Yosũa 9:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Nʼabakulu betu nʼesyondũlanĩ syosĩ syʼekihugo kyetu mobatubwira bati, Muheke endanda omo byala byenyũ busana nʼolugendo, mũyahĩndane nabo, mubabwire muti, Tuli bagombe benyũ; na lino muyire endagano netu.

Yosũa 9:11 Iomraidhean Croise

Enzũko 43:12

Mwĩmaye esyofranka syo kabiri omo byala byenyũ nʼesyofranka esyasubula omo muno wʼesyongunza syenyũ muswehekasyo omo byala byenyũ. Kwamũhwa byibiriranawa.

2 Abami 10:5

Neryo oyo wabya mũhanganĩrĩ wʼenyũmba, nʼoyo wabya mũhanganĩrĩ wʼomũyĩ, nʼabakulu nibya, nʼabo, abakũlaya abana, mobatuma uku Yehũ bati, Tuli bagombe bawe, kandi tukandikola ebyosĩ ebyo ukatuhana; sitwendisyayira mundu mo mwami, Ukole ekyowene omo meso wawe.

Esĩterĩ 8:17

Nʼomo buli kihugo, nʼomo buli mũyĩ, ehosĩ eyo ekihano kyʼOmwami nʼekihamulo kiwe byahĩka Abayũda mobabya omo kisiyi-siyi, nʼeritsanga nʼobutseme, nʼerirya ĩnene. Nʼabangi omo katĩkatĩ kʼebihanda byʼekihugo mobayiyira mo Bayũda; kusangwa eriubaha lyʼAbayũda molyawa kubo.

Luka 9:3

Kandi mwabwirabo ati, Simutwale kindu busana nʼolugendo lwenyũ, kutse omũtso, kutse engunza, kutse akalyo, kutse franka, kutse esyokanzu ĩbĩrĩ.

Yosũa 1:11

Mulabe omo katĩkatĩ kʼekilaliriro, muhane abandu muti, Mũhũke endanda; kusangwa omo biro bisatu mwasyasoka eYorodanĩ eyĩ, eriingira erĩsĩgalya ekihugo, ekyo Mwami Mukulu Nyamuhanga wenyũ akabaha erĩsĩgalyakyo.

Yosũa 9:10

nʼebyosĩ akolera abami babiri bʼAbaamorĩ, ababya eyisirya wʼeYorodanĩ, Sĩhonĩ omwami wʼeHesĩbonĩ, na Ogĩ omwami wʼeBasanĩ, oyo wabya eAstarotĩ.

Yosũa 9:12

Aya wa mandu wetu twalũsaya omo manyũmba wetu ĩnĩanahũhĩre busana nʼendanda yetu ekiro twahongoka eriasa ũkwʼĩnywe; nĩkwa lino, lebaya, ũmĩre, abĩrĩkwa embuhu.

Yosũa 9:8

Kandi Abahĩvĩ mobabũga na Yosũa bati, Ĩtwe tuli bagombe benyũ. Neryo Yosũa mwabuga nabo ati, Muli bahi kwehĩ? Kandi mũkalũahi?