Zefania 1:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Kandi nʼabakayũnamaya oko milondo yʼomo kyanya oko nyitwe syʼamanyũmba, nʼabakayũnamaya nʼerĩlahĩrya oko Mwami Mukulu nĩkwa bakalahĩraya uku Malakamũ;

Zefania 1:5 Iomraidhean Croise

1 Abami 11:33

kusangwa babĩrĩnyĩsĩganĩa, kandi babĩrĩramya Asterotĩ, nyamuhanga wʼobũkalĩ wʼAbanya Sĩdonĩ, na Kemosĩ nyamuhanga wa Moabũ, na Mĩlkomũ nyamuhanga wʼabana ba Amonĩ; kandi sibetalendera omo nzira syage, erikola ebitunganene omo meso wage, nʼerĩteya ebihano byage nʼebilayiro byage, ngoko tata wuwe Dawĩdĩ akola.

1 Abami 11:5

Kusangwa Solomono mwakwama Asterotĩ, nyamuhanga wʼobũkalĩ wʼAba­nya. Sĩdonĩ, nʼerikwama Milkomũ esyonye syʼAbanya Amonĩ.

1 Abami 18:21

Neryo Elĩya mwayĩtũnda hakũhĩ nʼabandu bosĩ, mwabũga nabo ati, Mwasyakolyahi eritika-tika oko mbande ĩbĩrĩ? Omwami Mukulu amabya ali Nyamuhanga, mumukwame; nĩkwa amabya ĩnĩ Baalĩ, mumukwame. Nʼabandu mobatamũsũbĩrya ekĩnywa nʼekiguma.

2 Abami 17:32

Neryo mobubaha Omwami Mukulu nibya, mobayĩhĩrĩra omo katĩkatĩ kabo abahererĩ bʼahendata, abahongerabo amahere omo manyũmba wʼahendata.

2 Abami 17:33

Mobubaha Omwami Mukulu nʼerikolera esyonyamuhanga syabo ngʼomũsĩndo wʼebihanda byʼeyo balũsĩbawa.

2 Abami 17:41

Neryo ebihanda ebĩ mobyubaha Omwami Mukulu, kandi mobakolera esyosanamu syabo esyabatsawa; nʼabana babo batya, nʼabitsikulu babo batya, ngoko abotata wabo bakola, ko bakakola batya na mũnabwĩre.

2 Abami 23:12

Nʼebiherero ebyabya oko lutwe lwʼekyumba kyʼendata kya Ahazĩ, ebyo abami bʼeYũda bahĩmba, nʼekiherero aho Manase ahĩmba omo bibuga bibiri byʼenyũmba yʼOmwami Mukulu, omwami mwateryakyo, mwatũndũlakyo mwagusa olũtũtũ lwakyo omo kũsĩ kʼeKĩdũronĩ.

Ĩsaya 22:1

Eriminyerera lyʼomusya wʼerilota. Lino mũkwĩrekĩ, muti mukasamba endata oko nyitwe syʼamanyũmba kwehĩ?

Ĩsaya 44:5

Oyũ asyabũga ati, Indi wʼOmwami Mukulu; nʼogundi iniayahula omo lĩna lya Yakobo; nʼogundi iniasaka oko byala biwe ati, Indi wʼOmwami Mukulu, iniahula erĩna lya Ĩsraelĩ nʼerĩsĩkya.

Ĩsaya 45:23

Nabĩrĩyĩlahĩryako, ekĩnywa kyabirihuluka kĩkalũa omo buno bwage omo litunganene, sĩkyendĩsyabũnũkala, kiti, Obuli mundu asyakũkama embere syage, erinyikenga nʼobuli mundu asyalahĩrya erikenga.

Ĩsaya 48:1

Uwe nyũmba ya Yakobo, uhulikirire ekĩ, ĩnywe mukahulawa omo lĩna lya Ĩsraelĩ, ĩnywe mwalũa omo kihanda kya Yũda; ĩmũkalahĩraya oko lĩna lyʼOmwami Mukulu, nʼerimwahula mo Nyamuhanga wa Ĩsraelĩ, nĩkwa butsira omo kwenene, kutse omo litunganene.

Yeremĩa 12:16

Neryo omugulu, bamayĩkangĩrĩrya nʼomũhwa esyonzira syʼabandu bage, erĩlahĩrya oko lĩna lyage, Ngoko Mwami Mukulu aliho. Nibya ngoko bakangĩrĩraya abandu bage erĩlahĩrya uku Baalĩ, neryo basyahĩmbwa omo katĩkatĩ kʼabandu bage.

Yeremĩa 19:13

Nʼamanyũmba wʼeYerũsalema, nʼamanyũmba wʼabami bʼeYũda asyatsanda ngʼeTofetĩ busana nʼamanyũmba gosĩ ahabĩrĩhĩsĩrĩbwa kʼobukwa oko nyitwe syago oko milondo yosĩ yʼomo kyanya, nʼerĩũtũlĩra amahere wʼerĩpũlya oko Sindi nyamuhanga.

