Zefania 1:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Ekiro kinene kyʼOmwami Mukulu kiri hakũhĩ, kiri hakũhĩ kandi kikasa lũba, hulikirira, ekiro kyʼOmwami Mukulu! Omo kiro ekyo omũlwĩ akalaka ekĩkalĩhĩre.

Zefania 1:14 Iomraidhean Croise

Ĩsaya 15:4

EHesĩbonĩ nʼeEleale bakalaka; omulenge wabo akowĩbawa erĩhĩka eYahazĩ. Neryo abandu abambite ebindu byʼamalwa abʼeMoabũ bakalaka kutsibu. Omutima wuwe akatitimana omwisi wuwe.

Ĩsaya 33:7

Lebaya, esyombangĩ syabo sikalakira eyĩhya. Abakwenda bʼobuholo bakalira nʼerĩsirĩkalira.

Ĩsaya 66:6

Omulenge wʼolukanda lũkalũa eka! Omulenge akalũa omo Hekalũ, Ni mulenge wʼOmwami Mukulu oyukaliha endĩhĩ yʼesyonzĩgũ siwe.

Ĩsaya 8:22

Neryo basyasamalira ekihugo, neryo lebaya, obũlĩge nʼomwĩrĩmya, obũlĩma-lĩma bwʼeriagalwa. Kandi basyahigirwa omo mũhĩndanĩa wʼenyahĩnda.

Yeremĩa 25:36

Omulenge wʼekiriro kyʼabalĩsya, nʼerĩsũsũmana lyʼabakama bʼekĩhyo! Kusangwa Omwami Mukulu akaheraya amalĩsĩryo wabo.

Yeremĩa 30:7

Ĩ-yoo! kusangwa ekiro ekyo ni kikulu, sihali ekiringene nakyo. Ni mugulu wʼobũlĩge bwa Yakobo, nĩkwa asyalamĩbwa mubo.

Yeremĩa 46:5

Omwami Mukulu ati, Busana nakĩ namalangira ekyo kwehĩ? Babĩrĩkwa obuba, babirisuba enyũma. Esyombangĩ syabo syabĩrĩkĩndwa ahisi, syabirisaga, sibekebera enyũma. Obuba buli oko mbande syosĩ.

Yeremĩa 48:41

Kĩrĩotĩ abĩrĩhũngwa, nʼahakongotere habirihambwa, neryo emitima yʼesyombangĩ sya Moabũ ekiro ekyo yasyabya ngʼomutima wʼomũkalĩ omo bwagalĩ bwʼerikunda.

Ezekĩelĩ 12:23

Neryo ubwirebo uti, Omukama Iye Omwami Mukulu akabũga ati, Nasyaleka omũsyo oyũ ĩnĩũmbya, nabo sibendisyaswabũgago ngʼomũsyo omo Ĩsraelĩ. Nĩkwa ubwirebo uti, Ebiro bĩkahĩka hakũhĩ nʼeribererera lyʼesyonzolĩ syosĩ.

Ezekĩelĩ 30:3

Kusangwa ekiro ekyo kiri hakũhĩ, ekiro kyʼOmwami Mukulu kiri hakũhĩ. Kyasyabya ekiro kyʼebĩtũ, omugulu wʼerĩkwa busana nʼebihanda.

Ezekĩelĩ 7:12

Omugulu amahĩka, ekiro kyamahĩka. Oyukagula siatseme, kutse oyũkagũlaya syalire, kusangwa erihitana lyamahĩka oko ndeko yosĩ yako.

Ezekĩelĩ 7:16

Nĩkwa omugulu abandu babo abakabala basyatibita nʼeribala, basyabya oko bitwa ngʼehĩrĩkũkũ hyʼomo misya, abosĩ ibanemulira, obuli mundu busana nʼebibi biwe.

Yoelĩ 1:15

Ĩloolo busana nʼekiro ekyo! Kusangwa ekiro kyʼOmwami Mukulu kiri hakũhĩ, kandi kyasyasa ngʼerĩherya lĩkalũa oko Wʼamaka gosĩ.

Yoelĩ 2:1

Mubuhe engubi eSĩonĩ, mũbũgaye endulo omo kitwa kyage kĩbũyĩrĩre; esyondũlanĩ syosĩ syʼekihugo sititimane; kusangwa ekiro kyʼOmwami Mukulu kikasa, kusangwa kwenene kiri hakũhĩ.

