Zefania 1:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Kandi obũsokĩ bwabo bwasyabya bunyegwa, nʼamanyũmba wabo asyabya bĩhũma; ega basyahĩmba amanyũmba, nĩkwa Sĩbendĩsyĩkala mugo; basyahera amalima wʼebĩnyũ, nĩkwa sibendĩsyapũlya ebĩnyũ byago.

Zefania 1:13 Iomraidhean Croise

Ĩsaya 6:11

Neryo monabũga, nyiti, Mukama, erĩtwĩryahi kwehĩ? Naye mwasũbĩrya ati, Erĩhĩkĩra aho emĩyĩ yasyabera kĩma butsira ndũlanĩ, nʼamanyũmba butsira mundu, nʼekihugo ikyamabibya kĩma kutsibu,

Yeremĩa 15:13

Nasyaha ebindu byawe nʼobuteke bwawe mo munyego butsira obũgũlĩ, ni busana nʼebibi byawe byosĩ, nʼomo mitano yawe yosĩ.

Yeremĩa 17:3

Uwe kitwa kyage omolĩ, nasyaha ebindu byawe nʼobũsokĩ bwawe eribya binyegwa, nʼahʼendata hawe busana nʼebibi, omo mitano yawe yosĩ.

Yeremĩa 4:20

Erĩherya lĩkwamĩre erĩherya lĩkabũgawa, kusangwa ekihugo kyosĩ kyamakwa. Lũba-lũba esyohema syage sĩkaherĩbawa, nʼesyongimba syage esĩkasũkũlĩraya sĩkaherĩbawa neryo-neryo.

Yeremĩa 4:7

Endale yabirihetuka ĩkalũa omo kisaka kyayo, nʼOmũherya wʼebihanda alimwasa omo nzira, abĩrĩlũa aho wuwe, eriyira ekihugo kyawe mo kĩma, emĩyĩ yawe yasyabya mulala, ahate ndũlanĩ.

Yeremĩa 5:17

Nabo basyalya erigesa lyawe, nʼobundu bwawe, basyalya abagala bawe nʼabali bawe. Basyalya ebĩhyo byawe nʼebihangulo byawe. Basyalya emĩrĩkĩ yʼebĩnyũ byawe nʼemiti yʼemĩtĩnĩ yawe. Basyatererya ahisi omo mũyalĩ emĩyĩ yawe eyikongotere eyo ukayiketera.

Yeremĩa 9:11

Kandi nasyayira eYerũsalema mo kilundo kyʼomulala ahʼerĩĩkala hʼesyoboha. Nage nasyayira emĩyĩ yʼeYũda mo kĩma, isihali ndũlanĩ.

Yeremĩa 9:19

Kusangwa omulenge wʼekiriro akogũbawa erĩlũa eSĩonĩ. Twamahera tuti! Twamahemulwa kutsibu kusangwa twabĩrĩsĩga ekitaka, kusangwa babĩrĩterya amanyũmba wetu.

Ekiriro 5:2

Omwandu wetu abirihabwa abʼehandi, Amanyũmba wetu oko bʼehali.

Ezekĩelĩ 22:31

Busana nʼekyo nabĩrĩũtũlĩra kubo erihitana lyage. Nabĩrĩokereryabo nʼomuliro wʼerihitana lyage. Nabĩrĩsũbya enzira yabo yʼoko mitwe yabo, Omukama, Iye Omwami Mukulu atya.

Ezekĩelĩ 7:19

Basyagusa ebĩtsĩpa byabo omo nzira, nʼesyamagetsi syabo syasyabya ngʼekindu kĩtĩre nye. Ebĩtsĩpa byabo nʼesyamagetsi syabo sibyendisyatoka erĩlamyabo oko kiro kyʼerihitana lyʼOmwami Mukulu. Sibendĩsyũgũtya emitima yabo, kutse erĩũsũlya esyonda syabo, kusangwa ebibi byabo byabiribya ndwĩkale.

Ezekĩelĩ 7:21

Kandi nasyahakyo omo byala byʼabandu bʼehandi eribya bunyegwa, nʼoko babi bʼekihugo eribya ekĩkahũngawa nabo basyatsandyakyo.

Ezekĩelĩ 7:24

Busana nʼekyo, nasyaleta ebihanda bibi kutsibu nabyo byasyasĩgalya amanyũmba wabo. Kandi nasyaleka eriyiheka lyʼabandu bʼamaka iriahwa, nʼahabũyĩrĩre habo hasyatsandĩbwa.

Amosĩ 5:11

Busana nʼekyo mũkalĩhĩsaya engemu yʼengano; mwabĩrĩhĩmba amanyũmba wʼamabwe awabatsĩre nĩkwa sĩmwendĩsyĩkala mugo; mwabirihera amalima wʼebĩnyũ wʼerĩtsemesya, nĩkwa sĩmwendĩsyapũlya ebĩnyũ byago.

Mĩka 3:12

Neryo busana nenyũ, eSĩonĩ yasyakwangurwa ngʼeririma, nʼeYerũsalema yasyabya ngʼekĩhĩnga, nʼekitwa kyʼenyũmba yʼeHekalũ kyasyabya ngʼahʼendata hʼomũsĩtũ.

Mĩka 6:15

Wasyabiba, nĩkwa siwendisyagesa; wasyalyatira emĩzeĩtũnĩ erikamayo, nĩkwa sĩwendĩsyayĩhakabya amagũta ayo, kandi wasyakama ebĩnyũ, nĩkwa sĩwendĩsyapũlya ebĩnyũ.

Zefania 1:9

Nʼoko kiro ekyo nasyasuyira abosĩ abakayisumba omo kyaswa kyʼehekalũ, abakũsũlaya enyũmba yʼomukama wabo, nʼomwaga nʼeriteba.

Eryibuka Ebihano 28:30

Mwasyasĩmolya omũkalĩ, nʼogundi mundu asyamũtsandya; ĩmwahĩmba enyũmba, ĩmũtĩkala mũyo; mwasyahera eririma lyʼebĩnyũ, imutatunda omo bĩgũma byalyo.

Eryibuka Ebihano 28:39

Mwasyahera amalima wʼebĩnyũ nʼeririmirayo, nĩkwa sĩmwendĩsyapũlya oko bĩnyũ kutse erioha ebĩgũma; kusangwa enzokombĩ yasyalyabyo.

Eryibuka Ebihano 28:51

kandi kyasyalya enhyana hyʼebihangulo byenyũ nʼembuto yʼekitaka kyenyũ erĩhĩka aho mwasyahererĩbwa; kandi sĩkyendĩsyabasĩgĩra emyaka yʼengano, nʼebĩnyũ bihya-bihya, kutse amagũta, nʼebikakanyirira byʼesyonde syenyũ, kutse ehirere hyʼesyombũlĩ syenyũ, erĩhĩka aho basyabahererya.