Yuda 1:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Abandu aba ni bandu bʼemĩtĩndũ omwʼirya lyenyũ lyʼAbakristo, ibakalya haguma nenyũ butsira eriubaha, ibakayirembera ĩbobene. Bali ngʼebĩtũ ebite mo mbũla, ibakahekawa nʼerihunga. Bali ngʼemiti eyitawite ebĩgũma oko mugulu atolere. Kandi bali ngʼemiti eyũmĩre kabiri, eyabirikulangwa nʼemĩrĩhĩ yayo.

Nouveau Testament et Psaumes en Ndandi Version 1962

¹² Aba ni bitingu omwirya ryenyu ryolwanzo omugulu bakarya haguma nenyu abalisya abakayugutaya butsira eri ubaha; ebitu bite mo magetsi, ebikatwalawa nerihunga; emiti ite kobiguma komugulu wabyo, iholire kabiri, yabirikulangwa nemirihi;

Yuda 1:12 Iomraidhean Croise

2 Emyatsi yʼEmigulu 7:20

neryo nasyabakula nʼemĩrĩhĩ haguma omo kihugo kyage ekyo nabiribaha; nʼenyũmba eyo nabirihigula busana nʼerĩna lyage, nasyagusago erĩlũa omo meso wage, kandi nasyayirayo eribya mũsyo nʼekyʼerisekwa omo katĩkatĩ kʼabandu bosĩ.

Yobũ 8:17

Emĩrĩhĩ yiwe ibohene omo kilundo kyʼamabwe. Akahamba enyũmba yʼamabwe.

Esyonyimbo 1:3

Ali ngʼomuti owaherĩre oko mũsĩke wʼolũsĩ; Owakahetaya omo kirimo kyago, Nʼebikoma byago sibiriuma. Nʼebyosĩ omundu oyũ akakola bikatsumulawa.

Esyonyimbo 37:2

Basyabulirayo ngʼebiti ebikuma, Kandi basyakangalagatana ngʼemyaka eyikuma.

Emĩsyo 25:14

Ngʼebĩtũ nʼerihunga ebite mo mbũla, Kwʼali atya oyukayipipa omo lũsũnzo lwʼamabehĩ.

Ezekĩelĩ 17:9

Ũbũge uti, Omukama Iye Omwami Mukulu ati, Asyalasa kwehĩ? Siendisyakula emĩrĩhĩ yago nʼerĩtwa ebĩgũma byago, iniuma, nʼebikoma byosĩ byago ebikalasa ibyuma kwehĩ? Kandi si busana nʼamaka manene kutse abandu bangi bangatoka erĩhanganĩago kandi.

Ezekĩelĩ 34:10

Omukama Iye Omwami Mukulu ati, Lebaya, ngalwa nʼabalĩsya nasyabũlya esyombũlĩ syage ewabo, nasyatsĩrĩsyabo okwʼĩrĩsya esyombũlĩ. Litya abalĩsya sibendisyaswayĩrĩsya kandi, nĩkwa nasyalamya ekihangulo kyage oko buno bwabo. Isitabya kalyo, busana nabo.

Ezekĩelĩ 34:18

Ko ni mwatsi muke busana nenyũ erirya omo lũlĩsĩryo lowene, nĩkwa muti linatolere eriryatangirira omo bigere byenyũ awandi malĩsĩryo wenyũ kwehĩ? Kutse muti ĩnũkapũlaya amagetsi awatekĩre amabuya, nĩkwa litolere ĩmwatabũla omo bigere byenyũ awandi magetsi mabuya kwehĩ?

Ezekĩelĩ 34:2

Omugala wʼomundu, uminyerere amalwa busana nʼabalĩsya ba Ĩsraelĩ. Uminyerere, Ubwire abalĩsya abo uti, Omukama Iye Omwami Mukulu ati, Obũlĩge, oko balĩsya ba Ĩsraelĩ abakayĩrĩsaya! Abalĩsya sĩbangalĩsya ekihangulo kwehĩ?

