Yosũa 7:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Kusangwa Abakanana nʼesyondũlanĩ syosĩ syʼekihugo basyowago, basyatũtĩmbako, nʼerĩrĩmya erĩna lyetu lyʼomo kihugo; nawe wasyakolakĩ busana nʼerĩna lyawe rĩnene kwehĩ?

Yosũa 7:9 Iomraidhean Croise

Esyonyimbo 115:1

Ukʼuwe ĩwowene, Uwe Mwami Mukulu, ukʼuwe ĩwowene, Olukengerwa luhabawe, butsira kwĩtwe, Busana nʼolwanzo lwawe olutyusa, nʼeritendiregula lyawe.

Esyonyimbo 48:10

Uwe Nyamuhanga ukapipawa nʼabandu ehosĩ-hosĩ; Kandi engulu yawe, nibya, ĩkahĩka oko ndũlĩ yʼekihugo. Ebyala byawe byʼamali bikatabala mwʼerĩbanza litunganene.

Esyonyimbo 79:9

Uwe Nyamuhanga, Omũlamya wetu, ũtũwatĩkaye, busana nʼerĩsĩkya lyawe; Ũtũlamaye nʼeribuyira ebibi byetu busana nʼerikupipa.

Esyonyimbo 83:4

Bakabũga bati, Mwase, tũtogotaye ekihanda kyabo, Neryo Ĩsraelĩ asyibiriranwa kera na kera.

Esyonyimbo 83:5

Bakalĩga oluhota lwabo, Bakahanana erikubambira.

Erĩlũayo 32:12

Busana nakĩ Abanya Mĩsĩrĩ bangabũga bati, Alũsaya bʼeno omo menge erĩĩtĩrabo oko bitwa, nʼerĩtogotyabo erĩlũa omo kihugo kwehĩ? Uleke erihitana lyawe lĩkalĩre, ubinduke oko kibi ekĩ oko bandu bawe.

Ezekĩelĩ 20:9

Nĩkwa monakola busana nʼerĩna lyage, isirvangatsumwa embere syʼameso wʼebihanda, eyo babya bĩkere, omo meso wabo monayĩmĩnyĩsya kubo erĩlũsyabo omo kihugo kyʼeMĩsĩrĩ.

Yoelĩ 2:17

Abahererĩ, abagombe bʼOmwami Mukulu, balirire omo katĩkatĩ kʼobũsekũ nʼekiherero, babũge bati, Uwe Mwami Mukulu, Uganyire abandu bawe, suhe abandu bawe oko batsũmĩ, Suleke ebihanda bikahulabo mo mitenyo. Busana nakĩ bangabũga omo katĩkatĩ kʼabandu bati, Nyamuhanga wabo ali hahi kwehĩ?

Mĩka 7:10

Neryo enzĩgũ yage yasyasamalirakyo, nʼesĩsonĩ syasyaswika oyo wambwira ati, Omwami Mukulu, Nyamuhanga wawe, ali hahi kwehĩ? Ameso wage asyasamalira; nayo yasyalyatangirirwa ngʼolondo lwʼenzira.

Emiganzo 14:13

Neryo Musa mwabũga nʼOmwami Mukulu, ati, Abanya Mĩsĩrĩ basyowa, kusangwa mowaleta abandu aba omo maka wawe erĩlũa omo katĩkatĩ kabo;

Yoane 12:28

Uwe Tata, ulete olukengerwa oko lĩna lyawe! Neryo omulenge mwalũa elubula ati, Nabĩrĩhamyalyo, kandi nasyaswahamyalyo.

Eryibuka Ebihano 9:28

Ekihugo ekyo walũsaya bomo kyasyabũga kiti, Kusangwa Omwami Mukulu mwataluka eriretabo omo kihugo ekyo alagabo, kandi kusangwa akwabo busu, abiriretabo omo mbwarara erĩĩtabo.

Yosũa 7:10

Neryo Omwami Mukulu mwabũga na Yosũa ati, Hangana! Busana nakĩ wabĩrĩyĩtũlĩka ahisi kwehĩ?

Yosũa 7:8

Uwe Mukama, ko nasyabũgakĩ kwehĩ, Ĩsraelĩ bamalolya emigongo yabo yʼoko nzĩgũ syabo!

1 Samwelĩ 12:22

Kusangwa Omwami Mukulu sĩendĩsyasĩganĩa bandu buwe, busana nʼerĩna liwe lĩnene, kusangwa kyabĩrĩtsemesya Omwami Mukulu eribayira mo bandu buwe busana naye.