Zefania 1:17 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁷ Kandi nasyaleta oko bandu erĩhanga-hangya, kyasyaleka ibagenda ngʼesyondĩma-tĩme, kusangwa babĩrĩhalya oko Mwami Mukulu; nʼomusasi wabo asyũtwa ngʼolũtũtũ, nʼemĩnyokũ yabo ngʼamabĩ.

Zefania 1:17 Iomraidhean Croise

Esyonyimbo 83:10

Mobakĩndĩrwa eEndorĩ, Nʼemibiri yabo moyahondera oko kitaka.

Ĩsaya 29:10

Kusangwa Omwami Mukulu abĩrĩbũtũlĩrako ekĩrĩmũ kyʼotũgotserĩ tunene, kandi abĩrĩrĩba ameso wenyũ, bo bamĩnyererĩ; kandi abiriswika emitwe yenyũ, bo bahanĩ.

Ĩsaya 50:1

Omwami Mukulu akabũga ati, Ebarua yʼerihiga koyo wawe eyo namuhigirako iri hahi kwehĩ? Kutse nabĩrĩbagũlya ukundi oyo wanyibweka kwehĩ? Lebaya, mwagũlĩbawa busana nʼebibi byenyũ, na koyo wenyũ ahigawa busana nʼamalolo wenyũ.

Yeremĩa 10:18

Kusangwa Omwami Mukulu ati, Lebaya, oko mugulu oyũ nasyagusa esyondũlanĩ syʼekihugo, nasyagalyabo, ibatoka eribanika.

Yeremĩa 15:3

Omwami Mukulu ati, Nage nasyahĩra kubo kwʼemĩsĩndo ĩnĩ yʼerĩkwa, omũyalĩ wʼerĩĩta, nʼesyombwa syʼeritulanga, nʼesyonyonyũ syʼomo kyanya, nʼesyonyama syʼekihugo erirya nʼerĩherya.

Yeremĩa 18:21

Neryo uleke abana babo bakwe enzala, uhebo oko maka wʼomũyalĩ. Nʼabakalĩ babo babye butsira bana, babye bakwakalĩ. Uleke abalume babo bĩtawe omo luholo, nʼabalwana babo bĩtawe omo mũyalĩ omo malwa.

Yeremĩa 2:17

Sulitayibanira emyatsi eyĩ kusangwa wabĩrĩsĩganĩa Omwami Mukulu Nyamuhanga wawe omugulu akusondola omo nzira kwehĩ?

Yeremĩa 2:19

Ebibi byawe ĩwowene byasyakuhabula, nʼerisuba enyũma lyawe lyasyakukunga. Neryo Uminye kandi Ũlebaye kwʼali mwatsi mubi nʼowakalĩhĩre, uti ũkasĩganaya Omwami Mukulu Nyamuhanga wawe, nʼobuba bwage sibuli omwisi wawe, Omukama Omwami Mukulu wʼemilondo atya.

Yeremĩa 3:25

Tugotsere ahisi omwʼĩsonĩ syetu, nʼerihemula lyetu lituswike; kusangwa twabĩrĩhalya oko Mwami Mukulu, Nyamuhanga wetu, ĩtwe nʼabotata wetu, erĩtsũka omo bũlwana bwetu nʼerĩhĩka mũnabwĩre. Kandi situlitakenga omulenge wʼOmwami Mukulu, Nyamuhanga wetu.

Yeremĩa 4:18

Enzira yawe nʼemĩbĩrĩ yawe yabĩrĩkũkolya kwʼemyatsi eyĩ. Obũ bo bubi bwawe. Bũkalĩhĩre buti! Bũhĩkĩre oko mutima wawe buti!

Yeremĩa 8:2

Basyasanzago oko lyuba, nʼomukera, nʼemilondo yosĩ yʼelubula, eyo banza nʼeyo bakolera, nʼeyo bakwama, nʼeyo basondaya, nʼeyo baramaya. Siendisyakumirwa haguma, kutse eritabwa, asyabya ngʼamabĩ oko kitaka.

Ekiriro 1:14

Engomo yʼerĩhalya lyage inyibohereko. Ebyala biwe byabirilukayo haguma. Yamahĩka oko bĩkya byage. Abiribuga amaka wage. Omukama abĩrĩmbĩra omo byala byʼabandu, Sinditoka erihangana embere syabo.

