Zefania 1:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Nʼoko kiro ekyo, Omwami Mukulu ati, Hasyabya omulenge wʼerilaka owakalũa oko Lũkyo Lwʼamahere, nʼekiriro kĩkalũa oko luhande lwʼakabiri lwʼeYerũsalema, nʼekĩlũmo kinene kĩkalũa oko hitwa.

Zefania 1:10 Iomraidhean Croise

2 Samwelĩ 5:7

Nĩkwa Dawĩdĩ mwayĩmĩrya ahakagatĩre hʼeSĩonĩ; oyũ go mũyĩ wa Dawĩdĩ.

2 Samwelĩ 5:9

Neryo Dawĩdĩ mwĩkala ahakagatĩre, mwalukaho mo mũyĩ wa Dawĩdĩ. Neryo Dawĩdĩ mwahĩmba oko mbande syosĩ erĩtsũka eMĩlo nʼomo mbande syʼomwisi.

2 Abami 22:14

Neryo Hĩlkĩa omũmĩnyererĩ, na Ahĩkamũ, na Akĩborĩ, na Safanĩ, na Asaya, mobaya uku Hũlda omũmĩnyererĩ wʼobũkalĩ, omũkalĩ wa Salumu, mugala wa Tĩkva, mugala wa Harhasĩ, omũteya wʼesyongimba, naye abya ĩkere eYerũsalema omo lundi luhande lwʼakabiri; neryo mobamũkanĩrya.

2 Emyatsi yʼEmigulu 3:1

Neryo Solomono mwatsũka erĩhĩmba enyũmba yʼOmwami Mukulu oko kitwa kyʼeMorĩa eYerũsalema, aho Mwami Mukulu ahulukira Dawĩdĩ tata wuwe, aho Dawĩdĩ akokotaya mo mwanya, oko kibuga kyʼerĩhũmbĩramo kya Ornanĩ Omũyebũsĩ.

2 Emyatsi yʼEmigulu 32:22

Omwami Mukulu kwʼalamaya Hezekĩa yʼatya nʼesyondũlanĩ syʼeYerũsalema omo byala bya Senakarĩbũ omwami wʼeAsũrĩa, nʼomo byala byʼabandi bosĩ, mwasondolabo omo mbande syosĩ.

2 Emyatsi yʼEmigulu 33:14

Neryo enyũma kwʼaho Manase mwahĩmba olũhĩmbo lwʼeyĩhya wʼomũyĩ wa Dawĩdĩ, oko luhande lwʼeyĩkwa lwʼe Gĩhonĩ, omo musya, erĩhĩka oko Lũkyo lwʼeringirira lwʼAmahere; neryo mwatĩmbya mulo mwʼeOfelĩ, mwalolyalo endata kutsibu. Kandi mwahĩra abakulu bʼabasĩrĩkanĩ omo mĩyĩ yosĩ yʼeYũda eyikongotere.

2 Emyatsi yʼEmigulu 34:22

Neryo Hĩlkĩa nʼabo mwami alayira, mobaya eyiri Hũlda omũkalĩ mũmĩnyererĩ, omũkalĩ wa Salumu mugala wa Tohatĩ, mugala wa Hasĩra, omũteya wʼesyongimba naye abya ĩkere eYerũsalema omo ngonde yʼakabiri; nabo mobamubwira omwatsi oyũ.

Nehemĩa 12:39

nʼendata oko Lũkyo lwa Efũraĩmũ, nʼoko Lũkyo lwa Kera, nʼoko Lũkyo lwʼAmahere, nʼoko Nyũmba Nyiri-nyiri Eyĩsũngũlĩkĩre ya Hananelĩ, nʼeNyũmba Nyiri-nyiri Eyĩyĩsũngũlĩkĩre yʼErĩgana, erĩhĩka oko Lũkyo lwʼEsyombũlĩ; kandi mobahangana oko Lũkyo lwʼAbateya.

Nehemĩa 3:3

Nĩkwa abagala ba Hasena mobahĩmba Olũkyo lwʼAmahere; mobahĩra esyonzeguliro syalo, nʼerisingika esyonyũyĩ syalo, nʼesyongomo syalo, nʼebĩsũmĩro byalo.

Ĩsaya 59:11

Ĩtwe bosĩ tũkahũma ngʼedubu, ĩtwabelekũma kutsibu ngʼehĩrĩkũkũ. Tũkahĩra amaha oko lĩbanza litunganene nĩkwa siriri. Tũkahĩra amaha busana nʼomulamo, nĩkwa liri hali ũkwʼĩtwe.

Yeremĩa 39:2

Omo mwaka wʼerĩkũmĩ nʼomuguma wa Zedekĩa, oko mukera wʼakani, ekiro kyʼomwenda kyʼomukera, olũhĩmbo lwʼomũyĩ molwatobolwa.

Yeremĩa 4:31

Kusangwa monowa erilaka ngʼeryʼomũkalĩ ukakunda, eriagalwa lyʼoyukabuta omwana wuwe wʼerĩmbere, omulenge wa mwali wʼeSĩonĩ, oyukahumulikana busana nʼomuka, oyukasanza ebyala biwe, ati, Lino, obũlĩge ũkwʼĩngye! Kusangwa omutima wage akalembera embere syʼabĩtĩ!

Ezekĩelĩ 6:13

Nenyũ mwasyaminya ko ndi Mwami Mukulu omugulu abandu babo abĩtawa basyabya omo katĩkatĩ kʼesyosanamu syabo ĩbatĩmbĩre oko biherero byabo, oko buli kitwa kiri, nʼoko mitwe yosĩ yʼebitwa, nʼomwisi wʼobuli muti mubisi, nʼomwisi wʼobuli muti wʼeterebĩntĩ aho baherera ebikakumba ndeke oko syosanamu syabo syosĩ.

Amosĩ 8:3

Nʼesyonyimbo syʼekikali syasyabya biriro oko kiro ekyo, Omukama, Omwami Mukulu atya; ebĩnda byasyabya bingi; basyagusabyo ehosĩ bũkũtũ.

Zefania 1:15

Ekiro ekyo ni kiro kyʼerihitana, ni kiro kyʼobũlĩge nʼerĩsĩsĩkana, ekiro kyʼerĩherya nʼekĩma, ekiro kyʼomwĩrĩmya nʼomũhĩndanĩa, ekiro kyʼebĩtũ nʼomwĩrĩmya owʼenyahĩnda.

Zefania 1:7

Uhune embere syʼOmukama, Omwami Mukulu; kusangwa ekiro kyʼOmwami Mukulu kiri hakũhĩ; kusangwa Omwami Mukulu abĩrĩkokotya obuhere, abirihigula abagenĩ buwe.