Yosũa 9:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ mobakola nʼamenge, mobagenda nʼeriyihindula mo bakwenda, mobahĩra esyongunza ngulu oko syopunda syabo, nʼebihu byʼebĩnyũ ebikulukulu ebĩtobongokĩre nʼebĩlandĩre.

Yosũa 9:4 Iomraidhean Croise

Enzũko 34:13

Nĩkwa abagala ba Yakobo mobasũ bĩrya Sekemũ na Hamorĩ tata wuwe omo matebo, mobabũga batya kusangwa ĩnĩabĩrĩtsandya mwali wabo ye Dĩna.

Esyonyimbo 119:83

Indi buyira ngʼekihu kyʼebĩnyũ ekyabiriponwa. Nĩkwa sinditibirirwa ebihano byawe.

Matayo 10:16

Lebaya, ngabatuma ngʼesyombũlĩ omo katĩkatĩ kʼesyombwa syʼomolĩ. Neryo mubye nʼamenge ngʼesyonzoka, kandi mubye bandu bolo ngʼehĩrĩkũkũ.

Matayo 9:17

Kutse sihali omundu oyũkũtũlĩra ebĩnyũ bihya-bihya omo bihu bikulu-kulu byʼebĩnyũ. Kite kitya ebihu byʼebĩnyũ bikatulika, nʼebĩnyũ bĩkũtĩka, nʼebihu byʼebĩnyũ bikatsanda; nĩkwa bakahĩra ebĩnyũ bihya-bihya omo bihu bihyabihya byʼebĩnyũ, nʼebyosĩ bikabya ndeke.

Mariko 2:22

Kutse sihali mundu oyũkũtũlĩra ebĩnyũ bihya-bihya byʼomo bihu bikulu-kulu byʼebĩnyũ. Amayira atya, ebĩnyũ bikatula ebihu, nʼebĩnyũ haguma nʼebihu ibyatsanda. Nĩkwa ebĩnyũ bihya-bihya bĩkahĩrawa omo bihu bihya-bihya byʼebĩnyũ.

Luka 16:8

Neryo omukama wʼomũteya wʼamabehĩ oyũ mwamupipa busana nʼamenge wuwe; kusangwa bandu bʼekihugo kino ni bʼamenge omo myatsi yabo kwilaba abandu bʼekyakakala.

Yosũa 9:12

Aya wa mandu wetu twalũsaya omo manyũmba wetu ĩnĩanahũhĩre busana nʼendanda yetu ekiro twahongoka eriasa ũkwʼĩnywe; nĩkwa lino, lebaya, ũmĩre, abĩrĩkwa embuhu.

Yosũa 9:13

Nʼebihu ebĩ byʼebĩnyũ, twasa ibine bihya-bihya; neryo lebaya, byabirisatangika; nʼesyongimba syetu esĩ nʼesyongendero syetu syabirikula busana nʼolugendo luli.

Yosũa 9:3

Nĩkwa omugulu esyondũlanĩ syʼeGĩbeonĩ syowa ebyo Yosũa akolera eYerĩko nʼeAĩ,

Yosũa 9:5

Nʼesyongendero ngulu-kulu esĩlandĩre oko bisando byabo, ibambite nʼesyongimba esĩkũlĩre; nʼamandu gosĩ wʼendanda yabo abya ũmĩre nʼerĩkwa embuhu.