Ekiriro 1:18

Omwami Mukulu yutunganene, Kusangwa nabirihona oko kihano kiwe. Mowe lino, ĩnywe bandu bosĩ, Kandi mũlebaye obũlĩge bwage. Abambesa bage nʼabalwana bage Babiriya omo bunyegwa.

Ekiriro 1:8

EYerũsalema yabĩrĩhalya kutsibu, Neryo yabiribya ngʼekindu kĩtĩre nye. Abosĩ abamũsĩkaya bakamupona, Kusangwa babirilangira endũmbũ yiwe. Ega, naye akasĩsĩkana, nʼerikebera ehandi.

Ekiriro 2:21

Omũlwana nʼomũsyakulu bagotsere Oko kitaka omo syonzira. Abambesa bage nʼabalwana bage Babiriwa omo mũyalĩ. Wabĩrĩtabo omo kiro kyʼerihitana lyawe. Wabirikerabo, sulitaganyirabo.

Ezekĩelĩ 16:38

Nage nasyakutswera, ngʼabakalĩ abakateta nʼabakũta omusasi ko bakatswerawa. Neryo nasyakuletako omusasi wʼerihitana nʼobũha.

Ezekĩelĩ 24:7

Kusangwa omusasi wako ali omo katĩkatĩ kago. Mwahĩrago okwʼĩbwe erite kokyĩ. Mwatũtago oko kitaka mwataswikago omo lũtũtũ.

Ezekĩelĩ 24:8

Inialeka erihitana ĩryahĩka erĩkĩsyago, Nabĩrĩhĩra omusasi wuwe okwʼĩbwe erite kokyĩ, ĩnĩatakũnĩngĩrwa.

Amosĩ 4:10

Omwami Mukulu ati, Nabiribatumira akasũsũ ngoko natumako eMĩsĩrĩ; nabĩrĩta abalwana benyũ omo mũyalĩ, haguma nʼesyosabayĩrĩ syenyũ; nabĩrĩhetũkya erikumba libi lyʼekilaliriro kyenyũ erĩhĩka omo nĩndo syenyũ; nĩkwa simwetanyisubako.

Mĩka 7:13

Nʼekihugokyasyabyakĩma, busana nʼabĩkalanĩ ba mukyo, busana nʼemikolere yʼemĩbĩrĩ yabo.

Matayo 15:14

Mulekebo, ni basondolĩ ndĩmatĩme bʼabandu ndĩmatĩme. Omundu ndĩmatĩme amasondola ogundi mundu ndĩmatĩme, ababiri bosĩbasyatogera omo buhya.

AbanyaRoma 11:25

Balĩkyetu, nyanzĩre imwaminya ndeke erĩkũmbo erĩ, mukasyabya nʼamenge omo malengekanĩa wenyũ. Erĩkũmbo lyerĩ liti, erikala hake lyʼomutima lyabirihamba Ĩsraelĩ erĩhĩka aho eriganza NʼEbihanda lyamahĩka uku Nyamuhanga.

AbanyaRoma 11:7

Ko byabere biti kwehĩ? Abaĩsraelĩ mobatabana ekyo babya bakasonda. Nĩkwa abake abayisogawa mobabanakyo Nʼabandi emitima yabo moyakala.

2 AbanyaKorinto 4:4

Sĩbalĩkĩrĩraya kusangwa nyamuhanga mubi wʼekihugo kino abĩrĩrĩba ameso wʼobũlengekanĩa bwabo ati sibalangire ekyakakala kyʼEngulu Yowene eyʼolukengerwa lwa Kristo, oyuli kĩsosekanĩo kya Nyamuhanga.

2 Petero 1:9

Nĩkwa oyutekola emyatsi eyĩ nĩ ndĩma-tĩme, kandi akabula ameso, iniabiribirirwa kwʼabĩrĩerĩbwa kwʼebibi biwe bya kera.

1 Yoane 2:11

Nĩkwa Oyũkakwa mũlĩkyabo yʼobusu, ali omo mwĩrĩmya, kandi akalendera omo mwĩrĩmya, ĩsĩasĩ eyo akaya, kusangwa omwĩrĩmya abirimuyira mo ndĩma-tĩme.

Eribisurirwa 3:17

Kusangwa ũkabũga uti, Nyiwite ebindu, nabiribya muteke, sihali ekyo ngabula. Sĩwasĩ kʼuli muhanya, nʼowʼobũlĩge, nʼomwera, nʼendĩma-tĩme nʼendũmbũ.