Ezekĩelĩ 34:8

Omukama Iye Omwami Mukulu ati, Ngoko nyiriho, kwenene ngoko ekihangulo kyage kyabiribya bunyegwa, nʼekihangulo kyage kyabiribya kalyo busana nʼesyonyama syosĩ syʼomolĩ, eribula omũlĩsya, nʼabalĩsya bage mobatasonda-sondya ekihangulo kyage, nĩkwa abalĩsya mobayĩrĩsya, mobatalĩsya ekihangulo kyage,

Hosea 6:4

Uwe Efũraĩmũ, ngandisyakukolakĩ kwehĩ? Uwe Yũda nasyakukolakĩ kwehĩ? Kusangwa obubuya bwawe buli ngʼekĩtũ kyʼengyakya-ngyakya, kandi ngʼekimi ekĩkalũaho omo tũtũtũ.

Abalawĩ 14:43

Nĩkwa ekiminyikalo ekyo, kyamaswahuluka omo nyũmba, enyũma wʼerĩlũsyamo amabwe nʼenyũma wʼerikorogota enyũmba, nʼenyũma wʼerĩhakabyamo embemba.

Matayo 13:6

Neryo eryuba molyakola, molyahĩsyasyo, neryo kusangwa emĩrĩhĩ yabya mike-mike, mosyuma.

Matayo 15:13

Yesu mwasũbĩryabo ati, Obuli mbuto eyo Tata wage wʼelubula atahera yasyakulangwa.

Mariko 4:6

Neryo eryuba lyabere lyakola, molyahĩsyasyo, neryo kusangwa emĩrĩhĩ yabya mike-mike, mosyuma.

Luka 12:45

Nĩkwa omugombe oyo amayibwira omo mutima wuwe ati, Omukama wage sialitasa lũba, ĩnĩatsũka erĩswĩrya abagombe bʼobulume nʼabʼobũkalĩ, nʼerirya, nʼerĩpũlya nʼerĩkũnda,

Luka 16:19

Neryo habya omundu wʼebindu iniakambala esyongimba syʼobũgũlĩ bunene syʼekĩtanĩ nʼesyʼomunyama. Kandi iniakalya ebyowenenga.

Luka 21:34

Mũyĩtegaye, emitima yenyũ sĩyĩrĩtoherawe nʼeritamira, nʼerĩkũnda, nʼamalengekanĩa wʼengebe yʼeno, neryo ekiro ekyo kĩkabahĩkako lũba-lũba!

Luka 8:6

Nʼesindi mosyatogera oko kitaka kyʼamabwe, nʼomugulu syalasa mosyuma kusangwa mosyabula amagetsi.

AbanyaEfeso 4:14

Itutaswabya bana, abakagusawa eyĩ nʼeyĩ omo bisunda byʼengetsi, kutse erihekwa ehandi nʼehandi nʼamahunga gosĩ wʼerĩkangĩrĩrya lyʼabandu abakateba, kandi abakatalaya abandu omo bũgobya bwabo.

AbanyaFilipi 3:19

Endũlĩ yabo basyaherĩbwa, kandi babiriyira esyongumbu syabo mo nyamuhanga wabo. Bakayihalamba omo myatsi yʼesĩsonĩ, bandu bʼekihugo.

1 Timoteo 5:6

Nĩkwa omũkwakalĩ oyũkayĩtsemesaya nĩ mũholĩ nomo angabya akineho.

AbaEbrania 13:9

Simutwalawe omwʼĩkangĩrĩrya lyʼemĩsĩndo-mĩsĩndo nʼeryʼehandi. Kusangwa lyowene emitima yenyũ ĩsĩkĩbawe nʼolukogo lwa Nyamuhanga. Sĩyĩsĩkĩbawe omo myatsi yʼebyalya, eyitereta mugaso oko bakakwamayo.

Yakobo 5:5

Mwabirisiba muna-kihugo ngʼabami, nʼerĩyĩtsemesya ndeke. Mwabĩrĩnenehya emitima yenyũ busana nʼekiro kyʼerikerwa.