Yoelĩ 2:11

Omwami Mukulu akatanda omulenge wuwe embere syʼemilondo yiwe; kusangwa enganda yiwe ni nene kutsibu; kusangwa oyũkaberereraya ekĩnywa kiwe akalĩre; kusangwa ekiro kyʼOmwami Mukulu ni kinene nʼekyʼerĩũbahya kutsibu; nindi yo wangatoka eriyisiga mukyo kwehĩ?

Yoelĩ 2:31

Eryuba lyasyabindulwa mo mwĩrĩmya, nʼomukera iniabya ngula ngʼomusasi, embere wʼerĩhĩka lyʼekiro kinene kyʼolukengerwa nʼekyʼerĩũbahya kyʼOmwami Mukulu.

Yoelĩ 3:14

Esyondeko, esyondeko omo musya wʼerĩtwa olubanza! Kusangwa ekiro kyʼOmwami Mukulu kiri hakũhĩ omo musya wʼerikatula.

Yoelĩ 3:16

Omwami Mukulu asyaruruma erĩlũa eSĩonĩ, nʼerĩbũga nʼomulenge wuwe eYerũsalema; nʼekyanya nʼekihugo byasyatitimana; nĩkwa Omwami Mukulu asyabya obusayiro bwʼabandu buwe, nʼahakongotere busana nʼabana ba Ĩsraelĩ.

Amosĩ 8:2

Neryo mwabũga ati, Amosĩ, Wamalangirakĩ kwehĩ? Nage monabũga nyiti, Ekĩbo kyʼebĩgũma byʼomugulu wʼengarayi. Neryo Omwami Mukulu mwambwira ati, Endũlĩ yamahĩka oko bandu bage Ĩsraelĩ; sĩndĩendĩsyaswabalyabo.

Zefania 1:10

Nʼoko kiro ekyo, Omwami Mukulu ati, Hasyabya omulenge wʼerilaka owakalũa oko Lũkyo Lwʼamahere, nʼekiriro kĩkalũa oko luhande lwʼakabiri lwʼeYerũsalema, nʼekĩlũmo kinene kĩkalũa oko hitwa.

Zefania 1:7

Uhune embere syʼOmukama, Omwami Mukulu; kusangwa ekiro kyʼOmwami Mukulu kiri hakũhĩ; kusangwa Omwami Mukulu abĩrĩkokotya obuhere, abirihigula abagenĩ buwe.

Malakĩ 4:5

Lebaya, nasyabatumira omũmĩnyererĩ Elĩa emuliro wʼerĩhĩka lyʼekiro kinene nʼekyʼerĩũbahya kyʼOmwami Mukulu.

Emibiri 2:20

Eryuba lyasyabindulwa mo mwĩrĩmya, Nʼomukera iniabya ngula ngʼomusasi, Embere wʼerĩhĩka lyʼeKiro kikulu kyʼolukengerwa lʼOmukama.

AbanyaFilipi 4:5

Mũmĩnyĩkalaye eriyibombeka lyenyũ oko bandu bosĩ, Omukama ali hakũhĩ!

1 AbanyaTesalonika 4:16

Nĩkwa hasyabya omulenge munene wʼeribirikira, nʼomulenge, wʼomũlaĩka mukulu, nʼomulenge wʼengubi ya Nyamuhanga. NʼOmukama asyandagala akalũa elubula; nʼabahola ĩbabĩrĩkĩrĩrya Kristo basyatsũka erĩlũbũka.

AbaEbrania 12:26

Oko mugulu oyo, omulenge wa Nyamuhanga mwasũka-sũkanĩa ekihugo, nĩkwa lino abirilaga ati, Nasyasũka-sũkya kandi, butsira ekihugo ĩkyokyene, nĩkwa nʼolubula nibya.

Yakobo 5:9

Balĩkyetu, simutongane, mukasyatswerwa na Nyamuhanga. Mũlebaye, omũtswerĩ imene oko lũkyo.

2 Petero 2:3

Neryo omo muhuguru wabo abakangĩrĩrya bʼamabehĩ aba, basyababana kwʼendũndĩ omo malagu wabo abakangĩrĩrya bʼamabehĩ aba, bakera, kandi erihera lyabo likalindirirabo.