Yuda 1:25 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁵ Uku Nyamuhanga muguma musa, Omũlamya wetu, omwisi wa Yesu Kristo Omukama wetu, ukwʼiye habye olukengerwa, nʼobukulu, nʼobũtokĩ bosĩ, nʼehamũlĩ, erĩtsũka oko migulu yosĩ ya kera, na lino-lino, na kera na kera. Amina.

Nouveau Testament et Psaumes en Ndandi Version 1962

²⁵ oko Mungu muguma musa, oMulamya wetu busana na Yesu Kristo Mukama wetu, habye olukengerwa, nobukengwa, neritabala, nobutoki, emuliro wemigulu yosi, na lino na kera na kera. Bibye bitya.

Yuda 1:25 Iomraidhean Croise

1 Emyatsi yʼEmigulu 29:11

Obukulu, nʼobũtokĩ, nʼolukengerwa, nʼerĩkĩnda, nʼerikengwa, ni byawe, uwe Mwami Mukulu; kusangwa ebyosĩ ebiri omo lubula, nʼebiri omo kihugo ni byawe; obwami ni bwawe, uwe Mwami Mukulu, ũkayĩhamaya mo mukulu Wʼebyosĩ.

Esyonyimbo 104:24

Uwe Mwami Mukulu, wabirihangika myatsi mingi! Wabirihangika ebyosĩ omo menge manene! Ekihugo kyoswĩre mwʼebihangikwa byawe.

Esyonyimbo 147:5

Omwami Mukulu wetu ni mukulu nʼowʼamaka gosĩ; Eriminya liwe siryangalengwako.

Esyonyimbo 78:20

Kwenene, mwaswĩrya erĩbwe, nʼamagetsi mwakũnũnũka, Nʼesyonyũsĩ mosyatswaga; Nĩkwa, anganatoka nʼerituha obundu kwehĩ? Anganabana esĩswĩ busana nʼabandu buwe kwehĩ?

Ĩsaya 12:2

Lebaya, Nyamuhanga ni mulamo wage. Ngandiyiketera ye, Sindiendisyubaha, kusangwa Omwami Mukulu ye Nyamuhanga, Ni maka wage nʼolwimbo lwage, Naye abiribya mulamo wage.

Ĩsaya 45:21

Mũtũlego, mũhũlũkaye omwatsi wenyũ. Ega, baye mbĩta haguma. Nindi wakanganaya ekĩ okwʼĩtsũka omugulu wa kera kwehĩ? Nindi watũlago kera kwehĩ? Sĩ ngye, Mwami Mukulu kwehĩ? Kandi sihali gundi Nyamuhanga ate ngye, Nyamuhanga wʼeritunganene nʼomũlamya. Sihali gundi ate ngye.

Danĩelĩ 4:37

Na lino ĩngye Nebũkadeneza, ngapipa, nʼerihalamba, nʼerĩsĩkya Omwami wʼelubula, kusangwa emĩbĩrĩ yiwe yosĩ ni kwenene, nʼesyonzira siwe nĩ ʼbanza litunganene; nʼabakalendera nʼeriyiheka, akatoka erĩkehyabo.

Matayo 6:13

Sĩgũtwĩngĩraye omwʼirengwako, nĩkwa ũtũlamaye oko mubi. Kusangwa obwami ni bwawe, Nʼobũtokĩ, nʼolukengerwa, kera na kera. Amina.

Luka 1:47

Ekĩrĩmũ kyage kikatsemera Nyamuhanga Omũlamya wage.

Yoane 4:22

Ĩnywe mũkaramaya ekyo mũtasĩ; ĩtwe tũkaramaya ekyo twasĩ, kusangwa erilama lĩkalũa oko Bayũda.

Yoane 5:44

Mukatoka erĩkĩrĩrya muti, omugulu mukabana erĩsĩkanĩa omuguma oko gundi kwehĩ, isimulisonda-sonda erĩsĩkya erĩkalũa uku Nyamuhanga ĩyowene.

