, kandi sibesonda-sonda Omwami Mukulu wʼemilondo.

Yeremĩa 10:25

Gũtũlĩre erihitana lyawe oko bihanda bĩtakwasĩ, nʼoko bĩtunga byʼabandu abatiahula erĩna lyawe. Kusangwa babiribuga Yakobo, ega, babĩrĩmwĩta, babirimubuga, nʼeriyira ahʼerĩĩkala liwe mo mulala.

Yeremĩa 15:6

Omwami Mukulu ati, Ĩnywe mwabirinyigana, mukinasuba enyũma. Kikaleka inasumba ebyala byage erilwa nenyũ, nʼerĩbaherya. Namaluha erĩyĩkakĩrya!

Yeremĩa 2:13

Kusangwa abandu bage babirikola ebibi bibiri. Babĩrĩnyĩsĩganĩa, ĩngye ĩsoko yʼamagetsi wʼengebe, babiriyitakulira ebĩrĩba, ebĩrĩba ebĩkalũa, ebitetoka eribika amagetsi.

Yeremĩa 2:17

Sulitayibanira emyatsi eyĩ kusangwa wabĩrĩsĩganĩa Omwami Mukulu Nyamuhanga wawe omugulu akusondola omo nzira kwehĩ?

Yeremĩa 3:10

Nĩkwa Omwami Mukulu ati, Haguma nʼemyatsi yosĩ eyĩ, mwali wabo wʼomwaga, ye Yũda, mwatanyisubako nʼomutima wuwe gosĩ, nĩkwa omo menge wʼamabehĩ.

Ezekĩelĩ 3:20

Kandi, omugulu omundu utunganene akalũa oko litunganene riwe, akakola ebibi, nage ngahĩra ekyʼerĩtwĩkalya embere siwe, asyahola; kusangwa sulitamukangirira ehee! asyahola omo bibi biwe, nʼemĩbĩrĩ yiwe itunganene eyo abirikola siyendisyibukwa; nĩkwa omusasi wuwe nasyabũlyago omo byala byawe.

Hosea 11:7

Nʼabandu bage abahatikene erĩnyĩlũako; nomo abamĩnyererĩ bangabirikirabo oko yuli endata, sihali oyũkamũhamaya.

Hosea 7:10

Nomo eriyiheka lya Ĩsraelĩ likamuhandikirira; nĩkwa sibetasuba oko Mwami Mukulu, Nyamuhanga wabo, kutse erĩmũsonda-sondya busana nʼebĩ byosĩ.

Hosea 7:7

Abami babo bosĩ babiritera; sihali muguma wa kubo oyukanyilakira.

Zefania 3:2

Mwatakenga omulenge nʼomuguma; mwatalĩga erĩkangĩrĩrya; mwatayiketera Omwami Mukulu; mwatayĩtũnda hakũhĩ na Nyamuhanga wuwe.

AbanyaRoma 3:11

Sihali oyukaminya, Sihali oyukasonda-sonda Nyamuhanga;

AbaEbrania 2:3

Netu twasyabala tuti twamapona erilama linene ringaha kwehĩ? Omukama mwatsũka erĩtũla engulu yʼerilama erĩ, neryo abamowa mobahanganĩayo ndeke.

Yosũa 23:12

Kusangwa mwamasuba enyũma na kera, nʼerimakirira oko basĩgalĩre oko bihanda ebĩ, nʼerĩherũkanĩa nabo, nʼerisiba nabo, nabo ewenyũ,

1 Samwelĩ 15:11

Namayĩkũbya bomo erĩhĩra Saũlo eribya mwami; kusangwa abirisuba enyũma butanyikwama, kandi sĩalĩtaberererya ebihano byage. Neryo Samwelĩ mwakwa obũlĩge, kandi mwalakira Omwami Mukulu omo kiro kyosĩ.