Yuda 1:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Kandi ngabĩbũkaya ngoko abamalaĩka abayisamambula, abatswa aho wabo, Nyamuhanga abiribikabo omo mwĩrĩmya nʼomo mũlĩkĩ Wʼerikota busana nʼEkiro kikulu kyʼeritswera.

Nouveau Testament et Psaumes en Ndandi Version 1962

⁶ Na balaika abatategaya obukulu bwabo nikwa mobasigania emyanya yabo abiribikabo omo mahulula werikota omo mwiri mya wenyahinda erihika okwitswera ryekiro kinene;

Yuda 1:6 Iomraidhean Croise

Matayo 10:15

Kwenene ngabũga nenyũ nyiti, Oko kiro kyʼeritswera, olubanza lwʼekihugo kyʼemĩyĩ yʼeSodomo nʼeGomoro lwasyabya luke oko lʼomũyĩ oyo.

Matayo 25:41

Neryo asyabwira abʼoko byala biwe byʼamelembe ati, Mũlũe kwĩngye, ĩnywe batakirwa! Muye omo muliro wa kera na kera owakokotĩbawa busana na Satanĩ nʼabamalaĩka buwe.

Matayo 8:29

Neryo lebaya, abandu abo mobalaka bati, Tuli na mwatsi wahi nawe, uwe Mugala wa Nyamuhanga, kwehĩ? Ũkahĩka hano erĩtwagalya embere wʼomugulu kwehĩ?

Yoane 8:44

Ĩnywe muli bana ba tata wenyũ Satanĩ, kandi esyongumbu sya tata wenyũ syo mwanzĩre erikola. Iye nĩ mwĩtĩ. Siali mo mwatsi wʼekwenene, kusangwa sihali mwatsi wʼekwenene omo mutima wuwe. Omugulu akabũga amabehĩ, akabũga ebiwe ĩyowene, kusangwa nĩ mũbehĩ, kandi nĩ ĩse wʼamabehĩ.

AbanyaRoma 2:5

Nĩkwa busana nʼobutsibu bʼomutima wawe owatebinduka, ukayibikira erihitana oko kiro ekyo kyʼerihitana lya Nyamuhanga nʼeritswera litunganene riwe lyasyabĩsũlwa.

AbanyaEfeso 6:12

Kusangwa situlilwa nʼabandu, nĩkwa tukalwa nʼabatabalĩ, nʼabʼamaka, nʼabʼehamũlĩ bʼomwĩrĩmya muna-kihugo, nʼemilondo yʼebĩrĩmũ byʼebibi ebiri omo kyanya.

AbaEbrania 10:27

Nĩkwa hali eririndirira omwʼiubaha omusango nʼomuliro owakalĩre, owakandisyabuga esyonzĩgũ sya Nyamuhanga.

2 Petero 2:4

Kusangwa Nyamuhanga mwatabalya abamalaĩka abakola ebibi, nĩkwa mwagusabo omo lĩfero eyo bakabikawa omo mahulula nʼomo mwĩrĩmya, eririndirira ekiro kyʼeritswera.

2 Petero 2:9

Neryo Omukama anasĩ erĩlamya abakamukenga okwʼirengwako. Nĩkwa akabika ababi erisuyirabo erĩhĩka oko kiro kyʼeritswera.

Yuda 1:13

Bali ngʼebisunda byʼengetsi ebitekũbĩbawa, abakahũlũkaya emĩbĩrĩ yabo yʼesĩsonĩ ngʼerĩhũlo. Bali ngʼesyongũnũnũ esikagalaganda. Nyamuhanga abiribikirabo omwĩrĩmya wʼomũhĩndanĩa Wʼerikota.

Eribisurirwa 20:10

Neryo Dĩabolo oyo watebabo mwaguswa omo ngetsi yʼomuliro nʼobũsĩngo, aho enyama eyo nʼomũmĩnyererĩ wʼamabehĩ bagusawa; basyagalwa omo musibo nʼomo kiro kera na kera.

Eribisurirwa 20:2

Neryo mwatsimba ekiyoka ekyo, enzoka eyo ya kera, oyuli Dĩabolo nʼeSatanĩ, neryo mwabohayo oko myaka elfu nguma (1,000).