Yuda 1:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Nĩkwa Mĩkaelĩ omũlaĩka mukulu, ekiro alwa nʼeSatanĩ nʼerikuba obuhaka nayo busana nʼomubiri wa Musa, mwatalĩga eritswera Satanĩ omo bĩnywa byʼerimutsuma, nĩkwa mwabwirayo ati, Omwami Mukulu akukunge.

Nouveau Testament et Psaumes en Ndandi Version 1962

⁹ Nikwa omugulu Mikaeli, omulaika mukulu, alwa na Satani, iniakakuba buhaka busana nomubiri wa Musa, mwatalenga erimubwira omwitswera ryeritsuma, nikwa mwabuga ati, Mukama akukunge.

Yuda 1:9 Iomraidhean Croise

1 Emyatsi yʼEmigulu 12:17

Neryo Dawĩdĩ mwahuluka erĩyahĩndana nabo, neryo mwabasũbĩrya mwabwirabo ati, Mwamabya mũkambĩkako nʼobuholo nʼerĩnyĩwatĩkya, omutima wage asyasanganĩbwa nenyũ; nĩkwa mwamasa erinyihotera oko nzĩgũ syage, kusangwa sihali mwaga omo byala byage, Nyamuhanga wʼabotata wetu alangirekyo nʼerikungakyo.

Erĩlũayo 22:28

Susyetsuma Nyamuhanga, kutse eritakira omũtabalĩ wʼabandu benyũ.

Danĩelĩ 10:13

Nĩkwa omunya-mwami wʼobwami bwʼePersĩa mwanyĩkakĩrya ebiro makũmĩ abiri nʼekiguma; nĩkwa lebaya, Mĩkaelĩ, omuguma gʼoko banya-mwami bakulu, mwasa nʼerĩnyĩwatĩkya, nage monasĩgalayo haguma nʼabami bʼePersĩa.

Danĩelĩ 10:21

Nĩkwa ngandikubwira ekĩsakĩre omo masako wʼekwenene; kandi sihali oyukahangana ndeke haguma nage erilwa nʼaba, yo nʼomunya-mwami wenyũ Mĩkaelĩ.

Danĩelĩ 12:1

Nĩkwa oko mugulu oyo omunya-mwami mukulu, ye Mĩkaelĩ, kategaya abandu benyũ, asyahangana. Neryo hasyabya endambĩ yʼobũlĩge, obute bwatabya erĩtsũka omugulu ekihanda kyatsũka, nʼerĩhĩka oko mugulu ono; kandi oko mugulu oyo abandu benyũ basyalamĩbwa obuli mundu oyukabanika iniabirisakwa omo kitabu.

Zekarĩa 3:2

Neryo Omwami Mukulu mwabwira Satanĩ ati, Omwami Mukulu akukunge, uwe Satanĩ! Ega, Omwami Mukulu oyo wabiriyisoga eYerũsalema akukunge! Oyũ si mutahi owapũrawa omo muliro kwehĩ?

Mariko 15:29

Kandi abandu ababya bakalaba mobamutsuma, mobatsinga-tsĩngya emitwe yabo bati, Si haho! Wamabya ũkandĩsyahĩmbũla eHekalũ nʼerĩswahĩmbayo omo biro bisatu.

Eryibuka Ebihano 34:6

Naye mwamuta omo musya omo kihugo kyʼeMoabũ eyisirya wʼeBetĩ-peorĩ; nĩkwa sihali mundu wasĩ eyisinda yiwe erĩhĩka hatya.

1 AbanyaTesalonika 4:16

Nĩkwa hasyabya omulenge munene wʼeribirikira, nʼomulenge, wʼomũlaĩka mukulu, nʼomulenge wʼengubi ya Nyamuhanga. NʼOmukama asyandagala akalũa elubula; nʼabahola ĩbabĩrĩkĩrĩrya Kristo basyatsũka erĩlũbũka.

1 Petero 3:9

Sĩmũtũhũlaye ekibi busana nʼekibi, kutse eritsuma busana nʼeritsuma, nĩkwa kumbe mutsumulebo. Kusangwa Nyamuhanga mwababirikira busana nʼomwatsi oyũ, imwabana eritsumula eryo alaga.

2 Petero 2:11

Nĩkwa abamalaĩka abalengĩrebo omo maka nʼobũtokĩ sibetsongerabo nʼeritsumabo embere syʼOmukama.

Eribisurirwa 12:7

Neryo mohahuluka amalwa elubula. Mĩkaelĩ nʼabamalaĩka buwe mobalwa nʼekiyoka ekyo. Nʼekiyoka ekyo nʼabamalaĩka bakyo mobalwa.