Yosũa 9:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Mobaya eyiri Yosũa eGĩlgalĩ mobamubwira nʼabandu ba Ĩsraelĩ bati, Tũkalũa omo kihugo kyʼehali; lino uyire endagano netu.

Yosũa 9:6 Iomraidhean Croise

1 Abami 8:41

Kandi busana nʼowʼehandi, oyute gʼoko bandu bawe Abaĩsraelĩ, omugulu asyasa akalũa omo kihugo kyʼehali busana nʼerĩna lyawe,

2 Abami 20:14

Neryo omũmĩnyererĩ Ĩsaya mwasa oko mwami Hezekĩa, mwamubwira ati, Abandu abo mobabũgĩre batĩkĩ kwehĩ? Kandi bakũhĩkako ĩbakalũa hahi kwehĩ? Neryo Hezekĩa mwasũbĩrya ati, Balũa omo kihugo kyʼehali eBabelĩ.

Yosũa 10:43

Neryo Yosũa mwasubula, nʼAbaĩsraelĩ bosĩ haguma naye, oko kilaliriro eGĩlgalĩ.

Yosũa 10:6

Neryo abandu bʼeGĩbeonĩ mobatuma uku Yosũa oko kilaliriro eGĩlgalĩ, bati, Sĩgolobaye okuboko kwawe oko bagombe bawe; utehetukire lũba, ũtũlamaye, ũtũwatĩkaye; kusangwa abami bosĩ bʼAbaamorĩ abĩkere omo kihugo kyʼebitwa babĩrĩhĩndana eritubambira.

Yosũa 4:19

Nʼabandu bosĩ mobasabuka omo Yorodanĩ oko kiro kyʼerĩkũmĩ kyʼomukera wʼerĩtsũka, mobalalirira eGĩlgalĩ, oko mutano wʼendata wʼeYerĩko.

Yosũa 5:10

Nʼabana ba Ĩsraelĩ mobalalirira eGĩlgalĩ; kandi mobateya Erikiruka oko kiro kyʼerĩkũmĩ nʼebini kyʼomukera omwʼĩgolo-golo omo bwerere bwʼeYerĩko.

Yosũa 9:5

Nʼesyongendero ngulu-kulu esĩlandĩre oko bisando byabo, ibambite nʼesyongimba esĩkũlĩre; nʼamandu gosĩ wʼendanda yabo abya ũmĩre nʼerĩkwa embuhu.

Yosũa 9:9

Nabo mobamubwira bati, Abagombe bawe bakalũa omo kihugo mo hali busana nʼengulu yʼOmwami Mukulu Nyamuhanga wawe; kusangwa twabĩrĩowa erĩkũmayira liwe, nʼebyosĩ akola eMĩsĩrĩ,