Yuda 1:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Ĩngye Yũda, omugombe wa Yesu Kristo, nʼomugala wabo Yakobo, ngabasakira ĩnywe mwabirikirawa, abanzĩrwe na Nyamuhanga Tata, kandi abakalemberawa busana na Yesu Kristo.

Nouveau Testament et Psaumes en Ndandi Version 1962

¹ Yuda, omugombe wa Yesu Kristo, omugala wabo Yako bo, kwabo bakabirikirawa, abanze omwisi woMungu Tata, na bakateyibawa busana na Yesu Kristo:

Yuda 1:1 Iomraidhean Croise

Matayo 10:3

Fĩlĩpo, na Bartolomayo; Toma na Matayo mũsolesya; Yakobo mugala wa Alufayo, na Tadeo;

Matayo 13:55

Oyũ si mugala wʼomũbatsĩ wʼesyombago kwehĩ? Nyĩnya wuwe siakahulawa mo Marĩa, nʼabagala babo si Yakobo, na Yosefũ, na Sĩmonĩ, na Yũda kwehĩ?

Mariko 3:18

na Anderea, na Fĩlĩpo, na Bartolomayo, na Matayo, na Toma, na Yakobo mugala wa Alufayo, na Tadeo, na Sĩmonĩ Mukanana,

Mariko 6:3

Oyũ si yo mũbatsĩ wʼesyombago, mugala wa Marĩa, na mugala wabo Yakobo, na Yose, na Yũda, na Sĩmonĩ kwehĩ? Nʼabali babo sĩbĩkere haguma netu eno kwehĩ? Neryo mobamugana batya.

Luka 6:16

na Yũda Ĩskarĩota, oyo wamuhotera.

Yoane 12:26

Omundu amanyikolera, anyikwame, nʼaho nyiri ha nʼaho omugombe wage asyabya. Omundu amanyikolera, Tata asyamũsĩkya.

Yoane 14:22

Yũda, oyute Ĩskarĩota, mwamũbũlya ati, Mukama, byamabya biti kwehĩ? uti, wasyayĩkangya ũkwʼĩtwe, ũteyĩkangaya oko kihugo kwehĩ?

Yoane 15:16

Simwetayisoga ngye, nĩkwa nayisoga nywe, kandi nabĩrĩbahĩra eriyatunda endũndĩ, kandi endũndĩ yenyũ iyatoka eribyaho. Neryo Tata asyabaha ekĩndũkĩ ekyo mũkabũlaya omo lĩna lyage.

Yoane 17:15

Sĩndĩkũbũlaya nyiti, Ũlũsayebo omo kihugo, nĩkwa ngakũbũlaya nyiti, Ũtegayebo oko Mubi.

Yoane 17:17

Uhigulebo omo mwatsi wʼekwenene. Ekĩnywa kyawe ni mwatsi wʼekwenene.

Yoane 17:19

Kandi ngayiha ukʼuwe busana nabo, ibatoka eribya bawe kwenene.

Yoane 6:39

Kandi erianza lyʼoyo wanyituma lyerĩ ati, sĩnyĩtalaye nʼomuguma oko bosĩ abirimba, nĩkwa nyĩlũbũkaye abosĩ oko kiro kyʼenyũmanyũma.

Emibiri 1:13

Neryo babere bahĩka eYerũsalema, mobahetukira endata omo kyumba kyʼenyũmba aho babya bĩkere. Nabo babya Petero, na Yoane, na Yakobo, na Anderea, Fĩlĩpo na Toma, Bartolomayo, na Matayo, Yakobo mugala wa Alfayo, na Sĩmonĩ-Zelote, na Yũda mugala wa Yakobo.

Emibiri 20:32

Neryo lino ngabahĩra omo byala bya Nyamuhanga, nʼomo kĩnywa kyʼolukogo luwe. Iye atoke erĩbahĩmba, nʼeribaha omũyĩsa ogo akabikira abandu buwe bosĩ, abo abirihigula.

Emibiri 27:23

Kusangwa omo kiro kino, ye Nyamuhanga, nage indi wuwe, kandi ngamukolera, mwatuma omũlaĩka wuwe erihangana hakũhĩ nage.

AbanyaRoma 1:1

Ĩngye Paũlo, omugombe wa Kristo Yesu nʼomukwenda oyo Nyamuhanga abirikira nʼerimusombola busana nʼEngulu Yowene yiwe.

AbanyaRoma 1:6

Nenyũ nibya ĩnywe muli eRoma, Nyamuhanga abiribabirikira eribya bandu ba Yesu Kristo.

AbanyaRoma 16:18

Kusangwa abandu ngʼabo sibekolera Omukama wetu Kristo, nĩkwa bakakolera esyonda syabo. Kusangwa bakateba emitima yʼabandu bate nʼamenge, omo bĩnywa bitendere nʼebyʼekĩsehya.

AbanyaRoma 6:22

Nĩkwa lino mwabiriboholwa oko bibi, mwabiribya bakobe ba Nyamuhanga, mukabana endũndĩ yʼeribya nʼemigendere mĩbũyĩrĩre, nʼendũlĩ ni ngebe yʼerikota.

AbanyaRoma 8:30

Nʼabo ayisoga kera mwabirikirabo. Nʼabo abirikira mwayirabo mo batunganene, nʼabo ayira mo batunganene, ba nʼabo ahabo erisangira omo lukengerwa luwe.