AbanyaRoma 11:33

Kwenene obukulu bwa Nyamuhanga ni bunene! Kwenene Nyamuhanga awite amenge gosĩ nʼeriminya lyosĩ! Sihali mundu wangaminya erisoha liwe! Sihali mundu wangaminyerera esyonzira siwe!

AbanyaRoma 11:36

Kusangwa iye mwahangika emyatsi yosĩ, kandi emyatsi yosĩ iye yo wabumbayo, kandi emyatsi yosĩ iri busana naye. Olukengerwa lubye uku Nyamuhanga kera na kera. Amina.

AbanyaRoma 16:27

Neryo uku Nyamuhanga oyuwite amenge ĩyowene, ukwʼiye habye olukengerwa busana na Yesu Kristo, kera na kera! Amina.

AbanyaEfeso 1:8

olo atuha ndeke-ndeke. Kusangwa Nyamuhanga omo menge nʼeriminya liwe mwakola ebyo abya abĩrĩyĩsũnza.

AbanyaEfeso 3:10

iniatoka, oko mugulu ono, omo kanĩsa yiwe, erĩkangya oko batabalĩ nʼabʼehamũlĩ omo kyanya, amenge wuwe mũsĩndo-mũsĩndo.

AbanyaEfeso 3:21

Olukengerwa lubye ukwʼiye omo kanĩsa nʼomwisi wa Kristo Yesu oko migulu yosĩ, kera na kera. Amina.

1 Timoteo 1:17

Neryo erĩsĩkya nʼolukengerwa bya kera na kera bibye oko Mwami Wʼerikota, oyutehola, kandi oyutelolawako, ye Nyamuhanga ĩyowene-wene. Amina.

1 Timoteo 2:3

Ekĩ ni kibuya, kandi kĩkatsemesaya Nyamuhanga Omũlamya wetu,

Tito 2:10

Kandi sĩbĩbe, nĩkwa bayĩkangaye ngʼabandu babuya abateregula, batoke erĩowanĩa erĩkangĩrĩrya lya Nyamuhanga Omũlamya wetu omo byosĩ bakakola.

Tito 2:13

itukalindirira nʼamaha gʼomũyĩsa ekiro kyʼobutseme, kandi tukalindirira erihuluka lyʼolukengerwa lwa Nyamuhanga wetu mukulu, nʼomũlamya wetu, Yesu Kristo.

Tito 3:4

Nĩkwa omugulu Obugenge bwa Nyamuhanga Omũlamya wetu, nʼolwanzo luwe busana nʼabandu byahuluka,

AbaEbrania 13:8

Yesu Kristo sialihinduka; mũlĩgolo na mũnabwĩre, ega na kera, ikwʼane atya.

1 Petero 4:11

Oyũkatũlago, atũle ebĩnywa bya Nyamuhanga. Oyukakola omũbĩrĩ, akolego omo maka ago Nyamuhanga akamuha. Neryo omo myatsi yosĩ Nyamuhanga apipawe busana na Yesu Kristo. Olukengerwa nʼobũtokĩ ni biwe kera na kera. Amina.

2 Petero 1:1

Ĩngye Sĩmonĩ Petero, omugombe nʼomukwenda wa Yesu Kristo, ngasakira abo babiribana erĩkĩrĩrya ngʼeryo tuwite busana nʼeritunganene lya Nyamuhanga wetu nʼomũlamya Yesu Kristo.

2 Petero 3:18

Nĩkwa mubye mukakula omo lukogo nʼeriminya lyʼomukama nʼomũlamya wetu Yesu Kristo. Ukwʼiye habye olukengerwa, lino, nʼerĩhĩka na kera. Amina.

Eribisurirwa 1:6

kandi oyo watuyira eribya bwami bwʼabahererĩ erikolera Nyamuhanga wuwe na Tata. Uku Yesu Kristo kubye olukengerwa, nʼobũtokĩ, kera na kera! Amina.