Yosũa 8:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo Omwami Mukulu mwabũga na Yosũa ati, Sigubahe, kutse sũhahũkaye omutima; wĩmaye abandu bosĩ bʼamalwa haguma nawe, uhangane uye eAĩ; langira, nabiriha omwami wʼeAĩ omo byala byawe, nʼabandu buwe, nʼomũyĩ wuwe, nʼebitaka biwe,

Yosũa 8:1 Iomraidhean Croise

Esyonyimbo 27:1

Omwami Mukulu ni kyakakala kyage, nʼerilama lyage; Nasyubahandi kwehĩ? Omwami Mukulu akahanganira engebe yage; Sindiendisyubaha mundu.

Esyonyimbo 44:3

Abandu bawe mobatakĩnda ekihugo omo mĩyalĩ yabo; Mobatatokakyo omo maka wabo, Nĩkwa ebyala byawe byʼamali nʼokuboko kwawe, Nʼekyakakala kyʼobũsũ bwawe, byo byatoka, Kusangwa wabya wanzĩrebo.

Esyonyimbo 46:11

Omwami Mukulu, Omũtokĩ Wʼebyosĩ ali haguma netu; Nyamuhanga wa Yakobo ni busayiro bwetu!

Ĩsaya 12:2

Lebaya, Nyamuhanga ni mulamo wage. Ngandiyiketera ye, Sindiendisyubaha, kusangwa Omwami Mukulu ye Nyamuhanga, Ni maka wage nʼolwimbo lwage, Naye abiribya mulamo wage.

Ĩsaya 43:2

Omugulu ukalaba omo magetsi, nasyabya haguma nawe, nʼerilaba omo syonyũsĩ, sisyendisyakubwayirako. Omugulu ukalaba omo muliro siwendisyahya, kutse ekirimi kyʼomuliro sĩkyendĩsyakũhĩsya.

Yeremĩa 46:27

Nĩkwa Yakobo, omugombe wage, Sigubahe, kutse nawe Ĩsraelĩ, susweke! Kusangwa, lebaya, nasyakũlamya erĩkũlũsya ehali, nʼabana bawe erĩlũa omo kihugo kyʼobunyegwa bwabo. Na Yakobo asyasubula, nʼerihumula nʼobuholo, isihali oyo Wasyaleka akatitimana.

Yeremĩa 49:3

Uwe Hesĩbonĩ, ulire, kusangwa Aĩ abĩrĩtĩngĩtĩbwa. Ĩnywe bali bʼeRaba, mulire, mwambale emisarandwe. Mũsũsũmane, mutibite eyĩ nʼeyĩ omo katĩkatĩ kʼesyombĩmbo, kusangwa Malkamũ asyanyegwa, nʼabahererĩ buwe, nʼabanya-mwami buwe haguma.

Danĩelĩ 2:21

Kandi akabindula emigulu nʼebirimo; akasingula abami, kandi ĩnĩasĩngya abami; akaha amenge oko bʼamenge, akaha eriminya oko banyima;

Danĩelĩ 4:25

Liti wasyahigwa erĩlũsĩbwa oko bandu, nʼobwĩkalo bwawe bwasyabya haguma nʼesyonyama syʼomolĩ, nawe wasyalĩsĩrĩrĩbwa erirya ebiti ngʼesyonde, kandi wasyatsapĩbwa omo kimi kyʼekyanya, nʼemigulu irinda yasyakulabako; erĩhĩka aho wasyaminyira Owendata Kutsibu kwʼakatabala oko bwami bwʼabandu nʼerihabo ukwʼoyo akasonda.

Danĩelĩ 4:35

Nʼesyondũlanĩ syosĩ syʼekihugo sikaganzawa nga si kindu; naye akakola ngʼerisonda liwe omo milondo yʼelubula, nʼomo katĩkatĩ kʼesyondũlanĩ syʼekihugo; kandi sihali oyo wangakakĩrya ebyala biwe, kutse erĩmũbũlya ati, Ukayira uti?

Matayo 8:26

Neryo Yesu mwabwirabo ati, Busana nakĩ mukubaha kwehĩ? ĩnywe bandu bʼerĩkĩrya ĩke! Neryo Yesu mwahangana, mwakunga ekihunga nʼengetsi, neryo mohahita esĩsyerere.

Eryibuka Ebihano 1:21

Lebaya, Omwami Mukulu Nyamuhanga wenyũ abĩrĩhĩra ekihugo embere syenyũ; muhetuke, mwĩmayekyo, ngoko Mwami Mukulu, Nyamuhanga wʼaboso-kulu wenyũ, abĩrĩbũga nenyũ. Simubahe, kutse sĩmũhahũkaye emitima.

Eryibuka Ebihano 31:8

Kandi Omwami Mukulu, yukabatangirirako; asyabya nenyũ, siendisyabahũtatira, kutse erĩbasĩganĩa. Sigubahe, kutse erĩhahũkya omutima.

Eryibuka Ebihano 7:18

Simusyubahabo; mwasyibuka ndeke ebyo Mwami Mukulu Nyamuhanga wenyũ akola uku Farao, nʼoko Bamĩsĩrĩ bosĩ;

Eryibuka Ebihano 7:21

Simusyubahabo; kusangwa Omwami Mukulu Nyamuhanga wenyũ ali omo katĩkatĩ kenyũ, Nyamuhanga munene nʼoyũkaswekaya.

Yosũa 1:9

Sinditakuhana kwehĩ? Ubye nʼamaka, uyisige ndeke; Sigubahe kutse erĩhahũkya omutima; kusangwa Omwami Mukulu Nyamuhanga wawe ali haguma nawe ehosĩ ukaya.

Yosũa 10:7

Neryo Yosũa mwalũa eGĩlgalĩ, iye nʼabandu bosĩ bʼamalwa, nʼabandu bosĩ bʼamaka, esyombangĩ.

Yosũa 10:8

Kandi Omwami Mukulu mwabũga na Yosũa ati, Sigubahebo; kusangwa nabĩrĩhĩrabo omo byala byawe; sihali mundu oyo wasyahangana embere syawe.

Yosũa 2:24

Kandi mobabwira Yosũa bati, Kwenene Omwami Mukulu abĩrĩhĩra ekihugo kyosĩ omo byala byetu; kandi esyondũlanĩ syosĩ syʼekihugo sikasendekerera embere syetu.

Yosũa 6:2

Neryo Omwami Mukulu mwabũga na Yosũa ati, Ũlebaye, nabĩrĩhĩra eYerĩko omo byala byawe, nʼomwami wako, nʼabandu bʼobũtokĩ esyombangĩ.

Yosũa 7:9

Kusangwa Abakanana nʼesyondũlanĩ syosĩ syʼekihugo basyowago, basyatũtĩmbako, nʼerĩrĩmya erĩna lyetu lyʼomo kihugo; nawe wasyakolakĩ busana nʼerĩna lyawe rĩnene kwehĩ?