Yuda 1:20 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁰ Nĩkwa ĩnywe, abanze betu, mũyĩhĩmbe okwʼĩkĩrĩrya lyenyũ erĩbũyĩrĩre kutsibu; kandi musabe omo bũtokĩ bwʼOmũlĩmũ Abũyĩrĩre.

Nouveau Testament et Psaumes en Ndandi Version 1962

²⁰ Nikwa inywe, abanze, muyihimbe okwikirirya ryenyu ribuyirire kutsibu; musabe omwisi weKirimu Kibuyirire;

Yuda 1:20 Iomraidhean Croise

Zekarĩa 12:10

Neryo nasyũtũlĩra endata wʼekĩtũnga kya Dawĩdĩ, nʼendata oko syondũlanĩ syʼeYerũsalema, Omũlĩmũ wʼeriganyira nʼowʼerisaba; litya lyasyaleka ibalangira oyo batsimita; kandi basyamulirira, ngʼoyukalirira mugala wuwe endogola, kandi basyamũkwĩra obũlĩge nʼerĩsĩrĩkalira, ngʼoyũkasĩrĩkalira busana nʼakambere kuwe.

Emibiri 15:9

Kandi Nyamuhanga mwatalebyandi nandi omo katĩkatĩ ketu nabo, ĩnĩakeraya emitima yabo kwʼebibi, kusangwa bĩkĩrĩraya.

Emibiri 26:18

Ũkandisyalĩbũla ameso wabo, ibatoka eribinduka erĩlũa omo mwĩrĩmya nʼeribindukira ekyakakala, nʼeribinduka erĩlũa oko butabale bwʼeSatanĩ nʼeribindukira Nyamuhanga. Neryo busana nʼerĩnyĩkĩrĩrya babane eribuyirwa lyʼebibi, kandi babane omwanya omo katĩkatĩ kʼabandu abo Nyamuhanga abiriyisoga, nʼabo abirihigula.

Emibiri 6:7

Litya ekĩnywa kya Nyamuhanga mokyakanyirira. Nʼeriganza lyʼabiga nalyo molyakanyirira kutsibu eYerũsalema, nʼabahererĩ bangi mobalĩga erĩkĩrĩrya eryo.

Emibiri 9:31

Neryo ekanĩsa yʼeYũdea hosĩ nʼeGalĩlaya, nʼeSamarĩa moyabya nʼobuholo. Kandi ekanĩsa moyayĩhĩmba, nʼerĩyĩgenderya omʼubaha lyʼomukama, nʼomwʼĩsĩbĩkya lyʼOmũlĩmũ Abũyĩrĩre, moyakanyirira.

AbanyaRoma 15:2

Obuli mundu kwĩtwe atsemesaye mũlĩkyabo, busana nʼerĩmũwatĩkya nʼerĩmũhanganĩa ndeke.

AbanyaRoma 8:15

Kusangwa Omũlĩmũ ogo Nyamuhanga abaha, sialibayira mo bakobe, Sialireka mukubaha kandi. Nĩkwa Omũlĩmũ akabayira mo bagala ba Nyamuhanga; kandi omo bũtokĩ bwʼOmũlĩmũ tukabirikira tuti, Tata! Tata!

1 AbanyaKorinto 1:8

Naye asyabasĩkya erĩhĩka oko ndũlĩ, isimuli oko lubanza oko kiro kyʼomukama wetu Yesu Kristo.

1 AbanyaKorinto 10:23

Emyatsi yosĩ yanganakolwa, nĩkwa emyatsi yosĩ sirigasakĩ. Emyatsi yosĩ yanganakolwa, nĩkwa emyatsi yosĩ sĩrĩhĩmba.

1 AbanyaKorinto 14:15

Neryo ngandikolakĩ kwehĩ? Ngandisaba omo kĩrĩmũ kyage kandi ngandisaba omo bũlengekanĩa bwage nibya. Ngandisyimba omo kĩrĩmũ kyage, kandi ngandisyimba omo bũlengekanĩa bwage nibya.

1 AbanyaKorinto 14:26

Balĩkyetu, omwatsi abere ati kwehĩ? Omugulu mũkahĩndana haguma, omundu muguma awite Olwimbo, nʼogundi awite ekĩnywa kyʼerĩkangĩrĩrya, nʼogundi awite erĩbĩsũlĩrwa lya Nyamuhanga, nʼogundi awite ekĩnywa kyʼomũsĩndo-mũsĩndo, nʼogundi awite erĩkũmbũlakyo. Emyatsi yosĩ ikolawe busana nʼerĩhĩmba ekanĩsa.