AbanyaRoma 9:24

Kusangwa nĩ ĩtwe abirikira, butsira omo katĩkatĩ kʼAbayũda basa, nĩkwa omo katĩkatĩ kʼEbihanda nibya.

1 AbanyaKorinto 1:2

tukabasakira haguma, ĩnywe kanĩsa ya Nyamuhanga eyiri eKorĩnto, ababirikirawa eribya bandu ba Nyamuhanga, abahigulawa erimatikana na Kristo Yesu. Kandi tukabasakira haguma nʼabandu bosĩ ehosĩ abakalakira erĩna lyʼomukama wetu Kristo. Yo Mukama wabo nʼowetu.

1 AbanyaKorinto 6:11

Neryo abandi omo katĩkatĩ kenyũ ko mwanabya mutya; nĩkwa lino ĩnywe mwabĩrĩerĩbwa kwʼebibi, kandi mwabirihigulwa, kandi mwabiriyirwa mo batunganene busana nʼerĩna lyʼomukama Yesu Kristo, nʼomo Mũlĩmũ wa Nyamuhanga wetu.

AbanyaEfeso 5:26

iniatoka erihigulayo nʼerĩeryayo ĩnĩamabĩlabyayo omo magetsi, kye kĩnywa kiwe.

1 AbanyaTesalonika 2:12

Motwabahana, motwabahamĩrya, motwabalemba-lemba, tuti imwalendera ngoko litolere embere sya Nyamuhanga, oyukababirikira erisangira obwami buwe nʼolukengerwa luwe.

1 AbanyaTesalonika 5:23

Neryo Nyamuhanga oyukaha Obuholo, iye abahigule ĩmwahĩkana. Kandi abategaye omo kĩrĩmũ kyenyũ, nʼomutima wenyũ, nʼomubiri wenyũ, imwabya butsira kahinira okwʼĩhĩka lyʼomukama wetu Yesu Kristo.

2 Timoteo 1:9

Iye abĩrĩtũlamya nʼeritubirikira eribya bahigulwa buwe-buwe. Mwatakola atya busana nʼemikolere yetu, nĩkwa busana nʼerĩyĩsũnza liwe nʼolukogo luwe. Kandi mwatuha olukogo olũ omwisi wa Kristo Yesu embere wʼerĩtsũka lyʼemigulu.

2 Timoteo 4:18

Neryo Omukama asyanyĩlamya kwʼekibi kyosĩ, nʼerinyitwala buholo omo Bwami buwe bwʼelubula. Neryo olukengerwa lubye ukwʼiye busana na kera na kera. Amina.

AbaEbrania 3:1

Neryo balĩkyetu, bana ba Nyamuhanga, abo Nyamuhanga abirikira nibya, mũganĩraye ndeke Yesu, omukwenda nʼomũhererĩ mukulu oko bahererĩ bosĩ, owʼemyatsi eyo tũkĩkĩrĩraya.

Yakobo 1:1

Ĩngye Yakobo, omugombe wa Nyamuhanga nʼOmukama Yesu Kristo, ngabakeraya ĩnywe bihanda ĩkũmĩ nʼebibiri ababiripanza-panzwa omo kihugo kyosĩ.

1 Petero 1:2

Nyamuhanga Tata, mwabaminya kera nʼeriyisoga nywe. Omũlĩmũ Abũyĩrĩre iniabiribahigula, imwatoka erĩowa Yesu Kristo nʼerĩerĩbwa omo musasi wuwe. Olukogo nʼobuholo bibye nenyũ kutsibu.

1 Petero 1:5

Emĩyĩsa eyo ni busana nenyũ abakateyĩbawa omo maka wa Nyamuhanga busana nʼerĩkĩrĩrya lyenyũ, imukalindirira erilama eryo likandisyabĩsũlwa oko mugulu wʼenyũma-nyũma.

1 Petero 2:9

Nĩkwa ĩnywe muli kihanda ekyayisogawa, abahererĩ bʼobwami, ekihanda kĩbũyĩrĩre, abandu ba Nyamuhanga, imwatoka erĩkangya emĩbĩrĩ mibuya ya Nyamuhanga, oyo wababirikira erĩlũa omo mwĩrĩmya nʼeriingira omo kyakakala kiwe kyʼeriswekera.

1 Petero 5:10

Neryo mwamabiagalwa akatambĩ, Nyamuhanga owʼolukogo losĩ oyo wababirikira erisangira olukengerwa luwe lwʼerikota haguma na Kristo, asyabahĩkanĩa, nʼerĩbasĩkya, nʼeribaha amaka, nʼerĩbahanganĩa ndeke.

2 Petero 1:1

Ĩngye Sĩmonĩ Petero, omugombe nʼomukwenda wa Yesu Kristo, ngasakira abo babiribana erĩkĩrĩrya ngʼeryo tuwite busana nʼeritunganene lya Nyamuhanga wetu nʼomũlamya Yesu Kristo.

Yuda 1:21

Muyibike omo lwanzo lwa Nyamuhanga, imukalindirira eriganyira lyʼomukama wetu Yesu Kristo, erikaleta engebe yʼerikota.

Yuda 1:3

Abanze betu, nabya ngalenga kutsibu eribasakira omwatsi wʼerilama lyetu eryo tũsangĩre. Kandi naganĩraya nyiti litolere inabasakira eribalemba-lemba nyiti, Mulwire erĩkĩrĩrya eryo Nyamuhanga abiriha abandu buwe busana na kera na kera.