Yosũa 8:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Neryo mwasyabya mwabihamba omũyĩ, mwasyahĩsyago; mwasyakola ngʼekĩnywa kyʼOmwami Mukulu. Lebaya, nabiribahana.

Yosũa 8:8 Iomraidhean Croise

2 Samwelĩ 13:28

Kandi Abũsaloma mwahana bagombe buwe ati, Mũlebaye ndeke omugulu omutima wa Amnonĩ atsemĩre omo bĩnyũ; nʼoko mugulu nasyabũga nenyũ nyiti, mũswĩraye Amnonĩ, neryo mũmwĩte; simubahe; ĩsĩ ngye ndaliabahana kwehĩ? mũsĩke, mubye mbangĩ.

Eryibuka Ebihano 20:16

Nĩkwa omo mĩyĩ yʼebihanda, ebyo Mwami Mukulu Nyamuhanga wenyũ akabaha mo mwandu, sĩmũsyesĩgaho ekindu nʼekiguma ekikahumula.

Yosũa 1:16

Nabo mobasũbĩrya Yosũa bati, Ebyosĩ wabirituhana twasyakolabyo, nʼeyo ukatutuma twasyayayo.

Yosũa 1:9

Sinditakuhana kwehĩ? Ubye nʼamaka, uyisige ndeke; Sigubahe kutse erĩhahũkya omutima; kusangwa Omwami Mukulu Nyamuhanga wawe ali haguma nawe ehosĩ ukaya.

Yosũa 6:24

Neryo mobahĩsya omũyĩ gʼomo muliro, nʼebyosĩ ebyabyamo! ebĩtsĩpa bisa nʼesyamagetsi, nʼebindu byʼemiringa nʼebyʼebyuma, mobahĩrabyo omo kigona kyʼenyũmba yʼOmwami Mukulu.

Yosũa 8:13

Ko bahĩra abandu bo batya, omulondo gosĩ ababya oko luhande lwʼelutambi lwʼendata lwʼomũyĩ, nʼabakalĩmbaya babya oko luhande lwʼeyĩkwa lwʼomũyĩ, na Yosũa mwaya ekiro ekyo omo musya oyo.

Yosũa 8:2

wasyakola oko Aĩ nʼomwami wako ngoko wakola oko Yerĩko nʼomwami wako; ekiguma kisa ebindu byako, nʼesyonde syako, mwasyĩmyabyo mo minyego yenyũ; ũhĩre abakalĩmbaya busana nʼomũyĩ enyũma wago.

Yosũa 8:22

Nʼabandi mobalũa omo mũyĩ eriyabambirabo; neryo mobabya omo katĩkatĩ kʼAbaĩsraelĩ, abandi oko lundi luhande nʼabandi oko lundi luhande; neryo mobĩtabo, mobatasĩga nʼomuguma kutse erĩbalya nʼomuguma.

Yosũa 8:28

Ko Yosũa ahĩsaya eAĩ yʼatya, mwayirago mo kilundo kya kera na kera, kyʼekĩma, erĩhĩka mũnabwĩre.

Yosũa 8:7

Nenyũ mwasyahangana omwʼĩrĩmbya, imwanyega omũyĩ; kusangwa Omwami Mukulu Nyamuhanga wenyũ asyahĩrago omo byala byenyũ.

Yosũa 8:9

Neryo Yosũa mwatumabo; neryo mobaya omwʼĩrĩmbya, mobĩkala omo katĩkatĩ kʼeBetelĩ nʼeAĩ, oko luhande lwʼeyĩkwa lwʼeAĩ; nĩkwa Yosũa mwagotsera ekiro ekyo omo katĩkatĩ kʼabandu.

Abatswerĩ 4:6

Neryo mwatuma eribirikira Baraka mugala wa Abĩnoamũ akalũa eKadesĩ-nafũtalĩ, neryo mwamubwira ati, Omwami Mukulu, Nyamuhanga wa Ĩsraelĩ, abirikuhana, ati, Ugende usegere oko kitwa kyʼeTaborĩ, kandi wĩmaye haguma nawe abandu elfu ĩkũmĩ oko bana ba Nafũtalĩ nʼabana ba Zebũlũnĩ.