AbanyaGalatia 4:6

Kandi kusangwa muli bagala, Nyamuhanga abirituma Omũlĩmũ wʼomugala wuwe omwisi wʼemitima yetu, owakabirikira ati, Tata, Tata!

AbanyaEfeso 4:12

Neryo mwakola atya erĩtegekanĩa abandu ba Nyamuhanga busana nʼomũbĩrĩ wuwe, nʼerĩhĩkanĩa omubiri wa Kristo.

AbanyaEfeso 4:16

Busana naye omubiri gosĩ akatsũkĩkanĩbawa nʼerilukwa haguma omo buli nungo. Obuli kĩtsũko kyamakola haguma kikaleka omubiri gosĩ iniakula ndeke nʼerĩkanyĩa omo lwanzo.

AbanyaEfeso 4:29

Sĩmũbũge ebĩnywa ebĩtĩsĩrĩre, nĩkwa mũbũge ebĩnywa bibuya ebĩkawatĩkaya nʼerĩhĩmba bandu, ebikaha olukogo oko bandu abakowa.

AbanyaEfeso 6:18

Musabe kutsibu nʼerĩbũlya Nyamuhanga erĩbawatĩkya. Kandi musabe omo migulu yosĩ ngoko Mũlĩmũ Abũyĩrĩre akabasondola. Busana nʼomwatsi oyũ, mũyĩtegaye, nʼeriyitsingirira, imunemusabira abandu bosĩ ba Nyamuhanga.

AbanyaKolosai 2:7

Muhande emĩrĩhĩ yenyũ omwisi wuwe. Mũsĩkaye erĩkĩrĩrya lyenyũ ngoko mwakangĩrĩrĩbawa. Mubye nʼomutima oswĩre nʼewasĩngya.

1 AbanyaTesalonika 5:11

Neryo mũsĩbĩkanaye, nʼerihĩmbana, ngoko mukanakola.

1 Timoteo 1:4

Ubwirebo uti, baleke eriahula emitsye ya kera nʼamena wʼaboso-kulu, ebikaleta obuhaka. Ebĩ sĩbyewatĩkaya omũbĩrĩ wa Nyamuhanga, owakahangana omwʼĩkĩrĩrya.

2 Timoteo 1:5

Neryo ngibuka erĩkĩrĩrya lyawe lyʼekwenene; ngʼeryo mukaka wawe Loĩsĩ na koyo wawe Eũnĩkĩ babya bawite. Kandi nawe nyasĩ uwiteryo nibya.

Tito 1:1

Ĩngye Paũlo, omugombe wa Nyamuhanga, nʼomukwenda wa Yesu Kristo, Ĩngye nayisogawa, kandi natumawa erĩwatĩkya erĩkĩrĩrya lyʼabandu Nyamuhanga ayisoga. Kandi erĩwatĩkyabo eriminya ekyʼekwenene omo kisomo kyetu kyʼerikenga Nyamuhanga.

Yakobo 2:22

Mũlebaye ngoko erĩkĩrĩrya molyakola omo mĩbĩrĩ yiwe, kandi erĩkĩrĩrya liwe molyahĩkana omo mĩbĩrĩ yiwe.

2 Petero 1:1

Ĩngye Sĩmonĩ Petero, omugombe nʼomukwenda wa Yesu Kristo, ngasakira abo babiribana erĩkĩrĩrya ngʼeryo tuwite busana nʼeritunganene lya Nyamuhanga wetu nʼomũlamya Yesu Kristo.

1 Yoane 5:4

Kusangwa oyũbũtĩrwe na Nyamuhanga akakĩnda ekihugo. Neryo erĩkĩrĩrya lyetu lyo lyabĩrĩkĩnda ekihugo.

Yuda 1:3

Abanze betu, nabya ngalenga kutsibu eribasakira omwatsi wʼerilama lyetu eryo tũsangĩre. Kandi naganĩraya nyiti litolere inabasakira eribalemba-lemba nyiti, Mulwire erĩkĩrĩrya eryo Nyamuhanga abiriha abandu buwe busana na kera na kera.

Eribisurirwa 13:10

Omundu oyo wangahambwa mo mukobe, asyahambwa mo mukobe kwenene. Kandi oyo wangakwa omo mũyalĩ, naye ĩnĩakwa omo mũyalĩ. Erĩ niʼyitsingirira nʼerĩkĩrĩrya lyʼabandu ba Nyamuhanga.