Yeremĩa 32:29

NʼAbakaldea, abakalwa nʼomũyĩ oyũ, basyingiramo nʼerĩhĩra omuliro oko mũyĩ nʼerĩhĩsyago, haguma nʼamanyũmba, aho bandu baherera Baalĩ obukwa oko nyitwe syabo, nʼerĩũtũlĩra esindi nyamuhanga amahere wʼerĩpũlya erĩnyĩhĩtanĩa.

Yeremĩa 4:2

nawe wasyalahĩrya uti, Ngoko Mwami Mukulu aliho, omo kwenene, omo lĩbanza libuya, nʼomo litunganene; neryo ebihanda byasyayitsumula umwʼiye, kandi basyayipipa umwʼiye.

Yeremĩa 49:1

Omwami Mukulu akabũga busana nʼabana ba Amonĩ ati, Ĩsraelĩ siawite abagala kwehĩ? Siawite omũsĩgalya kwehĩ? Busana nakĩ Malkamũ abĩrĩsĩgalĩa Gadĩ, nʼabandu buwe abĩkere omo mĩyĩ yayo kwehĩ?

Yeremĩa 5:2

Nomo bangabũga bati, Ngoko Mwami Mukulu aneho; kwenene bakalahĩraya omo mabehĩ.

Yeremĩa 5:7

Nangakubuyira busana nakĩ kwehĩ? Abagala bawe babĩrĩnyĩsĩganĩa, nʼerĩlahĩrya ukwʼabo bate esyonyamuhanga. Omugulu namabĩũgũtyabo, mobasĩngĩra, kandi mobaya omo nyũmba yʼabamalaya.

Yeremĩa 7:10

neryo mukasa nʼerihangana embere syage omo nyũmba eno, eyikahulawa oko lĩna lyage muti, Twabĩrĩlamĩbwa! Imwatoka erikola esyonye esĩ syosĩ kwehĩ?

Yeremĩa 7:9

Mwasyĩba kwehĩ, nʼerĩĩta, nʼerĩsĩngĩra, nʼerĩlahĩrya nʼamabehĩ, nʼeriherera Baalĩ yʼobukwa, nʼerikwama esindi nyamuhanga esyo mũtasĩ,

Yeremĩa 8:2

Basyasanzago oko lyuba, nʼomukera, nʼemilondo yosĩ yʼelubula, eyo banza nʼeyo bakolera, nʼeyo bakwama, nʼeyo basondaya, nʼeyo baramaya. Siendisyakumirwa haguma, kutse eritabwa, asyabya ngʼamabĩ oko kitaka.

Hosea 10:2

Omutima wabo abirilegula; lino bakandisyaheka omusango wabo. Omwami Mukulu asyatũndũla amaherero wabo, asyaherya esyondũyĩ syabo sĩbũyĩrĩre.

Hosea 4:15

Nawe Ĩsraelĩ, nomo wangakola obũmalaya, nĩkwa Suleke Yũda akabana omusango; kandi Simugende eGĩlĩgalĩ, kutse simuhetukire eBetĩ-awenĩ, kutse sĩmũlahĩraye muti, Ngoko Mwami Mukulu aliho.

Amosĩ 5:26

Kandi momwaheka ehema yʼOmwami wenyũ Sĩkũtĩ, nʼobuhima bwa Kĩũnĩ, nʼesyosanamu syenyũ, engũnũnũ ya nyamuhanga wenyũ eyo mwayĩkokoteraya.

Matayo 6:24

Sihali mundu oyo wangatoka erikolera abakama babiri; kusangwa asyakwa omuguma yʼobusu, nʼerianza ogundi. Kutse asyabegera oko muguma, iniapona ogundi. Simwangatoka erikolera Nyamuhanga nʼebindu.

Emibiri 10:9

Neryo engyakya abakwenda aba ibane omo nzira ibakasonda erĩhĩka eYopa, Petero mwaya omo kyumba kyʼendata akayasaba, hakũhĩ nʼesaa sĩta.

AbanyaRoma 14:11

Kusangwa kĩsakĩre kiti, Omukama ati, Ĩngye nyiriho! Obuli mundu asyakũkama embere syage, Nʼobuli mundu asyatũlago ko nyiri Nyamuhanga.

Eryibuka Ebihano 10:20

Wasyubaha Omwami Mukulu Nyamuhanga wawe; wasyamukolera ĩyowene; kandi wasyamumakirirako, kandi, wasyayisema omo lĩna liwe.

Eryibuka Ebihano 4:19

Kandi mukasyalalamira obũtũkũ, kandi omugulu mukalangira eryuba nʼomukera nʼesyongũnũnũ, esyonzige syosĩ syʼekyanya, ukatwalawa erĩramyabyo, nʼerikolerabyo, ebyo Mwami Mukulu abirigabira bandu bosĩ eyĩkwa wʼobũtũkũ.

Yosũa 23:7

isimwatamba nʼebihanda ebĩ, ebĩsĩgalĩre omo katĩkatĩ kenyũ; kutse eriahula amena wʼesyonyamuhanga syabo, kutse erireka omundu akalahĩrya kusyo kutse erikolerasyo, kutse erĩyũnama embere wasyo.